Pathen mapuina jal leh panpina jal in America gam’a American Christians ho leh Myanmar gama Kuki Christians hon Khoppi leh Christmas a 5 veichanna aki mang khom tai.
Kum 2010, 2011 leh 2012 laiya chun Myanmar Sorkal in Tamu gam langa gamdang mi lut ana phal pon, Tahan Theological College, Kalay Myo muna Khoppi 3 vei ana ki mang e.
Kum 2013 a pat in Tamu gamlang’a gamdang mi hung kholzin akiphal phat in, America gama a pan Americans ho mi 5 akipui lut in, Tamu Town Hall muna Kuki Christians mi 500 val in Khoppi leh Christmas nom tah in aki mang khom e.
December 19-23, 2014 jong chun America gama kon Chuck leh Mary Ann Cherry te nupa ahung kit lhon in, Tamu Khopi Namihan vengsung muna Khoppi nom tah in aki mang khom kit e.
Tu chung Khoppi a hin India langa kon  in Dr T Lunkim jong ahung pang theiyin, ahung kikhom mipi te ho jong aki pah thei lhehuve.
Tukum khoppi a hung lha hi pawl chom chom,a tahsan chate mi 500 val set aphan, neh le chah, che le va le na gi akipan hun, mipi te ho tahsa leh lhagao lam a kipah thei lheh uve.
Pathen loupina kiphong jing tahen!
Pakai Lhacha,
Dr Nehkholal
Leave a Reply