University Exam Nikho

University of Distance Education; Yangon University leh Mandalay University noiya kai hon ahung lhung ding October 4-11, 2012 sunga Examination abol ding thu tuni August 23, 2012 nin Sorkal Newspaper a ahin het sah un ahi.

University kai khangdong hon ani kho pha te cha ki mel chih angai je. Chule hiche exam ni kho masang lha khat sung class kai ngai ding ahi. Students tam jo intensive class kai louva Oiya ho Tuition class joh akai jiuve. Hiche class hi students ho tan tia kai apha e.

University a Intensive class kaiya kon in oiya ho toh jong aki he ton, chule jong eiya ding a phat chom na tam pi aum e. Oiya ho toh kiheta kon in, ilung angam in, exam ding jong anom in, mailam a themzil be nom ho din jong aphat chomna tampi aum e.

University students ho item cheh diuva dei um pen chu undergraduate level a kichai sah louva, Master level chan a kai doh thei na dia tup ding ti ahi. Hiche thusoh sima, UDE students exam bol ding kihet pi nei hon phate chan students ho til khou cheh u te.

Master of Qualifying Class hi undergraduate level chaijouva kum 1 sung ki kai ahi. Hiche kai sung leh University Tutor ding kikou phat aki to leh Tutor a ki pang pai thei ahi tai. Hiche tutor a pan na ding a hi written test leh oral test bol angai je.

Myanmar gamsunga Kuki chate laha University a Professor a pang koi ma ium dohthei nai pouve. University kai khangdong hon ha tup tan angai je. University kai khangdong ho pon tho u te. Mai lama jat le nam a dia lamkai len leh jat le nam kison pi tah ihung hi thei na diu vin pon thot u te.

 

 

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>