June 24, 2014 nia kiso “The New Light of Myanmar†thuso sunga Mandalay pan Imphal van leng lengpan ding thu ahung kiso e. Hiche thuson asei dan chu ahi leh November 21, 2013 ni chun Mandalay International Airport pan Tulihal International Airport, Imphal chan A-320 vanleng khat vei ana leng e.
Tu ahung lhung ding June 27, 2014 ni teng leh Golden Myanmar Airlines in Imphal-Mandalay kikah vanleng lenna ding tohgon ahon diu ahi. Hiche van leng hi ART-72-690 ahin, France te sem vang leng ahi. Hiche van leng sung a hin, mi 69 touna aum e. July 3, 2014 ni teng leh Imphal-Mandalay van leng anivei channa leng din akiseiye.
Mandalay leh Imphal kikah hi mile 237 agam lan, bus a aki che leh pung 20 aki jot in, van lenga akiche leh minute 58 bou asot e. Bus tou man hi Ks. 40,000 leh Ks 50,000 vel abei yin, van leng tou man ding hi Ks. 225,000 (Rs 14,500) hi ding ahi.
Transport Ministry of Manipur State mopohna nei ho sei dan in, Tamenglong, Jiribam, Ukhrul, Jessami leh Moreh kikah ho leh Imphal International Airpot kah hi Helicopter/chopper hoa toule theina gon din asei ye.
Myanmar gammi ho Imphal gajin ho hi Imphal alhung teng u leh kum 2 chan man thei India visa (VoA: Visa on Arrival) apeh diuvin aki seiye.
Bus: June 29, 2014 nia kiso “Myawaddy News, p. 19†sunga Imphal leh Mandalay kikah hi kilometer 579 agam lan, bus lam a aki che ding leh pung som le li (14) sung sot din aki sei ye. Hiche hi lamlen ahung kisem thah jou nung a hin te.
Leave a Reply