Sei doh hih in!

Sei doh hih in….

In sung leh loile gol toh natohna a thuguh aum teng leh “seidohhihin” aki ti ji. A jehchu thu khoh tah, aja ding leh ahe dinga lom lou vin ajah leh apha lam sanga ase lam soh thei ji ahi. Ahin mi hem atam jon seidohlou ding ho hi akiseinom in phat leh hun jong aki ngah jou ji poi. Paka Jesun leiya alen lai jin ana dammo tampi adam sah in atam jon ama ho adam sah jouvin, adamsah thu sei doh lou ding in a gah e. Mun chom jot pa louva ain lam u aki le pai diu vin asol ji e. Ahin amidam sah hon inlam jot pai louvin asei phong leu vin ahi. Ama ho chun ahinkhouva adam u chu kipah behseh uva aim thei lou u ahi. Hitia aseiphong le phat uvin mikim khat in lamdang asa un, akipa pi un, ahin mikim khat in Pakai Jesu mo na holna leh hehtheina din pansah nan anei uve.

Pathen lhacha a pan na hi hen, kiloikhomna natohna hi ta leh hoilaimun a natohna hi jong leh Pathen in eitohsah kin ho hi mihemte henga sei doh behseh ngai ji lou ahi. Asolpa leh akisolpan akisolnakin chu atoh bu lhit ding athupi pen e. Noah chu konglen tah sui dinga kisol ahin midang akisol poi. Midang hon he them hih jong leh akisolpa Noah chun Pathen solna kichen tah a aheta achai geiya atoh jeng ahi.

Hinkho a Pathen in eisolnau kin hi mite chunga leh mite mudan a tong louva Pathen solna banga toh ding ahi. Pathen in eisol na kin ho hi mipi heta sei doh dinga lom aum in, im dia lom jong aum e. Seidoh dialom sei doh louva, imdia lom im lou chun kisolna kin abu lhit jou lou ding ahi. Hijeha chu hinkho sunga hi seidia lom sei ya, imdia lom im ding aphai.

Imdia lom im chu chonset ahi pon chonphat na aso sah joh ding ahi bouve.

Nehkholal

3 comments to Sei doh hih in!

  • lunkhai

    ken jong hiche hi kapom e. thu imding dol im thei lou mi hi nung-le-ma in jong tahsan aum thei poi. ama-le-ama kihongval kiphongval ho hi amasunga ama-leh-ama akitahsanna lhom ahe, akitie.

  • Neinu

    Amasan hiche eipaova website neidohna dinga pan nasatah a hinlaho jouse chunga kakipana kahin phonge.

    Hiche “Seidoh Hih In” kiti article kijih hi dih kasa lheh jengin ahi. Phat chesa hinkho sunga kamu dungjuijin thil tamtah hi seiding le seilou ding hetkhen lou jeh a kitomona le kihet khelna insung hihen lang,society sung hihen lang, inatohna mun ahilou leh hoilai mun hijong leh thil tam tah akimu in ahi. Hijeh chun thil geltoh det det louva thu moh sei sei hin thil tamtah asuse in ahi. I thusei ding chu ajaho dinga kipana le kitilkhouna ahilouleh seidoh da a pha jeng ahi. Hijeh chun thilpha le chamna chu ideija ahileh chihthei hi aphapen ahi.

    • Nehkholal

      Neinu,
      Seidohhih in ti article thua na hin lekha sut be chu hiche website a tahlang din pha kasan ka tah lang e. Mitam pin aphat chom pi be kit ding ka tan san e.

Leave a Reply to Neinu Cancel reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>