Aguding, Athatding leh Asumang ding

Aguding, Athatding leh Asumang ding

June 15, 2009 jing kah, khangdong kikhopna (summer camp) a Pathen thukasei kon in mikhat in phone ei hin bolin, “Hiche phone neipa na him? Mivang phatah na hi. Denver Richard (ID 2413), Petersburg, FL a na tong ka hi. Mexico gam Cancun Citya nang leh na insungmite mi 3, lamtha, jinlhunna, neh le chah manbeiya chetheina na nei je. Na khol che sunga nahoupi nom chan manbeiya na kihoupi thei ahi” ei hin ti. Hichun ei kipa sah lheh e.

Keiya kona ahetbe nom chu ahi le hiche kholjinna thu hetsahna lekha ho kahin thot ding ati jeh in ken jong kaum na mun ka sei peh e. Abana ahetnom kit chu ahi le hiche lekha man hi $ 4.95 peh ding ahi. Hiche sum hi sumchang, sumlekha, sumkhelna ti ho apeh thei hilou sumkholna number chu ahin thum tan in ahi. Hiche thuhi atah ahi leh ahilou kahechennom in ka loi ho kadoh leh “hiche pa chun najou lhep ahi, bank number napeh leh hia kona chu na sum ho guh mang ding agot ahi” ei tipeh e.

Hiche thua kon in Pakai Jesun “Gucha chu agu ding le athat ding chule asumang ding tilouvin ahung ngaipoi; Kei vang hinna aneiyuva, bukim keiya aneina diuva hung kahibouve” (John 10:10) tia asei chu kagel doh e. Satan in mihemte hinkho guh mang ding, thading chule suhmang ding in lamchomchom ahol jing e.  Ilungsungu leh i-in sunguva goulu taha inei u “kipana hinkho” hi Satan in guhmang din nitin in atup jinge.

Ihinkhou gu manga, thata chule sumang hel dia tup jing,

Igal pao Satan natoh na konin ki veng tup jing ute.

Nehkholal

August 18, 2009

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>