Tamu leh Leshi Gamlanga Tohgon Ho Thu

Tamu Constituency a lamkai U Khin Maung Shwe toh Tamu lam ka khol jin sung ki mu to na leh kihoulima phat ka na nei je. Tamu gam kai sung khantouna dia anatoh thu leh mai lam tohgon thu ho jong asei je.  Ama hi school oiya ana pang sa mi ahi.

Tamu Constituency Sunga Bridge Tohgon

October 24, 2012 (25/10/2012 New Light of Myanmar, page 9) nia Pyithu Hluttaw meeting ni 5 lhin ni in, Tamu Constituency a lamkai U Khin Maung Shwe in Tamu subtownship sunga um Myothih khopi neo thah koma Yu vadung chunga lei do peh ding (Yu Creek-crossing bridge) tohgon thu adong in ahi. Hiche thudoh hi Maj-Gen Zaw Win, Deputy Minister for Boarder Affairs in, ale don but na a, “Hiche cheh lei (concrete bridge) do ding hi toh gon sunga aum e. Lei asao lam hi feet 120 aphai. Hiche tohgon a ding in sum Kyats 120 million aki gong in, kum 2013-2014 financial year sung a aum e” tin don but na anei jin ahi. Avat sum le pai aki mu teng leh natoh kipan ding ahi tai.

Tamu Constituency Sunga Health Care Matters Tohgon

October 26, 2012 (27/10/2012 New Light of Myanmar, page 9) nia Pyithu Hluttaw meetinga ni 7 lhin nin, Tamu Constituency a lamkai U Khin Maung Shwe in Tamu gamsunga kum 2013-2014 sunga damtheina lam (health care) a tohgon ho: kho neo dunga kijenna ding health care center, sub-centre, Nute leh Chapang zen tup ho (midwives) gon peh ding thu ho adong in ahi. Deputy Minister for Health a lamkai Dr Daw Thein Thein Htay in a le don but na a:

kum 2013-2014 sung tohgona;

1. Kha-mei kho (Lal-lim kho kom) a Village Health Care Center khat koi ding,

2. (i) Hle-seik, (ii) A-Hlaw, (iii) Swinlay kho thah, (iv) Kanan kho leh (v) Khampat no 4 ho a Village Health Care Sub-center bol peh ding tohgon aum thu asei e.
Tamu khopi sunga Maternal and Child Health Department-a ding damtheina lam-a na tong ho alhing a ki koi peh ahi tan, koi peh be ding toh gon aum lou thu, chule mid-wive mi (2) athum naova jong chung lama kon a phal pehna aum leh koi be peh ding in asei je.

Leshi Constituency Sunga School oiya Ngaichat Thu

October 24, 2012 (25/10/2012 New Light of Myanmar, page 9) nia Pyithu Hluttaw meeting ni 5 lhin ni in, Leshi Constituency a lamkai U Shi Tee in Gamgi china Primary school ho a, school oiya koi peh be ding tohgon aum leh um lou thu adohna a, Education lam a mopohna nei Deputy Minister U Ba She in ale don but in “Tu din muna hi Primary school khat;
1. students 55 leh anoi lam aum leh oiya mi (2) ki koi peh,
2. students 56-85 kah alhin leh oiya mi (3) ki koi peha,
3. students mi 86-120 kah alhin leh oiya (4) ki koi peha,
4. students 121-155 kah alhin leh oiya mi (5) ki koi peha,
5. students 156-190 kah alhin leh oiya mi (6) koi peh ahi.

Tu tua Gamgi china Primary school ho a hi students tam leh lhom dung juiya oiya ki koi peh ahin, tu a athah a oiya koi peh be ding toh gon aum nai poi” tin don butna anei jin ahi.