Kum 20 Tohgon Gui Lhung Ta

Hinkhoa hi tohgon pha tah a nei ding athu pi lheh e. Ahin tohgon pha taha nei ding ti hi ahahsai. Kei jong 1995 kum lai jin (BTh first year ka kai lai), summer school ki kha kah in Khampat houbunga Bible Training ka na pen ka hi.Jing kah khat Bible ka sim in, ka taovin, ka lung sunga mailam tohgon sut doh ding ka tha anom lheh in, ka sut sut leh kum 2010 chan ding ka sun doh in ahi. Kum 1991 kuma aki pat leh kum 2010 hi kum 20 alhin na ahije.
Hiche kum 20 tohgon hi ka Diary bu nung lama ka na sut ahin, ahin hiche lekha bu hi ka vel man ta pon, aum na jong ka na het lou ahi tai.
Hiche kum 20 ka tohgon ka na gonna a hin, BTh first year jil lai khat gon dia lom beh seh lou ana hin ka gel e. A jeh chu BTh bon chai nai louva, USA gama kum 2008 teng Doctoral course jil a che dia ka na sut jeng chu ka le gel leh lam dang ka sa e.
Pathen mapuina jal in kum 2007 kum in America gama Doctoral jil ding ka na chen, America gam ka lhun jou vin, in langa ka in ko ten lekha bu lui ho ahe theng u leh, kum 1995 laiya ka na sut lekha dal chu amu doh in, Kalay Myo a kon in Internet a kon in, scan in ei hin thot un, ka mu chun lamdang ka san, ei ki pa sah lheh in, Pathen ka thang vah e.
Kum 20 tohgon ka na sutna kum 2008 teng America a Doctoral course jil dia na ka sut ahin, ahin Pathen in kum 1 ma jep kum 2007 kum in America gam eilhut e. Kum khat bou ki khel ahi.
Hiche kum 20 tohgon chunga jong “All Hail The Power of Jesus Name” ti houbung la jong ka na sun doh e. Kum 2008 kum sunga America gama houbung khat Pathen Thuseiya ei temnao va ka ga chen, phat vop nun kipana Houbung la ahin lhen chu ken kum 20 tohgon chunga ka sut doh houbung la ma ma chu ahi e.
A chunga ka hin sei ho jal a kon in, Pathen in tohgon ei gonsaha, Aman tohgon alo lhin sah ahi ti ka tahsan e. Hiche tohgon a kon in Pathen lenggam a machalna tampi aki mun, Pathen thang vah in um jing ta hen.
Nehkholal