Keyboard Thah

New Keyboard

New Keyboard

Hope Boarding School students ho jouse lekha sim pon tho keu hi louvin, Bible sim, taona man leh vahchoi lasah na lam a apon tho thei lheh un ahi. Sunday ki khop ni seh leh students ho vahchoi lasahna a hi minute 45 vel ki mang jin ahi. A lah uvah lasa them tah tah jong aum uvin, Guitar tum them tah tah jong aum uve. Ama ho hi Pathen in thepna apeh u ahi.

Kum 2010 kum lhung keiyin kikhop seh leh Guitar khat toh vahchoi la asa jing un anom lheh e. Keyboard ki nei leh lasah nom jep ding chule students hon jong ajil thei diu, in lam ale che teng u leh jong houbunga ki mang cha thei diu deinan, Keyboard choh theina din na sa tah in ana ki tao jing in ahi.

Pathen panpi na jal in tahsan chate hon Keyboard chohna kham ei hin pan hu uvin ahi. Ache sa lha phabep chun Yangon khopi sunga Keyboard kijoh na mun Market (Bo-chok) a Keybaord PSR 550 (Yamaha) hoi tah khat aki chon ahi. Hiche Keyboard aki choh masanga chu atum ding ka na lung gim kei ahi. Ka choh jou til u chun kei man Keyboard tum toh, lasah toh chule Pathen thusei toh ka na kop in ka na boi lheh e.

HBS Students

Lha khat vel jouvin pasal ho phabep Keyboard tum dan alhang pin ka hil in, students ho ka tum sah leh khat le ni aki doi thim in, Keyboard ka nei masat toh ka kithem chuh sah in, athep dom phat uvin, Keybaord thah pa ka tum sah kit in, tun Gl. Ginminlet (Canaan kho mi) in kikhop ni seh leh Keyboard atum jing in, kikhopna leh lasahna anop sah kei jin ahi. Vahchoi la sa hon jong Keyboard toh ahi phat in aphat (timing) lah nop asah un ahi.

Hope boarding schoola um khangdong chapang ho hi lekha lam keu hi louva, tulai khantou dung juiya jil thei thei jilsah a, thepsah ding, hiho chu ama ho dinga ahinkhouva akivahthei nachan uva jil sah ding ti doitup aki nei jin ahi.

Pathen in nabonchauvin phatthei na boh jing tau hen!

Nehkholal (IL)

November 29, 2011

 

3 comments to Keyboard Thah

  • J Ronald Guite

    Tun ni hi amasa penna na website ka hon ahin, kipa um kasalheh jeng e. Lathah ho, houbung la ho, sermon,prayer ho tha nop a um lhah jenge. Keitobang khangthah munchom ma um ma eipao va Pathenla kiasa, thu kisei jaka lou ho din lung hel le thanop aum lheh jeng e. Pathen in na um pi jing tao hen.

  • Palal

    Dear J Ronald Guite,
    Na phat chom pi leh ka gim lo u aum in ka ki pah uve kei ho jong. Pathen in na um pi jing ta hen.

  • Pu Palal, website hoitah nahinboldoh kakipapi lheh e. HBS chapang ho toh nakimanchah na thanop aumlheh e. Chuleh Houbung labu nankoi jong lasahkhom na a manchah anomchom lheh e. Chuleh kangeh nom khatchu Lathah bu jong alhingset in ban neichan hinkoi lechun lenkhom lasah na a I mobile a kon a kivet a sah jengthei hiding ahin kadeilheh e. Pathen in napanpin tin hinboldoh teidin kahin tem’e. Kakipah e. Keima Mrs Ngahshi Kipgen Kangpokpi

Leave a Reply to ngahshi kipgen Cancel reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>