Missionary Thangliankhup (kum 47) Hinkho Thusim
Pa Thang Lian Khup leh Nu Cin Za Ning in Pathen phatthei boh cha 4 anei lhon in ahi. Pasal 3 leh numei 1 ahiuve. 1985 kum chun Jesu Christa huhhing na thupha ana kisan in hiche kum a pan chun Kipana Thuhpha ana sei phong len ahi. Kalay myo hospital mun a damlou ho henga Pathen thuseina, tilkhouna leh taopehna ho ana nei jing in ahi.
Hahsat genthei na chomchom jeh in tahsa lam leh lhagao lam a phat chom khat pi ana lhasam in Pathen thua kon in ana gamla tan ahi. Ahin thina khopset in to set 5Â vei je ana toh in, hia kon in Pathen kina ahung ki mang cha kit e. Chujouvin 1999 pan 2002 ( kum 4 sung) in Nanphalong kho mun a Pathen thusei jin ana ki mangcha kit e.
2003 pan 2006 kum (kum 4 sung) Harvester Mission Christian Academy a B. Th ana jil chai jin ahi. B. Th ajilchai jou 2006 kum in Christian koi ma um lou na mun Dalah khopi (Yangon khopi pan lui gal lam) mun a, ain sung mite toh Pathen na tong in hangsan tah in pan hin la pan un ahi. Sum le pai nei lou jeh in inneo cha (adung avat feet 8) sunga ana chengun Pathen houlou ho henga Kipana Thupha ahin sei phong jing uve. Pathen natong ahi jehun, a in nei ten ain ko un ano dohun, phat chomkhat pi umnading nei louvin aumun ahi.
Mun choma kichon ding lah Pathen solna kin pi pen tong lou ding ti ahet jeh un, hiche khopi ma ma a in chom asap kit un ahi. Pathen in ama leh ainsung mite kilamdang tah in amang chan ani anin a tahsan lou ten lung ahei un Jesu Christa Kipana Thupha ahin sang jing uvin ahi. Hitia Buddhists mitam pi ani ania Pathen ahin hou u, veng haosa hon ahin het doh phat un alung hang un ano doh kit un ahi.
Bible school ahung kai pat um 2003 a pan Dalah khopi sunga hi gache ji a Pathen thupha ana sei phong pan ahi tai. 2003 kum a pana Pathen Thu muchi ana tu chu Bible school ahinchaiya ajop pai kit leh amu chi tu ho chu at phat ana lhing tan hiti hin ani anin, alha lhan, akum kum in tahsan chate ahung ki be be jenge. Christian koi ma um na lou muna kimang cha ahi jeh in Pathen in ama Huhhing na Thupha sei phonga aman keu hilouvin, ana dammo ho damsah theina tha jong apen mi phachom pin nat na len tahtah a kon in damna anei un ahi. Hicheho laha damna nei ho chu ahi le:
- U Htun Lin, kum (26) AIDS natna
- Pa Tuang, kum (35) thaguinatna
- U Zan Zan, kum (66) khojalou taopeh jouva kho ja pai
- Mg Mg, kum (13)Â akenga natna lentah khat tahbeh
- Daw Tein Tein Yi, kum (61) alol a cancer nat na um
Achunga ho hin natna chomchom aneiuva Doctor hon jong ajen uva dam jou lou ahiuvin, ataopehna kona hung dam doh ahiuve.
Tun Pathen manchah na a kon in ama sa Christian (Pathen hou) um louna muna Pathen hou mi 60 jen ahung kibe tai. Ama ho laha tahsan yala kitwiphum mi (31) apha tan ban joma adang ho jong twi aphum kit nah lai ding ahi.
Pathen in isopiu Thangliankhup leh ainsung mite kilamdang taha Ama lenggam a dinga aman chah ahin, muntina um Christian te hon ama ho in sung a dinga taopeha chule ahithei leh sum leh paiya jong pan hu thei thei jin pan hu leu Pakai Lenggama natoh khom nahin tin Pathen in eisol u kin tong molso ihiu diu ahi.
March 27, 2010 Saya Nehkholal
Leave a Reply