Myanmar gam sung pumpi misim (census) lahna anu nung pen chu kum 1983 kum chu ahin, tun misim lah lou kal kum 30 alhing tai. Myanmar gamsung semphat theina dinga gamsung cheng misim jat mong mong het na dia kum 2014 teng leh gamsungpum pia misim (census) lah na um ding ahi. Tun jong misim lahding dan agon ho chu mang chan khopi pha chom pia misim ala pa tep un ahi. Misim lah tah tah hi kum 2014 a ki pan ding ahi.
Hiche misim 2014 lah ding dan hi Gamsung lamkai hon kicheh taha, ahin phon doh ma un, gamsung mi kon khat hon, ana ti jat pi un ahi. Ama ho gel dana chu Myanmar gamsunga jat sim (135) dung juiya lah ding in ana gel kha un, hicheva jao lou min mang cha jat ho (te kahna: Kuki) chu no mang ding chan gei yin ana gel kha un, chukeo hi louvin, khat le khat kigihnan jong ana mang khau ve. Mi pi tampi alung ling lao un, tu chan a lung gim jong aumuve.
Hiche Census tohgon hi Immigration Dept. lamkai na ahi vang in, angaina a ana ki sem jing Inkon misim (Eing-hton-suh-sayin) leh mimal simna (Mat-pong-tin or NRC) ho toh ki bang lou ahi. Hiche ho hin Inkon misim leh mimal simna chunga alah lou diu ahi.
Inkon misim (Eing-hton-suh-sayin) nei leh nei lou thu hi lou, mimal simna nei leh nei lou thu hi lou, gamsunga um misim jat mong mong chu ki la ding ahibouve. Jat le nam jong thupi taha ki dong ding ahi poi. Tu in muna gamsung mite ho inchen khosah um dan mong mong thu jong adoh tha diu ahi. Chule hiche Census tohgon hin, tunichana mimal simna (Mat-pong-tin) nei lou ho bol peh ding hi akin u ahi poi.
Gamsung cheng misim um jat mong mong kicheh taha aki het doh teng, gamsung mite dinga vat, inchen khosah tohgon, nei le gou avat ho, school ho, hospital ho, tui peh na tohgon ho, na toh na tham ho, sum kol vei na lam ho, che le va le na lam len leh lei ho, tehse hing mo chet mo ho pan hu ngai chat jat ho, numei le chapang ho ventupna ding ho, gamsung kivaipohna aki tup na ding leh thuchom chom tampi gon toh na hung um thei ding ahi.
Hiche Misim (census) lahna a ki mang cha misim jat leh gamsung mite ho inchen khosah um dol ki dong khom thu ho hi Misim tohgon a dinga tai lou, mi chom, kiloikhomna chom hon aman thei lou diu ahi. Misim khol toh na lama mopohna nei hon pha te cha achin tup diu ahi.
Hiche misim ho March 29 jan kim pung 12 jouva pata hing na lai ho leh ahung peng ho kisim tha ding ahije. Hiche nia pata gamsunga um ho, gamhop sunga cheng ho, hiche jouva thi ho leh Sorkal thalhenga gamchom palaia ga pang ho leh insung mite ho jong ki sim tha ding ahi. Hiche misim jat don khom toh lhona, thudoh jong pha chom pi ki nei ding ahi. Hiche thudoh ho hi inchen khosah umdol leh gamsung mite dinga avat ho khol doh thei na ding ahi.
Source: April 4, 2013: The New Light of Myanmar page 6.
Leave a Reply