America Gam (2) Vei Khol Zinna
Pathen mapui na jal in October 21, 2010 ni chun America gama houbung leh loi le gol ho vil ding in ka hung lhung in, jing nikho December 8, 2010 ni teng leh kachena leh kanatohna gam Myanmar ka ki le kit ding ahi tai. Tu chung America gam ka khol jin hi ni kho agom in 44 asot e.
Tu chung ka hung khol jin hi houbung ho leh loi le gol ho toh kimuto ding doi tup pi pen ahi ma bang in hatpa 6 ka um sung in houbung 5 (Springfield 2, Witt, Martinton, Darrow) ka vil man in, Sunday School a (1+2) 3 vei, Home Groupa (1+2) 3 vei, Children Ministry a (5+7) 12 vei, Indianapolis a Thangthang te lunghempina a thuseina ho ka nei jin ahi. Chubana National Missionary Convention a jong ka ga lhathei jin Pathen ka thang vah e.
Ka um sung in Illinois State sunga loi leh gol ho toh jong ka ki mu ton, Lincoln Christian University a ka professors ho toh jong ka ki mu thei un ahi. Chubana Lexington, Kentucky a National Missionary khoppi ka ga lhan, chujouvin Indianapolis (Indiana State) a sopi ho henga jong ni 3 jen ka ga ni chong e.
Indianapolis (Indiana State) pan ka hung ki len, ka umna Illinois State sunga hapta khat ka um kit in, chujouvin St. Charles, Missouri State a ni 4 sung ka ga jin kit in, ka um sung in khosunga Lewis and Clark &Natural Museum jong ka va ve man e.
December 8, 2010 Wednesday teng leh Chatham, IL pan 10:00 am a ka kon dohuva St. Louis car toh ka jot diu, St. Louis pan vanleng ka tou pan diu ahi. St. Louis, MO pan Los Angeles, CA chan vanlenga ka len kit diu, LA pan Taipei ka len kit diu, Taipei pan Yangon International Airport a ka len lut diu ahi.
Tu chung America ka hung hi ka 2 vei hung na ahi tan, America gam sum holna jong ahah cheh cheh in, ahin Pathen mapui na jal in ka vai kon apha chom lheh e. Chol vang aum lheh e.
Pakai Lhacha
Nehkholal
December 7, 2010
Leave a Reply