Myanmga gamsunga cheng Kuki chate mailam khankho ding gel khohnan vaicha genthei leh chaga themjil chapang ho Yangon khopi a them aki jil sah in ahi.
Hiche HBS hi kum 2010 kum a Yangon khopi a hung kipan doh ahi. Students ho hi Moldumphai, Lhanglailha, Sawpakai, Joljam, Aungzeyah, Valpabung, Nanpalong, Tamu, Twidimjang, Bokkan, Tingkaya, Kanan, Khampat, Sulpi, Hengjang, Khumnoi kho ho a kon ahiuve. Ama ho hi kho 16 a kon ahiuve.
HBS a themjil chapang ho hi HBS a ahung lhun kal u abang khat dia kum 3, abang khat dia kum 2, abang khat dia kum 1, chule ahung lhung thah ho dia alha lang alhing tai. Kum 1, 2, 3 ana um sa students ho jong hin in lam ngai pum puma mailai khankho kisemdoh thei tei na dia lung len pul dou puma Yangon khopi a them jil u ahi.
May 27, 2013 ni chun students umsa ho admission aki bol peh in, chule text books ho jong aki choh peh in ahi. May 30, 2013 ni chun ahung lhung thah numei mi 7 ho chu Oiyapi Kikim in admission a ga bol peh e. Avat school supplies ho jong aki choh peh un, uniform jong aki chon achen cheh diu aki hop peh tai.
Kum 2013-2014 themzilna chu June 3, 2013 ni chun aki hong pan tai. Class 8-10 ho hi jing kah lam pung 7:00 am to 12:00 chan school a kai un, Class 5-7 ho hi sun 12:00 pan 5 pm chan akai uve. Ni kho khat’a themjil phat sung hi agom in pung 5 aphan ahi.
HBS a um students ho hi ain cheng thei leh ahao khat cha aum poi. Mi vai cha, genthei hahsa, chaga ho dinga ki gong ahi jeh in, aki khutsan chapang ho hi lamkai hon ka ngai lu uvin, mailam a kinepna bei ho kinepna thah sem peh kit thei dinga Pathen in ei manchah lhon hi ding in ka tah san e.
Chapang te ho lung leng lou hel’a, lekha sim apot tho na diu leh adam thei na diuvin tao peh jing u te.
Leave a Reply