Khul Mun le Jang

Khul Mun le Jang

Pu pa te hon i-thusim u asei teng u leh “Khul a hung kon i-hiuve” tin asei jing uve. Upa hen ho thusei ya kon ahin, chule Bible lam leh Secular lam-a Research kibol ho tampi ka sim in, “Khul” thusim asun jiuvin, ahin hiche Khul mun chu “hoi lai mun pen a hi” ti asei chen thei pouve.

Atam jo gel dan in “Khul” hi China Kulpi hi din aging chauve. Kim khat sei dan in Khul a hung kipot doh jouchun “Chai-tol khopi a i-hung chenguve” tin jong asei juve.

Thusim khat kit ma a chun ahile “Pupa te khang chun Thingphung len tah khat ana um in, hiche thingphung ga chu sa hem leh mi hem in ana ne un, ana bel uve. Amin chu “Paa Phung” ana tiuve. Hiche Paa Phung chu alhun, mol lhang chu akhah tan in, gam sa ho lam lhah akhah tan in, pupa te ho chun sa tam pi ana ki thauve” atiuve. Hiche mun hi dia ginchat um tah mun ka ga pha khan, ahin i-kitol dan u (migration) toh khol toh jep angai jeh in, sei chet thei ahi jep nai poi.

Achunga ka sei bang in Khul mun le jang jong hi kicheh tah in aki phong doh nai poi. Nung hapta chun Pu pate ho Khul Thusim ja kha lou beh, jat dang ho sut Lekha bu khat ka sim na a “Khul’a hung kon doh ho” ti thusim ka sim doh in, hiche lekha bu sunga chun “amun le ajang, chule agam kai” jong asei jin ahi. Hiche mun a hi ga chea, ga khol ding lung lut aum lheh e.

Hiche Khul mun thu hi, tu khanga man chah ding ti na ahi pon, i-thusim’u i-sei seh’u leh “Khul” thusim ki sei jing ahi jeha chu lung lut um ka sah ahije. Ijem tia a ga ki khol thei ya ahi leh sei chet na (prove) hung ki nei kit tan te. Koi ta bang alung lut aum leh ki he to u te.