Myanmar gam hi Vanoiya gamkhata het peh ahi vang in vaipo ho thep lou jeh leh het lou jeh in gamsung ache toh thei pon ahi. Thil man ho jong hi akum akum leh ani anin aki khel khel jeng e. Gam kitup gama thil man cheng 1 akal ding jong hi nasataha ki gong a ki kal sah ahi. Ahin Myanmar gamsunga hin thiljoh hon athu thun akal sah jeng un, ‘na dei leh kichoh, na dei lou leh kichoh lou’ ti ngen ahi.
Telephone khat nei ding jong hi ahah sa ma mai. Sorkal henga telephone kom phalna dia ngehna lekha kisuna ki cho ahi. Hiche kom na lekha sut na dinga chu vengsung haosa ho hetpehna ki la cheh cheh ahi. Chubana telephone chan thei na dinga lekha sun le ho sum kipeh e kit na lai ahi.
Kum 2010 lam chun GSM sim card khat chu (sim card man leh anong nai kipe gom) Ks Lakh 18 (US $ 2250) ana hi. Kum 2011 in CDMA phone man lhom ahung soh kit in, Ks Lakh 8 (US $ 1000) ana man kit e. Kum 2010 a GSM sim card Ks Lakh 18 (US $ 2250) man chu kum 2012 chun aman ahin kheh sah uvin, Ks Lakh 2 (US $ 250) ahung pha kit tai. Tu April 24, 2013 nia pata telephone sim card Ks 1500 (US $ 1.87) a ki cho ding ahi tai.
Hitia kum 4 sunga telephone sim card man kheh dan ahi Kum 2010 a GSM khat $ 2250, kum 2011 a CDMA 450 khat $ 1000, kum 2012 a GSM $250 (CDMA 800) leh kum 2013 a (CDMA) khat $ 1.87 khe lha ahi. A nu nung pen telephone hi thaini (April 24, 2013) teng leh ki joh pan ding ahi.
Hiche telephone man kheh lhah dan hi akim khat in atahsan lou mai thei ding ahi. Hiche hi vannoi het ahi. Telephone man kicheh lou banga hi thil chom chom (in mun man, car man) ho jong chutabang ma ahi.
Thil man kicheh lou, kitup lou hi Sorkal kivai poh tup jou lou jeh, kivaipohna dan hoi lou jeh leh jui lou jeh ahi. Telephone man ahin kheh lhah sah u hi atila pata hi ti ding mong ahi. Mo pohna nei hon lom lou taha sum tampi ana lah u ahi. Hiche telephone man jeh hin Minister jong aphom ana kah uve ti thu jong aki jan ahi.
Leave a Reply