A che sa March 24, 2011 pan tu nichan in Myanmar gamsung Shan State lam a ling aki hot hot jing na lai jin ahi. Tachileik khopi mun a April 24 chun ling aki hot kit in ahi. Chubana Talay khopi kim vel a April 29 chan in tham tham in aki hot jing na lai je.
Hiche ling kiho a kon a genthei hahsa ho vil ding in April 28, 2011 Thursday nichun Yangon pan in Tachileik khopi mun ka jon e. Yangon International Airport pan in jing kah lam pung 7:oo am in ka ki pat doh un, 8:40 am in Tachileik khopi ka ga lhung e. Yangon pan Tachileik hi van leng in pung 1:40 sung asot e.
Tachileik ka lhun ni jing kah lam chun Thailand gama Maesai khopi ka ga ve len ka hung ki len kit in Tachileik khopi kimvel a kho cha adeha Lahu minam ho chen na ka ga ve in ahi.
A jing in genthei hahsa don ding tui theng nei lou ho ding in tuitheng gari ni dim set in akipon ling pin atohkhahna kho lam a ka che un ka ga hom peh uve. Ama ho jong aki pah thei lheh un Pathen athang vah un ahi. Ling in suh set in leh houin ho jong aki jem del dul na lai ye.
Mun tina um tahsan cha ten ling suh seta kon a aki le doh theina diu vin tao peh jing ute.
Nasopiu
Nehkholal
Yangon
Leave a Reply