Kamahgyi Area Sporting Club (KASC) lamkai na a kum seh leh ana ki bol jing Lhang Tournament chu ache sa April 29, 2013 ni chun loupi tah leh nom tah in ana ki chai tai. Hiche kichepna a hin kitet na chom chom ajao ve. 1. Ei hon football tia ihet u Soccer ahin, 2. Numei leh Pasal Volley Ball kichepna ahin, 3. Pu pa la (Ngaina la) lama kitetna jong ahin, chule kitena chom chom jong ajao ve.
Ball peh kitet na a hin achainan Kanan kho leh Kanmaygyi kho te ni aki tet lhon in vet nom aum lheh e. A ki chem ho jong athem thei u vin, chule khat le khat jong aki dem them uve. Chule jong akichem ho koi ma aki su lung hang, aki tong kha jong aum poi. A lang alang in ahat dan u leh athep dan u aki bang lhehe. Achainan Kanan team in Kanmahgyi langa goal khat akhum uve.
Pu pa ngaina la leh lam kitet na jong aum in, aki tet ho jouse athem thei lheh un, Tingkaya kho mi te hon Pua pa la leh lamkitetnaa akhat na ala uve.
Hiche KASC hin Kanmahgyi kimvel leh Thinglhang gam sunga kho ho ahop ahi. Hiche kiloikhomna ahung ki pat jou kal kum 53 alhing tai. Tukum chu KASC Tournament vei 53 lhinna ahi tai. Kho vei kum 2014 teng leh Golden Jubilee jong man ding in lamkai ho leh khangdong ho kigon na anei uve. Tamu khopi lhang lama dia khangdong ho kiloikhomna pha tah khat ahi tai.
Hiche Ball peh kitet aki chai nin kei (Dr Neh Kho Lal) leh ka loi nu (Vah Nei Kim) jong ka ga lha lhon e. Chule aki chai ni jan kikhopna a Thupi sei ding in, lamkai hon ei tem un, John 1:1-5 sung thun houlimna chom cha ka mang e. Khampat Hospital a Medical Doctor pa jong pon tho tah in alha jing in, akichai nin jong kipa thu sei na jong anei je.
KASC Golden Jubilee so doh in hung um ta hen!
Leave a Reply