Sermon: Damtheina Thu

October 14, 2012 nin Yangon a Kuki Baptist Church kikhopna mun a USA gama kon hung kal song Rev Dr Thong Kho Lun (Pastor, Huston Burmese Christian Fellowship) in Pathen thua houlimna anei jin ahi.
Hiche nikhoa ahoulim na thulu chu “Damtheina Thu” ahi. Mihem hi tahsa, lungthim chule lhagao tia 3 a ki khen ahi. Mi kim khat atahsa adam vanga, alung thim leh alhagao dam lou, kon khat ma lung thim dam jong leh tasah leh lhagao dam lou, kon khat kit ma chu lhagao dam jong leh tahsa leh lung thim dam lou, kon khat ma chu athum a dam lou ti ahi.
Mi hem te dia khat le ni bou dam ding ahi pon, achunga kisei tahsa, lungthim chule lhagao athuma hi adam teng leh bou “ka dam e” kiti ahi. Hiche thum a dam thei ding hi abai poi. Ahia hicheng thum chu adam khom theina dia gel khoh angai je. Hiche thum dam thei na ding chu “Jesu Christa” a kibul phua kon a ki chang thei ahi.
Pakai Jesu leiya alen lai yin, tahsa dam lou: mitcho, elbai, na ngong, phah nat, thi long, thilhavop, khosih, ti ho chu Ama tah in atham a adam sah jong aum in, A kam chang tha nei na mang cha Thupeh a kon a adam sah jong aum e. Chule gil kel dang chah mi 5000 val jong ana vah in ahi.
Lung thim leh lhagao lama dam lou ho din jong ngaidam thu, kilung set thu, ki pan hu thu, kikho to thu, heng le kom ngai lut ding thu leh thu chom chom in ana til khouve. Hiche ho hi Pathen Lekha bu sunga kisim doh thei ahi.
Pathen toh iki hou nao dan u jat 2 a khen thei ahi. Hiche chu taona leh Bible simna ahi. Tao na kiti hi Pathen henga idei chat, ingai chat ho ki lhut ahi. Hiche chu eima aseiya ki panga, Pathen angai ja pang ahi. Christian ho laha Pathen henga sei sei jeng, tao tao jeng atam e.
Bible sim kon in Pathen in iti lung gel neiding, iti chon ding leh ipi toh ding ei hil un ahi. Hiche hi Pathen aseiya panga, ei ho angai ja ki pang ahi. Bible jong hi idei lai lai kisima, isim nom lou ho da lhah ding ahi poi. Hiche Bible isim sim leh ei ma lung gel a idet thei lou ho jong hung ki khel a hia kona chu “Tahsa, Lungthim chule Lhagao” apum pi a hung dam thei ding ahi.
Pathen Lekha bu akisim a, hiche sunga um dung juiya aki jui toh leh ipum pia ki dam theng thei ahi.

A lhunna Hotel (Royal White Elephant) kom a October 17, 2012 nin loi le gol ho toh Breakfast aki ne khom in, ki houlim khomna aki nei khom e.

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>