Hymns and New Songs in Kuki

1. CHRISTIAN TE CHINGTHEI YUN

1. Christian te ching theiyun na chena a,
Na lampia kichatna atam’e,
Hetlouva nalhem dingin najui-e,
Kumkho a setna a koidin najui e.

Christian te chingthei un (3)
Gin a tam’e.

2. Christian te ching theiyun set ahunge,
Vanpi nim hen thimpin tom jongle chun,
Huipi hung le mei kihoh loi tante,
Chuteng tonsot a kicholdo tading.

3. Christian te ching thei un lhuhlou nadin,
Sumil hih in Pakai chu kou jing in,
Setto chan in pang in ding det jing un,
Taona galvon le lum in kivon in.

4. Christian te ching thei un kinem tah in,
Chu gam lhun teng Lhandampu deitah chun,
“Hung lut in na Pakai kipa na a”
Tia nakou teng nalung kipa dim ding.


2. JESU BOU KADEI PEN E

1. Jesu bou kadei pen’e kagol din,
Ama bou lungdonna eimon sahding,
Kipah tah in Ama bou lem inge,
Ka chonset pohgih jongle Jesu bou ka ngai e.

Jesu bou kadei chungnung pen,
I tih chan hijeng jongle,
Niso hoilai hijongle, meibol kailai hijongle,
Niseh a kalhonpi ding Jesu bou kadei.

2. Jesu bou kadei pen’e kagol din,
Hinna lampi thim jongle eihil ding,
Galten kalha lhem lengvai jeng jongle,
Ka changa kadin joulou ding ken kaki het e.

3. Jesu bou kadei pen’e kagol din,
Ama mi chonse te dia jol ahi,
Jesu bou kadei chungnung pen ahi,
Ama banga gol lungnem le thahat dang umlou.


3. ITI NGEITAM LUNGSET KIDANG

1. Iti ngeitam lungset kidang,
Chonse kei eilhat tai,
Kei a mangsa eihol dohtai,
Mitchon tun kamu tai.

2. Hichun kigin je eihil e,
Tun kei eilha montai,
Hi lungset chu eimu sat tai,
Ka tahsan phat phat chun.

3. Gim hesoh na a kon keima,
Tun sohcha ka hi tai,
Hiti chun eihin puihoi lei,
Tun jong in eilhut ding.

4. Hi a chun kum sangsom sangja,
Ni bang a em jing ding ,
Tonsot a kipa la sa ding,
Vahchoiyin Lhandampu.


4. I PAKAI VAH A CHU

1. I Pakai vah a chu, Ama jui ihiuve,
Loupina ichandiu aum e,
Alunga ichon leh, Aman ei umpi diu,
Huhhingpa ahi tahsan jing in.

Tahsan jingin,
Pakai tahsan jing in,
Nopna ding lamdang umlou,
Pakai tahsan tailou.

2. Chung meithim kailouding, gim hesoh beita ding,
Pathen chenna chung gam nom achun,
Thi le nat umta lou, lhilon na beita ding,
Phatthei na ahi tahsan jing in.

3. Ami lungsetna chu, mihem ten simjou lou,
A laltouna ilhun teng ule,
Thisan a alhat sa, Ami lungset te chu,
Kipana chang ding tahsan jing in.

4. Pakai khopi muh a, nomtah a kitou ding,
Ama toh laitol ilen khom diu,
Chung Mitheng te jousen, Ama sei ngai cheh
ding,
Lung olmo louvin tahsan jing in.


5. KACHUN NGAI KEN SUMIL THEILOU

1. Kachun ngai ken sumil theilou
Eilhahna lungset awnem chu,
“Kanao nei dalha jongle chun,
Katao peh na hi gel jingin”.

Kachun ngai ken kagel doh teng,
Ka kom a um in kabol ji,
Lenlhang phaithi nun gin kajah,
Kachun nu tao aw’n kagel ji.

2. Kachun ngai ken sumil theilou,
I chan’a gamla hijong le,
Kanun eitaopeh na aw chu,
Kalung sunga aging jinge.

3. Kumkho sot in jong kamil poi,
Kachun nun neitao pehna chu,
Ka dinga dilsua atao pet,
Kalung mit in ken kamu jing.

4. Lhandampu’n kei eilungset na,
Sumil ponge itih chan in,
Kachun nu taona asang in,
Ka chonset ei ngaidam sohtai.

Huhhingpa Nang kavahchoiye,
Chung gam Mitheng nomte lai-ah,
Kachun ngaitoh kimu kit ding,
Chun ngai tao gui lhunna ahi.


6. KAHIL THEIPOI HOIYA HUNGKON

1. Kahil theipoi hoiya hung kon,
Kalung a chamna hi,
Cham nan alo bou hi kahei,
Dam heova a hin lo.

Ka lunga chamna luipi along (2)
Kavel’a set twi long jong le
Christan ei umpi nai.

2. Tohgim noiya um hijong leng,
Luipi kisel long jing,
Kalha lengvai dang nou jing ding,
Chang a lunghel lou ding.

3. Kasei theipoi a ngailut na,
Chungnung eipeh u hi,
Ka lungsung thim jing semhoh ta,
Tahsan jal bou ahi.

4. Kahil theipoi I pia eilhen,
Gimthoh le thi ding a,
Hinla athoh khompi hileng,
Ama toh leng chang ding.


7. THILSEM KIDANG HOHI

1. Thilsem kidang hohi kageldoh kom le,
Pathen loupina chu akilang e,
Van’a ahsi le van gin kithong jong hi,
Abonchan ama thahat na ahi.

Chuteng kalhan vahchoi ding Huhhingpa,
Aloupi ngei aloupi ngei (2)

2. Gammang thimjing lai a keima ka leng e,
Ham ngei kidang vacha aw chu kajai,
Molsang chung vum’a kon in kagal dot le,
Nemheu hui lhi le gin ngei chu kajai.

3. Pathen milungset kidang chu kahetai,
Chapa chang khat leiset a hinsol lhan,
Olmo louvin Calvary cross chunga chun,
Ka chonset jouse apomang sohtai.

4. Loupi tah Pakai chu ahung teng leh,
A Inpia eipui tou niteng chuleh,
Kalung le kalha kipana dimset ding,
“Aloupi ngei” ting ting vahchoi tange.


8. TAONA LOLHIN SAH PEN PATHEN

1. Taona lolhin sah pen Pathen,
lhamonna kathum’e,
Lungdong in hesoh jeng jong leng.

Pakai neithe hih in.

2. Nangma banga um kanom e,
Nangbou ei ngailu pen,
Thengsel chan umthei hih jong leng.

3. Na nopna chang hoi kahipoi,
chonse kahi jeh in,
Nang kom’a hung dinga lomlou.

4. Ule nao ka inko ten jong,
eideimon eitheu hen,
Golcheng in eidalha jong leu.

5. Hi leiset a nahung kumlhan,
thingpel a nahung thin,
Van’a neitao peh jing jeh un.

6. Houbung lah a umthei dingin,
thina ging talou vin,
Van’a kitup tah a um din.

7. Mihem thi le hing thu tan a,
Loupi le ja um’a,
Meilom’a nahung kum phat teng.


9. VANGPHAT NA THISAN LUINAH

1. Vangphat na thisan luinah chun,
Vannoi chonset a lhat ahi,
Nunnom hen Pathen Chapa chu,
athoh mahan eidam sah ui,
Ahong a kon vahmang kahi,
kalungsung nat le sat adim,
Kelngoi nou thisan in soplhan,
kei buhbang sanga bang joding.

Buh …..sanga bang jon (2)
Kelngoi nou thisan in soplhan,
Kei buhbang sanga bang joding.

2. A lallukhuh chu ling lukhuh,
ahin cross a chun ajoutai,
Lungdon le hesoh athoh in,
athoh gimna chu moh hilou,
Chu luinah chu kalhung theidem?
Hichun ka chonset soptheng ding,
Chu thisan longlhan neisil in,
kei buhbang sanga bang joding.

3. Pathen nanga kon vahmanga,
kalung chonset nan lamvai in,
Kalungsung setnan lo dimta,
twiya sotheng thei hita lou,
Jesu nangma twikhuh jon in,
na thutep ging chan ka hunge,
Na thisan in neisop theng in,
kei buhbang sanga bang joding.


10. TUNIA CHOLDO NITHENG

1. Tunia choldo nitheng hunglhung,
Avahchoi din ikikhom ui,
Jingpia thou in Ama hou din,
I kipanau thu lhut ute.

2. Chonset pum’a thupha choiyin,
Eihon thuse ijop jing un,
Alungset kidang I gelle,
Eihing hoi datmo aum e.

3. Nigup sung in na itong un,
Pakai nitheng nitding ahi,
Ama thu jeng bou gelna dia,
Pakai nitheng asem ahi.

4. Ka lunggel in thu man louho,
Van gam thu tailou gelda hen,
Pathen loupi le Athen je,
Ngaito jo hen adol ahi.

5. Jesu bang a thilpha bol in,
Ama bang a thusei theinan,
Pakai Lha Theng bou ka ngaiye,
Van choldo na a eipui din.


11. KUM LHOMCHA BOU UMTA

1. Kum lhomcha bou umta,
Phat chomkhat hung beiding,
Ngai cheng toh ibol khom nadiu,
Lhan’a mol lem ho toh.

Aw Pakai neisemphan,
Na niloupi nia din,
Na thisan lu’n neisop theng in,
Ka setna siltheng in.

2. Ni lhomcha bou umta,
Hiche gam thim’a hin,
Nisa ngailou na ichen diu,
I monnau chung chon ding.

3. Chomkhat meipi ajing,
Hiche songthop gam’a,
Huipi nun louna ichen diu,
Luipi nong umlou ding.

4. Gentheina chom khat bou,
Kikhen na chom cha bou,
Tohgim kana chomkhat jou le,
Kana umta louding.

5. Hicheng hi chomkhat bou,
Ama hung kit loiding,
I hinna diuva thoukit pa,
Ama toh leng chang ding.


12. KELNGOI CHINGHON AGAM GENA UVA

1. Kelngoi chinghon agam gena uva,
Jankhang lai in Vantil sangja hung kilah in,
Chung a la ngei tah in asauve,
Hichu Pakai golnop kipat ahi.

Nopni ..Nopni..Nopni..Nopni
Apeng tai vannoi Leng chungnung.

2. Valpa hung soh solam a kon in,
Jing ninou bang in ahung vah kidang tah in,
Hichun vannoi ahin salsoh in,
Hichu sun le jan in avah jinge.

3. Hiche solam Valpa vah kai chun,
Latah a kon solam miching thum ahung e,
“Israel te Leng hoiya peng ham”?
Tin ahin hol un valpa vah kai in.

4. Miching ho chu Naosen umna In,
Sunga alut un hapan akipah uvin,
Kipa man in Sana, Bego, Mor,
Lultah in apeuvin alem uve.


13. THINA LUIGAL A KHOPI HOITAH

1. Thina luigal a khopi hoitah aum’e,
Aloupi je koiman sei joulou,
Chua ni lhum ngailou thingna jong pul ngailou,
Chung sana khopi nom tah a chun.

Chu a ni lhum ngailou,
Thingna jong pul ngailou,
Chu gam’a chu Lhandampu le
Mitheng te cheng,
Chung sana khopi nom tah a chun.

2. Chung gam’a Leng chu eihuhhingpa le Pakai,
Genthei molso cheng toh acheng ui,
Chua chun ahsi bang in a emsel jingui,
Chung sana khopi nom tah a chun.

3. Lhagao mangsa cross phunga lhutsoh uhite,
Kelngoi hon lah a lhalut ute,
Hichu i-dinguva van Lallukhuh hiding,
Chung sana khopi nom tah a chun.


14. KUM LUI MANGTA NILE LHA

1. Kumlui mangta nile lha kum kiheita,
Tujing kumthah ni emsel sohta,
Jalna kon in hung thoudou un lhaisel in,
Kipah in lem ute ninou emsel toh.

Hung un Hung un Pakai vahchoi ute,
Alungset na sumil ding koi ham?
Kumlhung a damsel a eichingpau ahi,
Tonsot tonsot in Amin loupi jing hen.

2. Hinkho lhing a chemasa ingai teu chu,
Tuhin van gam nom’a aleng ui,
Iding chu ho pul idou diu ham leiya,
Kumlhung a Eiching pau Pathen vahchoi un.

3. Kipana thule tohga keng in hung in,
Tunin Pa ahunge vang hom din,
Lhandampun na chonna thuphon angai nom,
Kumlhung a mona phong in lang set bangtan.

4. Ningkum lhau te tukum lemnan la sauté,
Nabon un na inkon hung lhauvin,
Nung le Pa vangpeh chan jouse kisih ding,
Lhaisel in lem ute Pa le Lhandampu


15. BEIHEN KATAHSAN MO

1. Beihen katahsan mo ka kom’a Jesu,
Hoinan te Pathen in Ama chate chu,
Kei aheng a tao leng thonmon ngai nante,
Ka kom’a naum le ka olmona bei.

2. Kalam mu athim vang aman eipui nai,
Ken athu kangai ding aman eipui chu,
Kong keh hen mijouse lhamang jeng jongle,
Ama thusei vang chu khang tou jing tei ding.

3. Ama milungset ken tuman kamu tai,
Kei athi tading sa eina cho hing tai,
Aman a aw ngei chun eina lhem dam in,
Aman lunglhai sel in eina huhhing tai.

4. Nat le genthei lengvai lungdon olmo na,
Keima lung pha mongem aman seisoh ta,
Sochat na ding chu kahei ama seinan,
Iti nama jong le jui jinge Pakai.

5. Koima cha ngam lou ding Ama thoh bang chu,
Athoh tai mi chonse sochat theina ding,
Lamse jo a achetai kei lampi sang a,
Pakai chena a chun kei che da’ng ka tem?


16. PAKAI CHRISTA LENG CHU VAHCHOI UN

1. Pakai Christa Leng chu vahchoi un,
A tonsot in vahchoi in umhen,
Loupi jana Ama a ahi,
Tun jong atonsot in.

Vahchoi ute, Vahchoi ute,
Gam loupia Leng vahchoi uhite,
Vahchoi cheh uhite,
Alem nan aw ging hen.

2. Chung a Vantil sangjan alem ui,
Laltouna kim in la asauve,
Namtin in jom un kipana la,
Vahchoi un Leng chungnung.

3. Chonset galjou Ama bou ahi,
I chunguva Aman vaihom hen,
Amin a eiman jong ijo ding,
Tonsot in vahchoi un.


17. JESU KALUNG IN KADEI PEN

1. Jesu kalung in kadei pen,
Vang neipeh chu muchen thei leng,
O nadei bang tah in neipen,
Nangma bou chu lungset theina.

Lungthim giltah neihin peuvin,
Na khopi hoi chu muna din,
Ka lungthim hi hinvah sah in,
Kei dinga um van’a Pathen.

2. Pathen nang in kei nei lungset,
Chonse ho jong Nang a ahi,
Kipah tahin nang ka sange,
Mu kanom e neilungset na.

3. Kholmun olna gam nom a chun,
Pahcha hoitah gamu jong leng,
Lhagao hatmo hatsah na ding,
Na lungset na kallhah umlou.

4. Lungset tah in halna neipen,
Na gam loupi neimu sah in,
Na lhenchom te kipa na ding,
Neihol nau chu neimu sah in.


18. LHASAM JENG JONG LEU HEN

1. Lhasam jeng jong leuhen lha poute,
Kipana imu theina ding un,
Jesu Christa nung chu jui ute,
Del jing uhite iphah mauvin.

Aniseh in del jing u hite
Kalhasam’e tia hailou ding in
Jesu Christan eipen te thahat
Del jing uhite iphah mauvin.

2. Lhasam jeng jong leuhen lha poute,
Genthei thoh hi um jeng ta jongle,
Jesu Christa chu ahi eiding,
Ijo na diu tha dang a umpoi.

3. Lhasam jeng jong leuhen lha poute,
Pu hite Lal Christa thingpel chu,
Eihon iheuve genthei thoh ding,
Sumang u hite aboncha chun.

4. Lhasam jeng jong leuhen lha poute,
Adihtah imu theina diuvin,
Gamtin a khovah ahung naiye,
Aban chan ahung chal khovah chu.


19. DETNA NEILOU KEI TOBANG DIN

1. Detna neilou kei tobang din,
Na thisan kei din along e,
Na heng a hungdin nei kouve,
O ka Pakai kei ka hung e.

2. Vaicha genthei mitcho kei din,
Lungsung nat na sudam nahi,
Heng ka ngaichan Nang a mudin,
O ka Pakai kei ka hung e.

3. Sang in nate kei tobang din,
Ngaidam suhtheng eilha ong din,
Na thutep ka tahsan jal in,
O ka Pakai kei ka hung e.

4. Na lungset hethei lou keima,
Na thutep chan sukeh jong leng,
Tun Nangma a bou hi ding in,
O ka Pakai kei ka hung e.


20. KEIMA CROSS SEPAI CHU KAHI

1. Keima cross sepai chu kahi,
Pakai seijui kahi,
Akin’a pang ding kicha lou,
Amin seichoi leng e.

Det tah in ding un,
Kipaman sanna ding in,
Det tah in ding un,
Lallukhuh hoi isan diu.

2. Van’a kipaman sanna din,
Midang kitet lai hin,
Keima kaki choldo ding ham?
Hiche leiset chunga.

3. Ka din leiya douding atam,
Thisan luinoh kahi,
Keiman leiyah gol ka neipoi,
Pakai bou eihu ding.

4. Keiman ma nong ting dou inge,
Pakai in tha neipen,
Genthei hesoh ding ka ging poi,
Nei panpin Pakai in.


21. VEN LHANDAMPU CALVARY CROSS CHUNGA

1. Ven Lhandampu calvary cross chunga,
Nang le keidin genthei athoh tai,
Lungset tah in nang nakou ngai in,
Tahsan in sang in.

Tahsan in sang in (2)
Cross chunga hinna twi alonge,
Tahsan in sang in.

2. I chonset nau jouse asoptheng tai,
Lhatdam ichan theina ding uvin,
Jesun hinna kot chu ahong tai,
Tahsan in sang in.

3. Ven Lhandampu lhan’a kon athoutai,
Aheng jon in mun a on lai hin,
Mailhai sel a nang na lhamon ding,
Tahsan in sang in.

4. Tun chung van nom a Jesu acheng tai,
Genthei te hesoh na vejing in,
Nang jong chu gam a napui tou ding,
Tahsan in sang in.


22. JING NINOU SANG IN

1. Jing ninou sang in na hoijoi,
Lhandampu le ka Lengpa,
Na hoi le navah emsel chu,
Ka lung in jaichim thei lou.

Jing ninou sang in nahoi joi,
Sunlai ni sang in jong navah joi,
Loupi chungnung nang umna a,
Mei le thim akihoh e.

2. Ponbang vamleh a kijem Nang,
Na lallukhuh emsel toh,
Na vaihomna Leng gam a chun,
Tonsot Pakai Nang nahi.

3. O na milungset loupi chu,
Na mi khoto chu haona,
Na Lenggam kilungset na chu,
Keidin jong mun asem e.

4. Hinlai sana gui atan teng,
Leiset hinkho hung mang ding,
Tanglou vin chu gam hoiya chun,
Na vahchoi la ken sange


23. PAKAI NATONG A MITE CHU

1. Pakai natong a mite chu a vangpha,
Song mantam bang a manlu pen a Lhagao,
Lhagao tamtah chung a puidoh na dingin,
Lhagao huhhing chu vangpha.

Lhagao huhhing chu vangpha ,
Chung gam inpi nom laiya,
Aman sim joulou Lallukhuh isan diu,
Lhagao huhhing chu vangpha.

2. In nom’a chun lungset maiso jeng vah ding,
Nitin Jesu banga hing jing jeng ta ding,
Mangthah ding lhagao van lam’a eipui diu,
Lhagao huhhing chu vangpha.

3. Taona toh thon eiho che jing jeng ute,
Muntin a mangsa lhagao holdoh in lang,
Kelngoi ching Pakai kom’a i-um jing diu,
Lhagao huhhing chu vangpha.

4. Gospel thu chu gam tin ah galhang sam un,
Lungset na thu nalung sung a ching jing in,
Chonse’n Pakai a lung ahei na ding in,
Lhagao huhhing chu vangpha.


24. BELSHAZZAR LE A SEMANG PACHONG

1. Belshazzar le a Semang Pachong akivah laiyun,
Hou-in theng sana khon ho chu amangun ju adon ui, ajan chun Leng insung a mu kidang tah amu ve, Inpi tijat in alotai hichu “Pathen khut” ahi.

Bang sun chu Pathen khut ahi (2)
Akisun chu koiman helou
Mijouse lung dong jouta,
Bang hin sun chu Pathen khut ahi.

2. Sohchang Daniel mihang chu leng ang ah aga
dingin, Lengpa khansetna lentah chu asosal in aphoh tai, Akisun chu asim in leng le mipi ngui jouta, “Tua pat in Lenggam abeitai” tin Daniel in aletai.

3. Pathen in thanei nale hanna chu Daniel ape,
Tichun lung olmo lou helin achen na Juda gam le, Asohchan na gam a jong milen le mineo ang ah, A Pathen khutsut asim thei bang a kisun chu ahi.

4. Hiche khut chun asun cheh eiho chonna jouse jong, Milen le mineo mo channa phat hung lhung tei ding ahi, Hijeh chun nang mi chonsen lung hei in Jesu ang ah,Themmo nachan louna dingin pel in bang a kisun chu.


25. KANGAI NOM E CHRISTA THUSIM

1. Ka ngai nom e Christa thusim,
Mihem alungset na thusim,
Ami huhhing thusim kidang,
Lungset jal in keidin athi.

Christa thusim kidang (2)
Ami huhhing thusim kidang,
Lungset jal in keidin athi.

2. Ka ngai nom e Christa thusim,
Athen le aloupina chu,
Pathen lhagao in eihil in,
Ka lungsung a hin cheng jing hen.

3. Ka ngai nom e Christa thusim,
Pakai toh kilhon khom kahi,
Amun tin ah a aw kajai,
Tahsan det ding in eideiye.

4. Ka ngai nom e Christa thusim,
Ahao na le aloupina,
Aleng gam loupi khang touding,
Chamna Lengpa chu hung kit ding.


26. KA PHAL THENGTAI

1. Ka phal thengtai Pakai dingin,
Man beiyin ka phal thengtai,
Ken ngai jing le tahsan jing ding,
Nitin Aman eiching ding.

Kaphal theng sohtai (2)
Eihuhhingpa Nang a dingin
Kaphal theng soh tai.

2. Ka phal thengtai Pakai dingin,
Nem in A ang a kakun,
Leiset nopna kanuse tai,
Tun Pakai in neiching tan.

3. Ka phal thengtai Pakai dingin,
Huhhingpan neisu theng in,
Aw Lhagao theng hihen ahe,
Kei Nang a Nang keima a.

4. Ka phal thengtai Pakai dingin,
Nang dingin kaki phaltai,
Lungset nale thahat neipen,
Ka chunga phatthei umhen.

5. Ka phal thengtai Pakai dingin,
Kalung Lhagao in lohen,
Sochat na Thupha kidang hi,
Tonsot tonsot in thanghen.


27. LUNGDON NA SET KINGAIDAM TA

1. Lungdon na set kingaidam ta,
Lungdon kit datan,
Ihmut a kon hung thoudoh in,
Nalung kot hong in

Hinna thaomei avah lai hin,
Pathen lung alhaipet cha hin,
Kihei in A lungset na a,
Kinem in um in.

2. Lhandampun nakai hoi jing nai,
Lungdon kit datan,
Tun lungset in nangma nakou,
Na lung kot hong in.

3. Gospel in nangma nakou jing,
Lungdon kit datan,
Lhatdam na chamkim mu dingin,
Na lung kot hong in.

4. Kipa nan tantih neita lou,
Lungdon kit datan,
Chamlen na a din nakou jing,
Na lung kot hong in.


28. I THAO TWIYU ADIM NADEM

1. I thao twiyu adim nadem Pakai hung tengleh,
I thaomei vah u chim nantem Pakai hung tengleh, Chuche jan loupi tah a,
I thaomei vah chim nantem Pakai hung tengle.

O kiging un (3)
Pakai hung na ding.

2. Ki lamto aw kija nantem Pakai hung tengleh,
Kipa nopna awgin thong ding Pakai hung tengleh, Chuche jan loupi tah a,
I thaomei vah chim nantem Pakai hung tengle.

3. Geisang louvin kiging phaute Pakai hung
tengle,
Kise khenna phat hung lhung ding Pakai hung tengle, Chuche jan loupi tah a,
I thaomei vah chim nantem Pakai hung tengle.

4. Kipa na nikho hi nantem Pakai hung tengleh,
Hallelujah kipana hiding Pakai hung teng,
Chu jan chu kipana jan,
I thaomai vah chim nantem Pakai hung tengle.


29. NASET POHGIH A KON

1. Naset pohgih a kon theng nan natem?
Thisan bou ahi na thenna ding,
Setna jouse nangman jou nan natem?
Thisan thahat bou chu ahi.

Thisan bou chun na kidang a tong,
Kelngoi nou thisan in,
Thisan bou chun na kidang a tong,
Kelngoi nou thisan lutah chun.

2. Buhbang sang in nang bang jou nan natem?
Thisan bou ahi nabanna ding,
Setnan mihem hinkho alen mangpi,
Thisan thahat bou chu ahi.

3. Na Lengpa Jesu na tong nan natem?
Thisan bou ahi na toh na ding,
Nitin Ama na vahchoi ding hinam?
Thisan thahat bou chu ahi.


30. JESUN LUNGSET CHAPANG HO

1. Jesun lungset chapang ho A anga din akou,
Aman hinkho thah apei Van gam kot ahon peh.

Jesun chapang ho lungset tah in a kou,
Hinkho thah chu ape jinge,
Chapang golpha Ama.

2. Jesun lungset chapang ho Alungset sei joulou,
A lunggim nau ahe nai khat cheng in apan pi.

3. Jesun lungset chapang ho phatthei na vang pe
jing,
A lungset nan ngah jing imachan suse lou ding.

4. Jesun lungset chapang ho apan pi niseh in,
Kipah thanom tah in na kouna aw ngai jing in.

5. Jesun lungset chapang ho adei e a goldin,
Aman iti jong le tonsot a aumpi ding.


31. PAKAI NANG KEIMA LENG NAHI

1. Pakai nang keima leng nahi,
Namin loupi jing hen;
Ling lukhuh kahai louna din,
Calvary a nei puiyin.

Gethsemani hailou nadin,
Nathoh gim kahai lou nadin,
Nei lungset kahai louna din,
Calvary a nei puiyin.

2. Na lhankhuh chu nei musah in,
Kap a na op nau mun;
Na lup pet a vantil thengten,
Na nga nau mun chu.

3. Mary bangin lunggim pumin,
Na henga ka hunge;
Lhan gohkeo chu neimu san in,
Calvary a nei puiyin.


32. VEUVIN LUNGSETNA KEMLOU HI

1. Veuvin lungsetna kemlou hi Pan eipeh u ahi,
Setna lamvai mangsa eiho,
Pathen cha kivo ding.

Veuvin lungset na kemlou,
Lungset na kemlou Pan “Cha” tia
Eikou nau aw nem chu,
Van vou a I kikhel teng,
Pathen cha eiki kou ding.

2. Thisan jal a ngaidam changten,
Lungset na heu hite,
A lungset na aw ja jing ding, Pathen naiyu hite.

3. Loupina ichan diu ni chu,
Tun hung lhung loi tante,
I Pakai imu teng uleh, Ama mel iput diu.

5. Phatthei ichan na ding uvin,
Tahsan theng hiu hite,
Thoukit Pakai ang a din teng, Amai lhai imu diu.


33. NILHUM NUNGA CHUGAM NOM

1. Nilhum nunga chugam nom lhunding kagel leh,
Kalung sung kipana adim e,
Lungset jal a Lhandampu kom kalhun teng le,
Ka lallukhuh ahsi chong nantem?

Ka lallukhuh ahsi chong nantem
Chong nan tem?
Nilhangkai nilhum jou teng chu leh,
Kicholdo na Inpi nom chu ka lhun tengle,
Ka lallukhuh ahsi chong nantam?

2. Pakai thahat pan in tao toh thon tong ingting,
Lhagao mangsa huhdohna ding in,
Chu niloupi nile Ahsi keima san ding,
Vahchoi aw twilen kinong bang ding.

3. Pakai mel kamu teng iti kipa tang em,
Nop le kipna kem talou ding,
Chung sana khopia chen ding chun kei einem e,
Ka lallukhuh ahsi chong tei ding.


34. GAM LATAH MOLCHUNGA

1. Gam latah molchunga cross lui khat adinge,
Hiche hi gim le jum melchih na,
Ken cross lui chu thildang sangin kadei pen e,
Chonset kilha dohna chu ahi.

Ken kangai nai hiche cross lui chu,
Ka leiset hinkho kalha kah sen,
Ken hiche cross lui chu tuh jing ding,
Nikhat Lallukhuh toh ka lheh ding.

2. Hiche leiset miten akidah cross lui chu,
Kei ding in lungset na um e,
Pathen kelngoinou chun Aloupina dalhan,
Calvary a thina athoh e.

3. Chuche cross lui chunga thisan theng along lhai,
Ahoi kidang chu ken kamu tai,
Christa chu cross chunga athoh gim in athin,
Kei eingaidam in eisop theng tai.

4. Chuche cross chu keiman dihtah a jui jing ding,
Gim le jum tona ken neilou ding,
Nikhat ka Inpi a Aman eihin kou ding,
Aloupina chang jing jeng ta ding.


35. JESUN NAMTIN AKHOP DING

1. Jesun namtin akhop ding ahi phat khat le,
Mise le mipha khen ni a akhen ding ahi,
Loikhat chu Jesun nang naphai ati phatle,
Nang na umna dem hiche miho lah a chun.

Mitheng ten kipa la asah teng,
Mitlhi longa kap tam ding u,
Huhhing a mitten hinna twi adon phat le,
Twi dua dangchah a thum tamtah umding ahi.

2. Ka phat alhin teng kei jong kache ding van a,
Leichung damsung tohman kasan tei ding ahi,
Loikhat in chonphat na Lallukhuh akhuh teng,
Nang najou nadem hiche miho lah a chun.

3. Hung lhung ding ahi Pakai nikho phat khat le,
Hiche thutep chu koiman apel theilou ding,
Loikhat in thina meikong ajot teng uleh,
Nang na um khadem hiche miho lah a chun.

4. Mo neilou Pathen Chapa athi laitah in,
Chonse kei khel a Pathen vaihom toh ahi,
Huhhing hisa Mitheng te akhop teng chuleh,
Kei umding kahi aw chu miho lah a chun.


36. NANGMA A KAHI O EILHANDAMPU

1. Nangma a kahi O eilhandampu,
Na lungset aw nem kajai,
Kalung sunga hin tahsanna khang hen,
Nang kahin naithei na din.

Neipui naiyin, Pakai neipui in,
Na thina cross phung a chun,
Neipui naiyin naiyin Pakai neipui in,
Na thisan lonna a chun.

2. Na natong ding in Pakai neithen son,
Na lungset thahat na chun,
Ka lhagao mang ding Nang a kingai hen,
Nangma a kalung mong hen.

3. Nangma angsung a taovin ka kun e,
Laltouna ang in kabol,
Ka Pathen na ang a ka dilsuh hi,
Golbang a Nang bel kahi.

4. Thina twikhanglen gal a lungsetna,
Aum’e kamu phahlou,
Kipana chungnung aum’e chua,
Kalhun teng keima san ding.


37. PAKAI IN NANGAIDAM THU

1. Pakai in nangaidam thu naphon nah em?
Seikit in ngaiyu hite avel vel in,
Pakai thina cross chu iti najot em?
Seikit in ngaiyu hite avel vel in,
Nang nache nah em, a Ama vah a chu,
Ngaidam nachan nah em mona kon,
Ama sun le nakipana jan le la,
Seikit in ngaiyu hite avel vel in.

Seikit in ngaiyu hite thu,
Seikit in seikit tem in,
Thusim ngei chu seikit tem in,
Na dinga Loupina hiding,
Seikit in ngaiyu hite avel vel in.

2. Na galsat najona thusim ngei tah chu,
Seikit in ngaiyu hite avel vel in,
Galsat kipan ho dingin phachom inte,
Seikit in ngaiyu hite avel vel in,
Chonset gallen sat ihiuve huh in,
Christa toh gam kilo loi ta ding,
Christa ding a Lhagao huhhingna thu chu,
Seikit in ngaiyu hite avel vel in.


38. TWINAH KHAT UM THISAN ALONG

1. Twinah khat um (thisan a long -3) (2)
Calvary a kondoh chu,
Thisan luipi (chonse pen in -3) (2)
Thenna anei na chu.

Aw calvary lui hoitah (3)
Keiding a nahung lon.

2. Chonse khatbeh (thiding kon chu -3) (2)
Then na lui chu amui.
Ama bang in (chonse jong leng -3) (2)
Buhbang eiso sah thei.

3. Pakai ngaitah (na thisan lu -3) (2)
Tamtah in hepha lou,
Huhhing ho chun (hichu amun -3) (2)
Pohgih a kon ong ta.

4. Tahsan na in (lui chu kamui -3) (2)
Ka gam geija hung long,
Ka thupi pen (eingailut na -3) (2)
Ka thi ni geija ding.


39. KALHAGAO VIN CHRISTA JENGA

1. Ka lhagaovin Christa jeng a,
Lhamon na ahol chu,
Vangbohna tamtah simjou,
Tunvang akimu tai.

Christa tailou chu koima dang,
Eiki pasah umlou,
Ngailut nale kipa jingna,
Ama jeng a kamu.

2. Aheng a olna hol louva,
Leiset gouhom keuva,
Kahol pet hin Eihuhingpan,
Ngailut in eisang tai.

3. Vo Pakai leiset a twikhuh,
Thal ding tin kadel lin,
Hinla a twi kadon theilou,
Thina gutwi ahi.

4. Ka nopna mangsa lha ngaiyin,
Nang la kahol ji pon,
Na ngailut na thu theng tah chu,
Nei hetsah masang sen.


40. JINGKAH DAITWI ALHAH TENG

1. Jingkah daitwi alhah teng,
Leichung thingna louna,
Jan daitwi in achap teng,
Ahing doh soh jitai.

Vannoi jousea gasei leuvin
Pakai chu athoudoh kittai.
Pakai chu athoudoh kittai

2. Easter jing ninou asoh,
Pahcha namkim apah,
Apah hoi in lei ajem,
Mihem lung alhai e.

3. Jing i-mu pengpalep ho,
Nalhau jah doh uvin,
Hung leng doh soh uvin lang,
Pakai athou kittai


41. GOSPEL DAH GIN ATHONG E

1. Gospel dah gin athong e,
Twikhaglen le leichung a,
Manbei a huhhing na Thupha,
Nang le keima eihung pei,
Pathen in vannoi mi a ngailut behseh jeh in,
Achapa changkhat eipeuve,
Atahsan chan hinna din.

Gospel dah aginge,
Twikhanglen le leichung a,
Gospel dah manbei yin,
Nang le kei eihung peuve.

2. Gospel dah in eikou ui, golvah na ankong umdin,
Eikou nau ngaida lou jen un,
Lungset na eikou nau hi,
“Hinna changlhah’ kahi Lhagao gilkel an neuvin,
Na chonset itobang jongle,
Aboncha chu bang soh ding.

3. Gospel gin kipa umtah, athong in gamtin aloi,
Ngaidam chamkim na thu apoi,
Cross a Jesu thi vang in,
Hapa kipana thu, ka pohpeh e mijouse,
Huhhing a ahung pengtai,
Leng le Pakai Christa chu.


42. THILPHA IMU BANG HI

1. Thilpha imu bang hi koiman amuthei poi,
Ipau gamthil ahin leiset mi’n mu thei lou,
Eikhen ponte imachan jong,
Pathen ngailut na a kon in.

2. Asan je simthei lou athuh je seithei lou,
Ngailut chungnung ichan aman simthei lou chu,
Nang ho vana Mitheng te ho,
Aloupi je neihil thei um?

3. Leiset amang pantai aphat na jouse toh,
Athilbol thei nale aloupina ho jong,
Lei pahcha hi achol jitai,
Ka Pakai bou aphai kati.

4. Leiset gou thil pha le aloupina ho jong,
Ahoina jouse le muthei jouse sang in,
Ka Pakai bou alul pen’e,
Ling lukhuh chu khuhpeh jong leu.


43. THISAN LU THISAN LU

1. Thisan lu thisan lu,
Thing cross chunga long chun;
Chonset na kon eilhat,
Mi chonse ei ngaidam;
Chonset nen pen athenna chu,
Calvary thisan lu ahi (2)

2. O thisan thisan lu,
Vankot eihon peh e,
Van gam ilhun teng leh,
I lau chullou ding chu,
“Thisan thisan lu thisan lu”
Tia tang louva la isah diu (2)

3. O Lhanghoi Calvary,
Miten musit jong leu,
Lhang dang jouse sang in,
Ken ka ngailu pen e,
O nopna lhang ,vo mun theng pen,
Pathen thisan alonna chu (2)


44. PATHEN VAHCHOI UN

1. Pathen vahchoi un, Pathen vahchoi un,
Eisempau Pathen vahchoi un,
Pathen chungnung chu, vahchoi un ging un,
Nasempau Pathen vahchoi un.

2. Pathen jeng ging un, Pathen jeng ging un,
Loupi chungnung Pathen ging un,
Ama thun nung un, Ama thun nung un,
Nasempau Pathen thun nung un.

3. Christa lam touvin, Christa lam touvin,
Chungnung pen Pathen Chapa chu,
Hosanna samun, Hosana samun,
Lamtou vin na Lengpau Christa.

4. Amintheng lul chu, choi-an un ging un,
Jacheh un Christa mintheng chu,
Amin choi sangun, Amin vahchoiyun,
Eilhatpau Jesu vahchoi un.


45. CHOLNGAH NA GAMNOM KANGAI CHU

1. Cholngah na gammon ka ngai chu
I tih ahung lhung dem,
I tih ka galvon kakoi in,
In nom a ka cheng dem.

Na tong jung uhite,
Jesu hung kit kahsen tong un,
Jesu hung teng Van in a kikhom ding.

2. Leija hin nopna aumpoi,
Hinna damna olna,
Lei hi keidia gamthip ahi,
Leihi ka In hilou.

3. Keima Jesu henga ka chen,
Cholnga tan eina ti,
Ama om’a kingai jing din,
Van In ah eikouve.

4. Ka beltai keiman Jesu chu,
Chonse kit talou ding,
Thi jong leng anung kajui ding,
Van In kalhun kahsen.


46. NAHINNA DIN KEIMA NEIVEN

1. Na hinna din keima neiven,
Kouna thupeh ngaijin,
Manbei ja lhatdam na thu hi,
Gamtin’a seiphong len.

Na hinna din keima neiven,
Leiset chunga umten,
Na Pathen u kahi jeh in,
Na hinna din keima neiven.

2. Cross chunga kaum neiveu vin,
Set pohna lengvai te,
Na set jal in genthei thoh in,
Nei tahsan jing uvin.

3. Na Pakai thoudoh pa neiven,
Lhepna muthim phatsung,
Hepina manbei a pe ding,
Satan jong nehjou ding.

4. Na hinna din neive jingin,
Panpi dang na neipoi,
Ngaidam chamna na ngaichat teng,
Keima jeng bou neiven.


47. CHAMNA LENGPA APENG BETHLEHEM’A

1. Chamna Lengpa apeng Bethlehem’a,
Hichu gam lai lungpen Canan gam nom,
Namtin dinga keng a lhun thei na ahi,
Chua hin le dam twitheng along e.

O lunglhai sel in Naosen Leng pen nihin,
Kipah in sauté Cham le lung ol na,
Chitin namtin ding in sochatna ahi,
Nom un lem un, Hallelujah tiuvin.

2. Phalbi dapjan khosot phoinel chunga,
Kelngoi chinghon a kelngoi nga pet un,
Jankhang lai in Gabriel in ahung vil un,
“Hinna damna Thupha kahin poi” ati.

3. Chu in vantil sangjan vanlai jol a,
Hung kilah in chung la ngei asauve,
Chungnung pen a Pathen loupina hihen,
“Leichunga kipa le Chamna leng hen.”

4. Kipah ute chung le noi Leng pen nin,
Van khongpi le lei khongpi ging to hen,
Leng jouse Lengle Pakai jouse Pakai,
Hinlai damsung in lem ute Leng Christa.

5. Kelngoi chinghon chu khopi sung jon un,
Solam miching ten jong chu kho jon un,
Chibai boh un vaicha ten anei sun un,
Leng le Lal ten jong agoubom ahong un.


48. VAN KHOPI VANTIL SANGJA LEN’A

1. Van khopi Vantil sangja lenna,
Chu a lhatdam changte jong cheng ding,
Lunghel lungdon kana bei tading,
Chung Van khopi lhunkal ka ngah lel.

Vo Eden…….. khopi thah,
Eden lui sang a nom,
Chua tonsot nopna kem talou,
Pakai sem khopi thah ka ngai e.

2. Chung van khopi nom tolsung a chu,
Hi leiset idalhah teng u leh,
Mitheng ache masa ngai cheng toh,
Chung Pathen kom’a ichen khom diu.

3. Chua chun Mitheng sangja aleng,
Van Mitheng te jouse jong chu cheng,
Lhenchom chapang thengte jouse chun,
Laltouna kimvel in asauve.

4. Van khopi sung chu sana emsoh,
Van gam vah chu Kelngoi nou ahi,
Vantil ho le lhatsa Mitheng te,
Van khonom a mukal ka ngah lel.


49. CHUNG VAN MIN NOM A KHUN

1. Chung van mun nom a khun lhatsa ten lasan,
A Lallukhuh a Lengpau ang a koi un,
Leiset lungdon lungjin na akhel tauve,
Mitheng lhatsa ten kipa la asauve.

Jesu vahchoi un,
Malaiya Calvary a thi chu,
Jesu vahchoi un,
Tonsot geiya dia hing kit chu.

2. Ngailut na la kidang tah chu akimtai,
Atahsan din thau namtui tah abang e,
Chonset jal a thi Pakai thokit vang in,
Vai ihomdiu Pakai toh a tonsot a.

3. Kelngoi nou thisan a kisil ngim lou chu,
Chu lathah chu koimanchan sathei louding,
Setna kon eilhatpau in eisil ngimtai,
Tun kipa la loupi sa pan tau hite.


50. MEIVOM KAINA CHUNG PEH A KHUN

1. Meivom kaina chung peh a khun,
La hung kisa koisah ham?
Ami ngailut nale thahat,
Na la ngeitah in sauvin.

Kelngoi nou thisan theng a
Avon sop theng a Mitheng tea hi. (2)

2. Kelngoinou chu alamkai yin,
Ama avahchoi jing ui,
Hinna an in avah jinge,
Thisana lhatdoh sate.

3. Laltouna kimvel’a touva,
La ngei sa jing a koiham?
Leiset genthei na min dalha,
Van’a kicholdo ahi.

4. Pathen kelngoinou lamkai yin,
Sun le jan in atong un,
Aman van an chun avah in,
Alhiu atheh hul peh in.

5. Amin ngei tah lhatdam na chun,
Theng chungnung Christa angah,
Amit mu vin akikhel un,
Laltouna kimvel a chun.


51. PAKAI NANG KANGAILU PEN E

1. Pakai Nang kangailu pen’e
Leiset nopna sang in,
Ajeh chu Nangma lung neipen,
Hichu ngailut na lung.

Mi asang aja ngailut na,
Hillou lai atam e,
Ei sutheng a thisan lu chu,
Mi tamtah hillou lai.

2. Pakai Nangman nei nga jingle,
Keima kicha louding,
Namin ngei ken ka vahchoi ding,
Leiset nopna sang in.

3. O ka Pakai ka Lhandampu,
Kalung sung a cheng in,
Chuteng kalung kipah jing ding,
Leiset nopna sang in.

4. O Lhandampu lhatdam kidang,
Nei thilpeh i-hin tem?
Hitobang kipa na hinkho,
Leiyah neiching jing in.


52. I NATOH ICHAISOH TENG

1. I natoh ichaisoh teng,
Nisa hung lhum loi tading,
Chuteng lung lengvai lungmong ta ding,
Van le lei Pakai vang chun,
Eihin ban kaithou dingu,
Zion mol a ikimu to diu.

Chu a ikimu ding chua ikimuto diu,
Eilhatpau mel iput diu,
Chu gam nom hoitah a chu,
I kimuto cheh diu chua ikimuto diu,
A loupina ichan ding.

2. Dam kokhuh thuh thim noiya,
Khopi huinun gin kichan,
Muthim in ei umkimvel jing-ui,
Hinla Jesun eipuinai,
Sun nivah hoi nom’a din,
Leiset huipi nun kitlou na a.

3. I lungu kicha hen lang,
I mitlhiu long jeng jongle,
Leiset lung ngai in dim jong leu hen,
I Pakai hung kit teiding,
Inlam a eipui tou ding,
Chuteng genthei kihe ta lou ding.


53. SUN NI KEMLOU GAM A CHUN

1. Sun ni kemlou gam a chun,
Khopi hoitah aum,
Imatih a mang thei lou,
Chua jan jong umlou.

I-mitlhiu theh hulsoh ding,
Thile man kichat beita,
Phat jong kum a kisim lou,
Chua jan jong umlou.

2. A kot jouse song mantam,
Khopi ningli hoi chu,
A lamlen jong sana em,
Chua jan jong umlou.

2. A kot kikha tih umlou,
Khopi ningli hoi chu,
Hinna twi val alonge,
Chua jan jong umlou.

3. Nisa vah jong ngaita lou,
Khopi hoitah a chun,
Jesu vah jing jeng ahi,
Chua jan jong umlou.


54. APHAT DUNGJUI IN ACHAL JING

1. Aphat dungjui in achal jing,
Aniseh in a chal jing,
Leiset chung natoh dalha a,
Inlam jon in che tange.

A phat dung, phat dung jui in che tange,
Chetang e, chetange Inlam jon in,
A phat dung, phat dungjui in che tange.

2. Kumho dungjui in che tange,
Chungle noi thilsem jouse,
Lungsung a kipana dim jing, lengvai genthei adim’e.

3. Leiset chung mile sangsom sangja,
Keiman kajot laise hin,
Kache velkol jou phat teng le,
Inlam jon a kache ding.

4. Niseh in Pakai ah tao un,
Lamdih tah a eipui diu,
Chu tailou lamdih dang umlou,
Chubou chu lamdih ahi.


55. JESU PEN NI CHRISTMAS AHI

1. Jesu pen ni Christmas ahin,
Hung uvin sopi gol le paite,
Eiho dingin ni loupi pen,
Kumlhung a ikinep nau.

Avahchoi na la sacheh uvin,
Leng pengthah loupi Jesu,
Mihem te lhatdoh ding Pa chu,
Apengtai Bethlehem a.

2. Valpa hungvah solam a kon,
Jing ninou bang in ahung soh in,
Hichun vannoi ahin sal in,
Sun le jan in avah jing.

3. Solam miching te ho jong chun,
Pakai pen kipapi na jal in,
Manlu Sana, Bego, Mor in,
Pakai aga lem uve.


56. JORDAN LUIPI GAL IKAI KHOM TENGLE

1. Jordan luipi gal ikai khom tengle,
Lhatsa te loupia imu dingu,
Luipi kam’a nel simsen lou bang ding,
Hichu vetnom kidang tah hiding.

Luikam’a nel simsen lou jat hiding,
Luikam’a nel simsen lou bang ding,
Vetnom kidang hiding, lhatsa te imu diu chu,
Luipi kam’a nel simsen lou jat hi ding.

2. Lei semtil a pat a lhatsa te chu,
Lhepna lungdon na neita lou in,
Van gam nom’a ikimu to khom diu,
Hichu vetnom kidang tah hiding.

3. Chu luipi hoi kam’a idin teng u,
Hinthing lim damnoiya ium diu,
Canan gammon lam chu galdot jinga,
Hichu vetnom kidang tah hiding.

4. Eihuhhing pau le aloupina chu,
Kichen tah a imu tengu le,
Leng in gam jouse a vai ahomding chu,
Hichu vetnom kidang tah hiding.


57. CHOLNGAH NA MUN NOMTAH AUM

1. Cholngah n mun nom tah aum,
Luigal gammon a chun,
Jan muthim beina kalchung peh a khun,
Tohgim lhiso nabei.

Neilam ton neina lamton,
Chuni jing a niso vahhoi em a chun,
Neilam ton neina lamton,
Luigal a gammon hoitah vah jinga chun.

2. Khopi hoitah vah jing jeng chu,
Anop je seithei lou,
Chu a lut jousen Leng chu amu ding,
Akom a cheng jing ding.

3. Lallukhuh chu koisa ahi,
Christa’n eipeh diu chu,
Thohhat na ahung ding ngah jing te chu,
Chang ding a loupina.

4. Chu gam khopi kot hoitah a,
I lut theina diuvin,
Tonsot chullou khopi nom a leng din,
Thigei in tahsan in.


58. PATHEN IN VANNOI LEISET MITE

1. Pathen in vannoi leiset mite ho angailui,
Achapa Jesu Christa eipeuve.
Vannoi mite le Pathen kicham na
Leng Palai chu,
Vannoi themmo na achapan asem.

Tun eiho mopohna ahi Leng Palai,
Pathen ngailut lungmon na
Hepha lou ingaiteu muntin a,
Um amaho gasei peh ding,
Christa Leng Palai natong ute.

2. Pathen in ami huhhingna le lung monna thua,
Alhacha natong din ei ngan seuve,
Muntin ningtin gamtin a
Christa Thupha pole din,
Nangho cheuvin tin eiho eisol ui.

3. Corinth nina bung nga
Chang somni na sunga chun,
Christa Leng Palai nahi eitiuve,
Pathen le ahelou te ho kah a chamna leng a,
Pang ding chu khangdong teho ihiuve.


59. AW LOUPI PEN HALLELUJAH

1. O Loupi pen Hallelujah,
Ka vahchoiye Immanuel,
Vahchoi na le Lalna jouse,
Tonsot in Nanga ahiye.

Hallelujah, Hallelujah, Amen. (2)

2. Vannoi mihem nam jousen jong,
Vantil te toh lung khat in long
Neilhatnau Na thisan jal’in,
Salem thah tol’a kaleng khom.

3. O iti giltam na lungthim,
Iti santam nalungset na,
Lhatheng leiya leng aw ngeite,
Le van paovin seiphong joulou.

4. O neihil’in gil’a sanje,
Gankong le sapsetna thing chu,
Van’a Lallukhuh toh kijom’
Lei Eden le Salem thah jong.


60. VAN A CHEN DING KALUNG KINEM

1. Van a chen ding kalung kinem,
Adang imavang a hilou,
Jesu thisan le chonphat vang,
Jesu thisan jeng bou hinna.

Christa songpi tah a ka ding,
Mundang vang chu nel chim ahi. (2)

2. Muthim in amai asel teng,
Kalung Ama jeng a kingai,
Lungdon lengvai na jeng a jong,
Aman lung olmo lou eipei.

3. A thutep le athisan in,
Eivah jinge twisoh lai-a,
Lei le van mang jeng ta jongle,
Ama jeng a kalung kai ding.

4. Ama ahung kum kit nileh,
Ka kivon kim a A thupha,
Ka chonphat eihung toh nan tem?
A Laltouna ang a ding din.


61. HINLAI NATOH KACHAI YA

1. Hinlai natoh kachai a twisoh ka galkai tengle,
Jing niso loupi vahhoi chu kamu teng,
A gal langkhat kalhun teng eilhatpa chu ken he ding,
Nuiheu va eina lamto masa pen ding.

Ken he jeng ding (2)
A lhatsa akom a kadin teng,
Ken he jeng ding (2)
A khut thingkil maha chu he ding.

2. Huhhing sa ken kipah a Pakai mai kamu tengle,
Lungsetna Amit ha hoi chu kamu ding,
Eihepi lungset ngailut iti kavahchoi tadem?
Van chunga innom gotsa eikoi peh chu.

3. Chemasa kangai ho chun hung in tin eijap jingui,
Ka kikhen nau luipang a kikhom kit din,
Eden phai hoitah a la ngei in eilamtou vinte,
Ken vang Pakai mumasah pen kanom e.

4. A khopi kot hoi a chu ponbang leh eisil peh a,
Lhiso kitlou na a chu eipui lut ding,
Tonsot kipana la chu a vahchoina kasah ding,
Keivang ka Pakai mu masah pen kanom.


62. GAM THENG PEN’A

1. Gamtheng pen’a Leng hung peng chu,
Thangvan ahsi em in ajui-e,
Miching Ama ajinte chun, Ahsi chu amu’ve,
Ken jong chu ahsi em nung chu juileng,
Pakai penna Bethlehem

O Bethlehem kalhun masangsen.
Tanglouva ka che ding,
Sun ahsi em chun eipui jing inte,
Mary chiolai naosen mel, Ken kamu ding.

2. Tun Salem kho kotpi emhoi chu,
Eiho dingin ahong kittai, Manna gamthip’a ana lengsa, Van gam gou loding in,
Kipah in sauté Lengthah apengtai,
Leiset hi Tinsot langei-in losoh hen.

3. Koiham alemlou ding Pakai,
Van Mitheng sangjan ahinlhauve,
Pakai ngaiyin Van kho ahong tai,
Kap-in lei hin veuvin, Thangvan ahsi jeng in jong hinjuiyin, Apenna Bethlehem lhang ahin lhuttai.

4. Chung le noi mihem kidong ton,
Pakai pen thil jouse jong in phong,
Chung a cham leng noiya sochatna,
Van le lei kilol ta, Van khongpi ginghen lei hi kithing hen, Chitin namtin in Naosen Leng lem’ute.


63. CHONSE KAHI PAKAI

1. Chonse kahi Pkai nei ngaidam in,
Thupha kahin choiye nakeng bul’a.

Ka vel’a Na um lou le
Leiset keidia thina,
Van jong kaka na gam ding,
O nei umpin lang.

2. Monna ding dang umlou hi leiset a,
Nangma bou ka lumdal dougal ang ah.

3. Gamthip a sottah kava mang nung hin,
Na aw kajan tuhin kahung naiye.

4. Tuhin Pakai nangin nei sil theng in,
Nagam theng’a din melma dou tange


64. JINGKAH NILHAH SUN IN

1. Jingkah nilhah sun in theo hite muchi pha,
Kehdoh ding aphat cha itohgim nau chu,
Chang at phat ngah ingting chang kikhop jou tengle,
Changpal pha ipohlut diu thanom tah a.

Pathen Hou-in a (2)
Changpal pha ipohlut diu thanom tah a.

2. Theute nisa noija theute van nim noija,
Phalbi dap le gojuh ding jong ging lou vin,
Chang akikhop soh a kana toh kachai teng,
Changpal pha ipohlut diu thanom tah a.

3. I mitlhi long jongle tu hite Pakai din,
Gim le genthei thoh in lou neipu ding in,
I natoh ijouva Aman eikou teng le,
Changpal pha ipohlut diu thanaom tah a.


65. NEI UMPIN TUNI LHAH

1. Nei umpin tunilhah kho thim kon hin,
Mu athimtai Pathen in nei umpin,
Panpi bei a ka lung olthei louteng,
Panpi ngaite panpin kei nei umpin.

2. A kem baiye ka hinkho chomcha hi,
Leiset loupi le nop kem mangsoh ding,
Thil jouse akem mangthei cheh ahi,
Kikhel lou Pathen in kei nei umpin.

3. Nangma chu ken nitin in ka ngai-e,
Eilhem a hatna a jong nei umpin,
Nang bang a lam eihil thei dang umlou,
Ka nopna kagim na a nei umpin.

4. Nangman nei umpi le kei olmo lou,
Gim thohlel na lhiso na ging talou,
Thina le lhankhuh iti hat jong le,
Nei umpi le kaki chat umlou ding.

5. Ka thi jongle ka kom’a nei umpin,
Muthim lah a lam neihil jing jeng in,
Jing khovah teng Van gam kalhun na din,
Kahin kathin kakom’a nei umpin.

66. NI LUOPI HUNG LHUN DING

1. Ni loupi hunglhun ding ni anai tai,
Chamna Lengpa le lhatsa goldei te,
Thangvan jol’a khongpi le baza thon,
Eihin kou ding lhatsa goldei ten.

Gel jingin Ni loupi
Phasa dem in um un lang,
Laltouna theng a ding ding in,
Pakai na tong cheh ute.

2. Malaiya Noah damlai nikho chu,
Geldoh uvin lang setna dalhau vin,
Hung mang in tin ichennau gamlui hi,
Namtin Jordan lui galkai tante.


67. GAL ALEN E LEISET A HIN

1. Gal alen’e leiset a hin,
Satan gal a nitin in ahung len jinge,
Na Lhaagao va neipui lou chun,
Namin ngei Pakai ken pan ngam jilou ding.

Malai Themgao te napui bang chun,
Na Lhagao vin neivon in lang,
Tahsan in namel neimu sah in,
Kipah a Na min vahchoi ding.

2. Calvary lhang chunga Pakai,
I set jal in lungdon genthei tintang athoh,
Along donna suhmil hoilou,
Set jal in O alungdin na imil joutai.

3. Nei ngaidam in Pakai Jesu,
Keiman na lungdonna sumil helta jong leng,
Nangbou ka ngailut pen Nahi,
Ka ngai ngeije Pakai namel neimu sah in.

4. Na gam tungdoh ding in Pakai,
Na lhat sate set soh akon puidoh dingin,
Set gallen jong doukit ding in,
Ka pang jinge Immanuel nei lamkai in.


68. JESU MIN KIVOP JING IN LANG

1. Jesu min kivop jing in lang,
I ngai Pakai Jesu min,
Na che na hungle na chan’a,
Sumil hih in A min ngei.

Amin ngei lutah chu,
Kivop jing in na lung in,
Amin ngei lutah chu,
Kivop jing in niseh in.

2. Jesu min kivop jing in lang,
Ama chu lum in sung in,
Na chang a nava le na a,
A ma min in tao jing in.

3. Jesu min kivop jing in lang,
Hoichan a che jong le chun,
A sei thu kigel jingle chun,
Na lung mong jing jeng tante.

4. Jesu min kivop jing in lang,
Hoichan’a umjong le chun,
A thutep theng a kinem in,
Lhaso hih in Amintheng


69. PAKAI VAHCHOI NAN KEN LAN SANGE

1. Pakai vahchoi nan ken lan sange,
Kakam le kalung thong ting,
Eingailut kidang chu vahchoi nan,
Sang e a vahchoi la.

Kachonset jouse apo mang tai,
Amin theng loupi vahchoi la sange,
Kachonset jouse apo mang tai,
Halleluyah Amin in.

2. Ka hunge ka chonset poh pum in,
Aman olna kim eipei,
Eilhat doh jeh chun a vahchoi la,
Tanglou in ken sange.

3. Aheng kalhun teng kei bit kei-a,
Aman eihon bit kei-a,
Ken hasah cheh ding a vahchoi la,
Tonsot gei a sa ding.


70. PAKAI AWGIN KHU NGAI UVIN

1. Pakai awgin khu ngai uvin,
Leiset a miten,
Ahung na ding ni anaitai,
Itoh gau kim lou.

Hung tei ding (2)
Van huikong theng chunga,
Aloupi aphon kichai ni teng.

2. Aman a lhenchom te apui,
Touni teng chule,
A dalhah te chengse vang chu,
Gim genthei thoh ding.

3. Damun meidil a umte chu,
Kum sangsom sangja,
Lung genthei na thoh lhum soh ding,
Hin ding go jongleu.

4. Van gou lo ding chengse vangchu,
A emsel a um,
Pa lunglhai na umjou lou ding,
I toh gau kim lou.
.


71. CALVARY A NA LUNGSET NA

1. Calvary a nalungset na chun,
Chansoh loihen leiset le gamtin a,
Nangma lhatsa lei mihem te,
Thina sapset lah a leng un.

Pakai Jesu Na loupina le ngailutna,
Thangsoh loihen chitin lah a,
Mihem lungsung setna lemsa,
Na min loupi vahchoi lan sauhen.

2. Ka gam lungdon lungjin akon hin,
Koiham Pakai gache a huhdoh ding,
Sim le mal a Nangma min ngei,
Kithopi ding dang umlou hel.

3. Leiset chonset hi meipi bang in,
Ahung jinge Pakai kalung sunga,
Hin semhoh in Van meikong chun,
Nang din pahbang in pah inge.

4. Ka kap e Pakai na gam ngai in,
Tonsot gam le lungset te lenna chu,
I tih le lungdon le ham na,
Pel a mitlhi long ahul dem?


72. TWIKHANGLEN PANGA INVAH KISONG BANG IN

1. Twikhanglen panga invah kisong bang in,
Vah in muthim lah a chonse te mudin,
Nalung kot hong in kithopi hung nante.

Vahsah in Pathen thu chu (3)
Na thaomei avah lai hin kitheh ngim in,
Vahsah in Pathen thu chu.

2. Kong sesa bang in mi tamtah aumtai,
Muntin’a mihem set thim noiyah aum,
Hil leuvin settona muntin’a umho.

3. Navah emhoi chu lo khukhum lou jen un,
Navah chu mite muthei din koisang in,
Salvah in jan muthim phatthei nang chang ding.

4. Na hinkho beikah in Christa din tong in,
Christan nangma “Hung in” tia nakou tengle,
Hiche leiset mun hi jot kit pon nate.


73. CHRISTA PENNA BETHLEHEM

1. Christa penna Bethlehem,
Leiset Lengho lenna mun nom gam ahi,
Bethlehem chun huhhing chom louding,
Egypt gam’a jamlut pitan ati e.

Hung lem cheh uvin (2)
Ha ha ha ha ha ha ha ha ha ha ha ha ha ha ha
Tunin Christa apeng tai, Hung lem cheh uvin.

2. Anu le Apa kom’a,
Ajan mang chun Lhagao theng in lam hil in,
Herod thang chun oh lih chomlou ding,
Hung kinungle kitdan Herod thi kahsen.

3. Athi nung chun akou ve,
Hung kinungle kittan Herod athitai,
Hijong le na huhhing Lalpa chun,
A ngailut nan leiset mihem khomsoh ding.

O a ngailutna (2)
Ha ha ha ha ha ha ha ha ha ha ha ha ha ha ha
Hosanna sam jing ute van le leiya.

4. Na hung penge leiset a,
Nangma Leng chan na din hinoi leiset a,
A tonsot in tonsot in Pakai,
Hijing in Pakai Hallelujah Amen.


74. DINGUN DINGUN JESU DIN

1. Dingun dingun Jesu din,
Nangho cross sepai te,
A Leng ponlap domsang un,
Manglou hel ding ahi.
Galjou akon galjou ding, a sepai te pui ding,
Gal jouse abeisoh a, Christa Leng chan kahsen.

2. Dingun dingun Jesu din,
Sumkon gin thun chon un,
Gim genthei hahsa thoh un, a niloupi lai hin.
Tua ading bol a nangho,
Gal simsen lou sat cheng,
Lung ngamun settona jong, thahatna sumang un.

3. Dingun dingun Jesu din, Ama thahat pan un,
Tahsa khut thahat thonthei,
Nangma tha son dauvin.
Gospel galvon kivon un, kiging phan tao jing un,
Toh ding in nakou nauva,
Lhah chomna nei hih un.

4. Dingun dingun Jesu din, galsat sotta lou ding,
Tunia gal kisat kisei, jingle jo la sah ding.
Gal sat a galjou pa chu,
Hinna lukhuh chang ding,
Loupina Leng chungnung toh,
Tonsot vaihom khom ding.


75. CHEN LANG NAPHAT JOUSEN TONGIN

1. Chen lang naphat jousen tongin,
Kipa nan Pa deilam bol in,
Hichu Pakai lampi ahi,
Najot lou ding ham ajui-an. (2)

2. Hinkho hoilai in chen tongin,
Seiset japi na ging louvin,
Mihem in a pachat lou chu,
Pathen pachat lou in geldan. (2)

3. Chen lang tongin toh phat ahi,
Nalung sung kipasah in lang,
Pakai in na pachat ding chu,
Gel in thanom in na tongin. (2)

4. Tong jing in chim louvin tong in,
Lhagao mang dingin lei aloi,
Vannoi gamtin’a vah len lang,
Lhagao mangte chu puikhom in. (2)

5. Kipah in natoh kipa pin,
Tohgim chu olna nom ahi,
Ngaiyun jaloi ding Pakai aw,
“Kahunge” ti aw chu ngaiphan. (2)


76. CHAMKANG LOU NOULAI

1. Chamkang lou noulai ahitai,
Theichang na jong anoutai,
Che bang chun lhenchom te jouse,
Pakai lem ding in nou kit hen.

Hung un gel un phat chedan hi,
Setna thisa tho phat ahitai,
Gam hung lhung ding kinem un,
Ngah jing ute phasa dem cheh in.

2. Chulthei leihao pahcha jeng jong,
Phat chomcha khat ding jeng chan,
Namtui sel in ahung pah in,
Namtin lung alhaisah soh ji.

3. Hijeh chun sopi te hung un,
Leng Chrisata lunglhai ding in,
Gunchu tah in natong ute,
Leiset hinkho abei kah in.

4. Phat loupi chu hung mang inte,
Gunchu le lung kinem in,
Hung kigon phasa dem cheh in,
Pa Laltouna theng a ding din


77. SAPSETNA UMLOU PATHEN KELNGOINOU

1. Sapset na umlou Pathen kelngoinou,
Laltouna chu aum jan aum lou,
Thaomei vah le nisa vah ngailou,
Pathen ngeitoh tonsot a vai homkhom tading.

Amen, hungin Pakai Jesu hung in,
Pakai Jesu a milungset chun,
Mitheng te hochu umpi tau hen,
Hallelujah Amen. (2)

2. Pakai Themgao ho Lhagao Pathen chun,
Thil hunglhung ding ho chu avetsah e,
Ngaijin hungloi ding kahi tai,
Hiche thusei doh nitchan anun nom ahi.

3. Aphat chu hung lhung loi ding ahitai,
Chonpha lou chun chonphat lou boljing hen,
Mitheng ho chu theng jing u hen,
Ana umjing tau hen kahung loi ding ahi.

4. Lhagao thusei doh ho la manga achu,
Hinna thing le khopi theng a achan,
Chu Pathen in alah mang ding,
Hi thu hetsah pa chun kahung loi ding ahi.


78. PATHEN LEKHA SIM JINGA

1. Pathen lekha sim jinga,
Asun ajan a ngaito-a,
A gunchu a thanom pan,
Pathen phatthei peh amui.

Hijeh chun sun le jan in,
Lung ngai nan nei jing un lang,
A thulu ching jing jeng in,
Phatthei na hinkem louna.

3. Mi chonse houlim pi lou,
Mi gilou nung juilou-a,
Mi seise te kom dalha,
Michun chonset apailhai.

3. Luipang a thingphung keh chu,
A nan goptih nei talou,
Hiche thing hin thei bang chun,
Mitheng nop jong kemthei lou.

4. Chonse vang chuto bang lou,
Huiya vai kithe bang ding,
Pathen thupi tan ni leh,
Mi chonse chu pampai ding.


79. KHUT GOH KEOVA KACHE DING HAM

1. Khut goh keova kache ding ham,
Eilhatpa lamto dinga,
Ana nikhat jong tong louva,
Ima lan ding neilouva.

Kache ding ham khutgoh keuva,
Eihuhhing pa lamto-a chu,
Lhagao khat beh keng louhel a,
Kache ding ham khut goh a?

2. Thina in eikai lut lou ding,
Tua Jesun eihuhhing ta,
Ka lamto ding bou khut goh a,
Phamo san kalung kham’e.

3. Ka sumang tai kum phalai cheng,
Kou la ka kou kit theipon,
Hichu ajen nan mang ta leng,
A lunggot molso ta ding.

4. Thina jan chun hinpha le chun,
Lhagao khat huhhing lou in,
Na huhhing pa loupi tah chu,
I pin lamto tan na tem?


80. LEISET DALHAU HITIN

1. Leiset dalhau hitin,
Nunglam ngaita louvin,
Kipa chemasa ten,
Luigal gam nom’a eingah ui,
Tonsot nopna a chun.

Ka le lungjin na gam,
Leiset ka chenna hi,
Kilung tona Zion lhanga,
Jalen phat kangah lel.

2. Vetan Pakai kalennau,
Lung jinna gam hi,
Gamthip genthei ahi,
Thina hin gol eikhen jiuve,
Na gam lhun masang sen.

3. Lal Immanuel khopi
Nom Zion a chun,
Khenna hi umta lou,
Chua genthei chate jouse,
Kimu to ka ngah lel.


81. NILHUM NGAILOU ZION KHOPI

1. Nilhum ngailou Zion khopi,
Ngaiyin kamao kakap sun nitin in,
Pon loupi sil in leng in lhatsa te,
Keidia jong mun umna chu gam’a chun.

Ka ngaitave ka ngai tave,
Amun loupi hoina jouse sang in,
Lungsetpa Lal Christa meldei um chu,
Mu kanom kalung kham banna ding in.

2. Ahoina seijou lou gam chu,
Thisan in ahong tai zalenna gam,
Ka Lhagao chu gammon chu hol in lang,
Leiset gam hi chul kittei ding ahi.

3. Lungdei lhatdam te lenna mun,
Lhung theilou kadip dam’e Lhandampu,
Nei siltheng in Lhagao vin neipui yin,
Lal lungnem gam hoi chu kangai ngeiye.


82. NGAIYUN PAKAI IN EIKOU –UI TUN

1. Ngaiyun Pakai in eikou –ui tun,
Leiset ga chom khom din,
Chang-at khom ding mi alhom jeh in,
Changvui akoi joutai.

Pakai min in kipah in cheuvin,
Ngailut le khoto thon,
Manbei a huhhinga nunnom chu,
Vannoi-ah phong leuvin.

2. Cheuvin amang ding kon huhdoh un,
Chonset muthim’a kon,
Aban thahat pan un huhhing un,
Chonset bulpu galhan.

3. Kipah tah in genthei kou khom un,
Lungset ankong um din,
Amaho chu hinna changlhah a,
Pakai in lamto ding.


83. PAKAI THAHAT PAN IN

1. Pakai thahat pan in hat un athu gingchan,
A Thupha theng phongun lhangsam leuvin,
Galsat lungdon na a jong
Aman eikai hoi jing ding,
Pakai min a koiham eidou thei diu.

Dingdet un, thudih a,
Leng thupeh ngai un galjo nading,
Pakai choi-at na dingin athutep molso din,
Pakai thahat pan in ding det un.

2. Pakai thahat pan in hat un athu gingchan,
Gal masang a kon nung jam kit lou in,
Ama na kom’a ding jing ding
Na galsat hudinga,
Malam nouvin athahat chu pan un.

3. Pakai thahat pan un hat un athu gingchan,
I tih chan’a athutep thon ngai lou,
Aman na khut jetlam atuh jinge kicha hih in,
Pakai chu tahsan jing in ding det in.


84. SILUNG LEN IN

1. Silung Lenin tahsan in galdot un,
Alang Van gam loupi,
Leija lengvai chate tol alen nau,
Kelngoi nou le hinna thingpah jon in,
Lungset te aleng ui, Aloupina kipah in sau hite.

O thisan lu vahchoiyin lan sange,
Eilungset na loupi, Calvary a lhatna thisan,
Vahchoila’n oi-jinge.

2. Lunggel jing in kahin galdot jing ui,
Kipana anaitai,
Lungsetpa thisan jal a kipana,
I vangphauve Pathen cha ihiu hi,
Christan eimin vonau,
Kipana kim chu anatoh ahi,.

3. Kei ding tum’a kipa loupi pen chu,
Lungset theng hi ahi,
Pathen cha le anatoh hina jong,
Neihil jingin keima neihin til in,
O ka Pakai deitah ,
Neihin mang in Lhagao sochatna ding.

4. Lhahna tongso gin ngei akithonge,
Lungset kagol ngaite,
Khanlai boina ngaidam in umtau te,
Lunggel jingun Pakai lam sang jingun,
O sopi goldei te,
I lennau leiset lhepna ahat e.


85. LHAGAO THENG VAN VAKHO

1. Lhagao-theng van vakhu nunnem,
Hung leng kit-in ka ngai jui,
Hinsu halkit in mipi lhasam te,
Mollep lou-vin hung kit in lang.

O ka ngai-uve lhagao nunnem,
Nangma lou-vin mipi te lamvai yin,
Hin puikit in lang o valpa ahsi,
Zion kipa lampi theng a.

2. Ngaiyin pakai na lhatsa te,
Atonsot lam ahai-yun,
Lei kelngoiching ten hin puidih joulou,
Iti ahidiu vem pakai.

3. Lhagao-theng pen nang na um le,
Leiset lungdon anem yin,
Set huipi le lungjin gal len jong le,
Jailan naming vahchoi tang e.

4. Jesu nunnem hung ham kit in,
Lungdong tah a na thohna,
Hetsah in lang na linglukhuh chuto,
Na hesoh na kidang tah chu.


86. MUN A –ONG NALAIYE KOUKHOM UN

1. Mun a –ong nalaiye kou khom un,
Lengpa golvah ankong umdin,
Kou khom unlang a in midim hen,
Mi vaicha gilkel ten neu hen.

Lamlen’a le daipam’a pot un,
Setna lam thim’a umte chu,
Chen lang ngailut le lungset thon lang,
Vahvei ho gapui khom un.

2. Mun a-ong nalaiye khom kit un,
Amavang eingai sah lou le,
Kouna ngai louva kilep mangho,
Koiman kou kit talou hel ding.

3. Mun a-ong nalaiye kou khom un,
Chunga Pathen thupeh ahi,
Lungset hong sunga gapui khom un,
Huhhing pa lungset na a chun.

4. Genthei lengvai le ahao din jong,
Van ah mun a-ong nalaiye,
Koukhom loi un kot kihon pet in,
Gunchun hilchen kimvel leuvin.


87. NAIJA GAMLA CHANG AMINTAI

1. Naija gamla chang amintai,
Changvui akoisoh gamtai,
Naija gamla a angsoh tai,
Denna lep a phaicham’a.

Pakai chang at ding hinsol in,
Na henga katao nau hi,
Ngai in chang at ding hinsol in
Chang at kile get in te.

2. Jingpi nison hinsol loiyin,
Suun nisat in hin sol in,
Nilhum kon gei jin hinsol in,
Gamtin chang at khom dingin.

3. Man gang un chang akoijou tai,
Changvui min at khom loi un,
Nilhah teng le inlam jon a,
Kipah a che ding nahi.


88. LUNGDON MEI AJING

1. Gethsemani hon’a Pakai Jesu chu ataove,
Mipi ahung kikhom I-Pakai chu man din,
Achung thu lel dan chu athem pouve,
Thempu lal in sung a atha lou som’un,

Lungdon mei ajing (2)
I-Pakai ahung bom Calvary lhang chung a,
Ling lukhuh le sapsetna thing Cross pun,
Abel ding um talou I-Pakai Jesu.

2. O Simon Peter le Solchah lungdong te hung
thou-vun,
I-Pu chu akaijun athina ding mun’a,
Van’a hung kumlha Van lal genthei chu,
Alungdon nem dingin koima umta lou.

3. Iti vetlel umtam I-Pakai Jordan kaiding chu,
Atha ahung nguijin Alu chu akaikun,
A Lhagao alhan thimpi ajingin,
Set le dougal jouvin Jordan lui akai.

4. Noija le vanchung a thupha ahil Lhandampu
chun,
Atha ding agouvin O Zion nunau ten,
Aphat lai ni chu asumil taove,
Nanop nau hilou ham na damnau pa chu.


89. CHUNGA JERUSALEM THAH

1. Chung a Jerusalem thah chu,
Van Mitheng te tolpi ahi,
Chu a Lal Immanuel in vai ahom’e,
Kajot Zion gammon chu kangai ngeiye.

Hinoi leiset sang in,
Anom joi tonsot gam chu,
Nitin mi alhung lha tin in tam,
Kumtin apung jing, Zion lhang chung a,
Kelngoi nou Leng lem in asauve.

2. Immanuel na thisan chu,
A tonsot a ka la ngei ding,
Mitheng te gam kalhun tengle ken lan sange,
Tonsot thing Pakai nunnem pah kamu ding.

3. O lhandampu Hallelujah,
Gam jouse hi Nang a ahi,
Na thisan lun neisop theng in nang a kahi,
Ka nga he lungjin Jordan meijing noiya.

4. Hung ding nahi tah em Pakai,
Ka gam genthei nan atom’e,
Canaan gam le Namel ngai ken kabang theilou,
Jing niso thah in khotheng len kanom’e.


90. MIHEM CHENNA CHAN’A

1. Mihem chenna chan’a, galhang sam leu hite,
Hung un Christa mite, seileu te limtah in,
Mi chonse te henga, lungmon na thupha hi,
Lhamon sah ahung tai.

Lhamon sah ahung tai (2)
Pathen in eipeh u, eitepnau Lhagao theng,
Mihem chenna chan’a,
Galhang sam leu hite,
Lhamon sah ahung tai.

2. Muthim lungdon lengvai,
Gim le hesoh genthei,
Abonchan achai in, gamtin asal sohtai,
In hoi lul tah bangin, nisa so em bangin,
Lhamon sah ahung tai.

3. Leng jouse Leng chungnung,
Mi damsah Lhagao in,
Mi chonse te henga, hinna thu hinpo lhan,
Hung un huhhing sate, la ngei hi sau hite,
Lhamon sah ahung atai.

4. Lungsetna chungnung thu, lan sa choi leu hite,
Van chunga cheng hotoh, kitoh in sau hite,
La ngei hi bang louvin, sau hite limtah in,
Lhamon sah ahung tai.


91. NATONG IN KON UTE EIHO PATHEN SOHTE

1. Natong in kon ute eiho Pathen sohte,
I Pakai nung jui in cheu hite na tong in,
A man eipeh lungthim thah chu pan uhite,
I khut a itoh thei chan tong cheh uhite.

Tong ute…. hatah in,
Na tong un… pontah in,
Ngah ute…. kinem in,
Bang poute Pakai hung kahsen.

2. Na tong cheh uhite agilkel vana din,
Lhagao dang chah ho dang nou nadin peu hite,
I loupina dingun Cross thu seileu hite,
“Manbei in eihuhhing ui” tin sam leu hite.

3. I bonchan cheu hitin na ga tong uhite,
Chonset muthim gam chu apumpin mangsoh hen,
Jehovah Mintheng loupi chu kilang soh hen,
“Manbei in eihuhhing ui” tin sam leu hite.

4. Pontho tah in pang un Pakai thahat pan un,
Tohphat man isan diu Pathen in eipeh diu,
Lhatsa Mitheng toh van’a ichen khom diu,
“Manbei in eihuhhing ui” tin sam leu hite.


92. LUNGDON NA CHONSET JOUSEN

1. Lungdonna chonset jousen eibom’e,
Thina lam’a puidin,
Tahsan in thina kanung ngat e,
Eilhandam pun eihin kou.

Kakipah tangei ye tu vang in,
Lhandampu chonnem tah le milungset chun,
Ka Lhagao a huhhing kittai.

2. Kelngoinou lenna lhang chu kalhun teng,
Kipan eilam ton tin,
Thina Jordan lui kagal kaiteng,
Van golvahna lha tading.

3. Kipana tah lunggel’a kanei hi,
Jesun eipeh ahi,
Leiset kipana sang a lenjo,
Van kipana kanei tai.


93. KOI HIJONG LE THUPHA HI AJA CHANAN

1. Koi hijongle Thupha hi aja chanan,
Kipana thu hi leiset gam kimvel a,
Phong un homjal un mi umna mun jousea,
“Ahung nomchan hung u hen”.

Koi hijeng jongle ahung nomchan chu,
Thinglhang le phaicham dam’a gasam leuvin,
Pan vahmang ho inlam’a akouna hi,
“Ahung nomchan hung u hen”.

2. Ahung nomchan chu hung geisang lou jen un,
Kot kihon lutthei petcha hin lut loi un,
Jesu chu hinna lampi dihtah ahi,
“Ahung nomchan hung u hen”.

3. Ahung nomchan chu thu tepsa aum’e,
Ahung nomchan chu um jing jeng ding ahi,
Koi hile anom chan hing jing ding ahi,
“Ahung nomchan hung u hen”.


94. THOUVIN KATING TING KAPA KOM’A

1. Thouvin kating ka Pa kom ah chekit tange,
Kama meipi bang in ajing,
Eilungset ding dang kaneilou leiset a hin,
Kapa lou chu ka dougal jeng.

Set na nuse ta jong leng,
Aphat na chul ngailou,
Kisih a kahol kit le, alim a leng kit ding.

2. Kapa in’a ninglhing set a sum le sel um,
Mi lengvai ten anem jinge,
Kei gonggoh leh gilkel thoh a thiding kahi,
I lou gentheiya kava lem.

3. O akom’a kachen lai chun iti noptam,
Leiya nopna jouse akim,
Tun kagel le kapa inpi kangai jeng tai,
Thupha choiyin jon kit tange.

4. Kei mi chonse seingai loule Pathen jalou,
Kading a mun eiphal peh leh,
Hi leiset pah kamelma hi ngaikit ponge,
A pallai ni achom taloi.


95. CALVARY LHANG CHUNG A

1. Calvary lhang chung a Pakai chu,
Cross chunga ling lukhuh le,
Mipi ho nuisat ding in,
Thingleh a akhai sang ui.

O ana ngeiye ka Pakai thohna chu,
Akhut akeng alu veuvin,
Chonset jal in athisan,
Thengtah chu along dohtai,
Lungset um ngei pa chu.

2. Athi dinga adang chah lai chun,
Koima chan apenom poi,
Melma ten hem in nouvin,
Dangchah giugeo vin athi.

3. Kadang achah e tia athum chun,
Juthuh adonsah uvin,
Juthuh chun sunou lou ding,
Lhagao ngaiya chah ahi.

4. O ka Lhagao nalhatpa natje,
Keiman kahil chen theipoi,
Chenlang Calvary lhang a,
I Pakai chu ga dong tan.


96. HUNG UN PATHEN NGAITE

1. Hung un Pathen ngaite, kipah in la sauvin,
Kipah in la sacheh un lang (2)
Kikhom un kimvel un. (2)

Cheu hite Zion ah,
Zion gam nom chungnung ema;
Cheu hite Zion gam nom a,
Pathen khopi nom tah a chun.

2. Pathen hepha lou ten, vahchoi da jeng jong leu,
Eiho Pathen chate sen vang (2)
Phong un na lung kipau. (2)

3. Pathen ki houna a, asangjan thanom un,
Van’a khopi hoi ilhun man (2)
I len man lam em’a. (2)

4. Chu a lhi kang soh ding, kipa la isah diu,
Immanuel cha ihiuve (2)
Van khopi a ilen diu. (2)


97. VANNOI GAMTIN CHONSET MUTHIM IN ALOI

1. Vannoi gamtin chonset muthim in aloi,
Hinna thun salvah un,
Lhagao huhhing a um nom a atam’e,
Hinna thun salvah un.

Sochat na hinna Thupha vahchun,
A gamtin salvah soh hen,
Sochat na hinna Thupha vahchun,
Tonsot gei in salvah hen.

2. Jet le vei-a igam miten eikou ui,
Hinna thun salvah in,
Kipah tah le thanom tah in choileu te,
Hinna thun savah in.

3. Hinna Thupha mijousen amu thei nan,
Hinna thun salvan in,
Hinna Thuphan gamtin alosoh na ding,
Hinna thun salvah in.

4. Hinna thu lhacha ipan hi chim poute,
Hinna thun salavah in,
Van’a ivondiu thilpha khol ihiuve,
Hinna thun salvah in.


98. PAKAI PEN NIKHO ALHUNG KITTAI

1. Pakai pen nikho alhung kittai,
Silung lengvai te lung akaithouve,
Vannoi hil un Bethlehem lhang chunga,
Ginchat na lhang leng galkaiyin.

O Pakai nunnem Nang in neikai hoiyin,
Na chun le jo ngaiya senlai navang naka
Na mun chu kangai.

2. Bethlehem ahsi avah kittai,
Eden lhan kotkhah sung avah kittai,
Khang in thouvun Eden kho avahtai,
Lungtup gam chu jon tau hite.

3. Kangai ngeiye Bethlehem lhang chu,
Thangvan toni kol a apang leptai,
Bong insung a Pakai lengvai tah chu,
Achun nu Mary’n a pom’e.

4. Anom ngeiye Pakai na gam chu,
Keidin Bethlehem lhang avah kittai,
Tila pi le pu ten amu phah lou,
Saron pah lem in leng ute.


99. VANG EIPI DIUVIN VAN’A

1. Vang eipe diuvin van’a vai ahom kittai,
Eden kotkhah ahong kittai,
Lut in Zion kho avah tai.

Pah un Pah un Lhandampu,
Kelngoi nou ahung tai,
Lem un Hallelujah Amen,
Hallelujah huhhing ding in ahungtai.

2. Jan la ngei tah chun leiset hi angui jenge,
Eden a lhute athou tai,
Hoiham sun ahsi atiu chu.

3. Leng jouse Leng le Zion a vaihom pa chu,
Mihem ten sumil thei lou ding,
Alungset na akidange.

4. Alem la sauvin van Mitheng te jouse chun,
Twiso get le leiset jong hin,
Zion lo hen Hallelujah.


100. BIBLE A THU UM HI

1. Bible a thu um hi Thupha chungnung pen,
A thu jouse hinna le sochat na,
Mi thisa jong thoukit ding in asei ye,
Lhagao mangsa hindoh kit na ahi.

Bible thu ngai un, Bible thun nung un,
Mang un Bible Thupha hinna kidang.

2. Ngaiphau vin Bible gou kemlou chungnung thu,
Lhagao hinna le sochat na ahi,
A man jat jon leiset mi’n simthei lou ding,
Hol in Lhagao phattheina kidang hi.

3. Mi lamvai te ding a Bible meivah pha,
Khangthah dan neilou dinga jong phat na,
Mi chonse dinga hinna le lung olna,
Teh le khang dinga hibou Thupha pen.


101. HINKHO DEILAI ACHOM’E

1. Hinkho deilai achom’e, thingna pullai abange,
Changphal kansa abange kiging un,
Hin nikho akem jinge,
Vangset nihung lhung inte,
Thina hung lhung loi inte kiging un.

Phat hom in kiging un,
Jesun na kou kou lai uhin kiging un,
Setna a umsot leu chun,
Hinna kot hon hom lou in,
Nalut phat kikhel inte kiging un.

2. Pahcha hoilai pulloi in, khangdong hoi ache loi in,
Nang umsot ding nahipoi kiging un,
Pathen lhan na kou lai hin,
Umhih un ngaisah lou in,
Manna lam’a chun nate kiging un.

3. Phat akem tultul jinge, thi vaihom ahung naije,
Jesu khut a kikhum un man gang un,
Vangset na ahung lhun’a,
Na lhagao man masang in,
Aloupina chu sim un kiging un.

4. Hilna thu chu ngaiphauvin,
Pakai chu tuhdet leu chun,
Van mi jouse kipah ding kiging un,
Chonset muthim dalhau vin,
Jesu chu tahsan un lang,
Van lam jon in tun cheuvin kiging un.


102. PAKAI NA LHAGAO VIN NEIPUIYIN LANG

1. Pakai na Lhagao vin neipuiyin lang,
Leimun lungdon kana gam ahi,
Lhatdam na kulpi sung a leng ding in,
Na mite pui jing in lang.

O van gam’a neipuiyin,
Thim le lung donna jouvin,
Eidougal setgal kajo tei ding,
Navah a chun leng tange.

2. Pakai Lhagao kakom’a aum le,
Kamau gamthip akem jitai,
Leiset lungdon gim kathoh jou tengle,
Kalen ding na gam’a chun.

3. Pakai na Lhagao vin neipui in lang,
Sang tamtah manna gam ahi,
Manglou vin gamtheng chu neilhut teiyin,
Pakai loupina gel in.

4. Lungdon na jouse kipah in nathoh,
Genthei Lalpan panpin neiti,
Thi geiyin Lhagao vin neipuiyin lang,
Mun loupi lhun masang sen.


103. HI LEISET GENTHEINA GAM A HIN

1. Hi leiset gentheina gam’a hin,
Nopna gam le ngaite lenna,
Ka ngai ngeiye O ka Pakai,
Nopna umlou leiya.

Na gam nom kangaiye, nalungset kinem in,
Set le gimna gam’a, kamong joupoi Pakai.

2. Hinna Lal thengpen Pakai Christa,
Nei lhamon in na thisan chun,
Na thutep lhin ding kangah e,
Sochat na hinkem lou.

3. Thina gal’a gammon ka ngai chu,
Pakai sem gam nom chu ahi,
Hinna thingphung lim noiya chun,
Nisa vah jong ngailou.

4. Chitin namtin Pakai Lengho Leng,
Cham na le lung olna gam’a,
Neilhut in Salem thah nom’a,
Mitheng te len na a.


104. THENNA DING PHAT

1. Thenna ding phat nei in na Pathen hou in,
Ama toh umjing in athun kivah in,
Pathen chate ho jong kihou thei pin lang,
A hotmo te hunlang sumil lou jen in.

2. Thenna ding phat nei in athu nit jing in,
Jesu chu guhthim in atam jon houvin,
Jesu ve jing le chun Ama toh bang ding,
Na gol in amu ding A-um chan bang thon.

3. Thenna ding phat nei in lam kihil sah in,
A ang sung a kon in jammang lou jen in,
Gim hesoh na ahi na Pakai jui in,
Jesu lamkat jing in athu tahsan in.

4. Thenna ding phat nei in nalung olsah in,
Na lungput jouse chun anoiya lut in,
A vaihom thun nung in kipuisah jing in,
Ngailut bulpi ahi Van’a puilut thei.


105. NISUN VAH A CHUN CHEN

1. Nisun vah a chun chen nipi vah a chun,
Jing a pahcha pah le janlai dailhah in,
Nitin in mason in dettah in pang un,
Lamtin a Jesu jui in.

Jui un keiman jong ka juiye
Jui in nitin in jui un,
A man napui le na chan,
Jui in Jesu chu a lam tin ah.

2. Sun nisat emlai le janlai mu thimin,
Chamkang lou noulai le chuhlai go lon in,
A man nakou ngai in asei thun nung un,
Lamtin a Jesu jui in.

3. Nisa vah emlai le thimpi jing a jong,
Khopi huinun nale lungdon na a jong,
A mi ngailut gingchan akhon ni gei in,
A nung lhaso lou jen in.


106. PHAT HI AKEM JINGIN LEI NOPNA

1. Phat hi akem jingin lei nopna amang ji,
Leiset a kipana akim theipoi,
Pakai hung leng in o niloupi lhunsah in,
Genthei chaten leiset gimna adalha nom.

O Eden thah nom’a chun neipuiyin lang,
Lunghel a khen pisa hotoh kileng khom le,
Kakipanau kim in vahchoi tau vinge,
Leiset hi ngai tapou vinge Na gam’a chun.

2. Na ding a thohten chu gam chu akinep pin,
Lei kipana adiuva pahthei lou,
Zion mipi ho le lungset na Lal mel chu,
Ni loupi hung kilang ding chu ave chimpoi.

3. Lei lungdon lungin hesoh na jouse noiya,
Tahsan hon kipa la asa jingui,
Adiuvin khovah hen Salem thah nom’a chun,
Napui khom na ding ni ngaiyin agaldot ui.


107. KA NGAH JING E KA PAKAI

1. Kangah jing e Ka Pakai, Lei genthei thim jing noiya,
Nei holnau Salem khopi, O keiman ka ngaitai,
Leiset genthei na le, Thim noiya hin leng jong leng,
Lungset a eihol pau chu, Ken kangai bang lou ding,

Van loupi Eden thah nom chu,
Lungdon um louna gam nom chu,
O itih le hung lhung tang em?
Na tonsot Lalna gam Emnom hoitah chu.

2. Hung naiyin Eilhandampu, Leiset a gal ahat e,
Thisan a nalhat sa te, Lung dong in akap e,
Leiya nalen laiya, Na lung donna Calvary,
Melmate ahung naiye, Na gam doudal te chu.

3. O hoikom ham Lhandampu, Zion lhang gal’a
monna,
Set soptheng a mi lungset, Ka diuva na louna,
Chonset thenna kulpi, Na tonset vankho le veng,
Lhatdam cha nalim noiya, Nom’a alennau chu.

4. O leiset hi hung mang ding, Loupina jouse jong hi,
Lhandampun mi hin khom ding, Ken leiset pelt a ding,
Christa lungset te chu’ Lal loupi na chang unte,
Lungset na akinong’e, Nomun Halleluyah.


108. CROSS CHU INJOT NA

1. Cross chu injot na lampia kanei tei ding,
Chulou chu lamdang umlou,
Van kotpi hoi chu keiman mulou ding,
Ka mansah le Cross lampi chu.

Van in jotna Cross ahi (2)
Kache pum hin kalam mu kanom’e,
Van in jotna Cross ahi.

2. Thisan bena lampi chu kaho tei ding,
Ei huhhing pa chenna chu,
Van chung innom jon a kakal tou ding,
Lhagao Pathen toh chen na chu.

3. Vannoi lampi chu kalha doh tai keiman,
A chung ho kit lou hel ding,
Jesun “Hung in” tin ka in ka jon’e,
Kot phunga einga jing na chu.


109. GEISANG LOU JEN UN MI CHONSE HO

1. Geisang lou jen un mi chonse ho,
Christa na hinna diu aume,
Tunin nakouve aw nem tah in,
“Hinna penge” ati.

Nomhen nomhen Pakai Christa min,
Ka chonset eisop lheng peh pa chu,
Akom’a tonsot’a kachen ding,
Van chunga in theng a.

2. Jesun na kouve ngai in chonsen,
“Hung un chapang ho” hitin ati,
Hung loi un chonse lung leng vaite,
Pakai Christa sang in.

3. Khopho louvin umhih un mite,
Tuni hin Jesun nang na kouve,
Hung un mi chonse lungbei olmo,
Na chonset lung khel in.


110. CHUNG VAN GAM’A KA IN GOTSA

1. Chung van gam’ a ka in gotsa um,
Ana ngaito din Pakai cheta,
Lhatdam na gam nom’a chun,
Lhatdam sa lungset te toh,
Lhatdam’a vahchoi la sa jing ding in.

Kum asot um ngailou, Kipana gam’a chun,
Gim genthei umta lou,
Chu mun’a chun khat vei ichen ding.

2. Kei ding in Lhandampu hung thita,
Ka Lhagao huhdoh na ding jeh in,
Set dimna leiset a hin, Keija kon’a peldoh ding,
Van gam nom hoitah a cheng jing ding in.

3. Phat tampi che jing ding o Pakai,
Keima neivop jing e ti kahei,
Mang lou helin Pakaiyin,
Ichen khom na diu lim a,
Vetnom vetda umlou chamna lengta.

4. Chung gam nom sana khopia chun,
Lhilon hesoh genthei umta lou,
Kipana la sa jing ding,
Cholle nan beisoh ta ding,
Nunnom jing ding chung gam Innom’a chun.


111. GALDOT TEM UN VAN KHOPI CHU

1. Galdot tem un Van khopi chu,
Kikhen louna gam chu alang,
Ikikhen nau ni alhunge, Ka ngai kikhen louna.

Achom ngeiye lei kipana, Pahbang in achul kit jin, Kikhen lou thei ihipouve,
I lennau adan jeh in.

2. O ka ngai kikhen louna gam,
Nom’a ilen na diu mun chu,Itih tah le ahung lhung dem, Kikhen louna khopi.

3. Genthei thoh a ikikhen u, Itih le kikhom u hitem,
Leiset gim mun ikhel phat le,
Kipan kikhom ute.

4. Ka ngai kikhen louna khopi,
Leiset a ikikhen u hi,Lungdon ngah na ding aumpoi, Leiset gim mun ahi.

5. Ikikhen a kaka bang hin,
Van mun loupi kagal dot e,
Kikhen aumlou kahet in, O lhunkal kangah lel.

6. Van Mitheng te le goldei ten, Lungset in nei hung umpiuvin, Leiset gimnan eikhen jitai,
Ka ngaito chim thei lou.


112. HINKHO TWIPI KINONG

1. Hinkho twipi kinong huipi hat natoa,
Mang soh a kingaito a nalung lhah teng,
Na phatthei na jouse aban chan sim in,
Pakai thilbol cheng chun kidang san nate.

Na phatthei na abanchan sim in,
Amin sonlang abanchan sim in,
Pakaijin nabol peh chengse chu,
Pakai thilbol cheng chun kidang san nate.

2. Pohgih poa lungkham lung donga na umem?
Na put dinga kigot peh Cross chu gih sam?
Phatthei na sim le chun ginchat lel bei ding,
Sun nisa vah bang in vah jing tan nate.

3. Mi sum nei sel nei gam nei navet komle,
Christan natepsa hao seithei lou ngaiton,
Ahao choh joulou phatthei na chu sim in,
Tohphat man nasan ding van’a atame.

4. Hijeh chun gim genhei iti hah jongle,
Lunglha hih in Pathen achungnung pen e,
Phatheina sim in vantil in na ngah nai,
Na lam lhung keija na lhonpi diu ahi.


113. PHATTHEI NA GOHONG

1. Phatthei na gohong hung ju hen,
Lungset na eitepna sau,
Juh sah jing jeng hen niseh in,
Jesun hin juh lhah sah in.

Phatthei na gohong,
Ka ngai jui phatthei na chu,
Mal khou tah in hinjuh sah in,
Hung juhen ka chung uva.

2. Go hung jun phatthei na gohong,
Lhagao thisa thoukit hen,
Thinglhang le phaicham dam jol a,
Hung chin in phatthei na go.

3. Phatthei na gohong hung ju hen,
Pathen hin sollhan tunin,
Ka lung nguisau halsah kit in,
Nei tepnau guilhun sah in.

4. Phatthei na gohong hung ju hen,
Juhsah in tuni tah in,
Ka setnau jouse sop theng in,
Jesu ka kou pet chau hin.


114. LEIYA PATHEN TAM JENG JONG LE

1. Leiya Pathen tam jeng jong le,
Ipau khat mai van’a aum e,
Pentil neilou hing jing Pathen ahi.

O ule nao nu le pa deite,
Tonsot hinkem lou neina din,
Lunghei un lang Pathen hin bel un.

2. Jouthei Pathen hinna neilou,
Kaneije tin eipui mang jitai,
Aneisun jong dana ahibouve.

3. Chonset bulpi nungjui pa chun,
Atoh le a kipana pen chu,
Lhagao damun a puilut hi ahi.

4. Ngaijun eisempau Pathen chun,
Ami mangsa te holdoh na din,
Achapa chang khat chu eihin peuve.


115. LUNG IN VAN GAM

1. Lung in van gam ka ngai tole, Leiset gimna thoh
joute chu, Nui siuseu va um kagah mui, Akipanau la aw nem chu, Nitin olpet kanei theipoi,
O kalhunkal kangah lel ngeiye.

Neihin vetan Van lal Pakai, Lungset umle hatlou kahi, Chonset in thihkhau vin eihen,
Nagam hunglhun ding nom jong leng,
Thina le lung jinna te hin , nitin in eibom’e.

2. Kei ngaito a hung thei hilou, Ti hi neihin hetsah jal
in, Lungdon in eisun khum jitai, Lhunkal kanga lel jal ahi, Pakai nagam theng nom em chu,
Ngaijin kalan kasa jitai.

3. Ima jouse ka ngaito le, Ka genthei je kaki het in,
Kaka khosot na ding bep in, Kappet chapang bang a nuina, Leiset a hin kamu joupoi,
Ngailou thei chu kahi tapoi.

4. Kappet naobang in nui ponge, Pakai neihung puima
sangsen,Ka lungdon na hi beipon te, Ka khankho akikhel ma hin, Vangam lhunkal ngalel jong leng,
Pakai hung lhung thei sam ponge.

5. Leiset gim mun jeng ajong hin, Pakai Nangin nei
umpi le, I louva kalungdon ding ham? Nei umpi ti kahet phat le, Kappet naobang in nui jing ting,
Leiset gimna hi miltange.


116. AMANG KON HUHDOH IN

1. Amang kon huhdoh in athikon ngaiton,
Chonset khuh a konin ladoh loi in,
Chonkhel te chu hil in alhu kaithou in,
Huhhing Pakai Jesu thu seipeh in.

Amang kon huhdoh in athikon ngaiton,
Mi lungset them Jesun huhhing tei ding.

2. Ama hon angaisah lou hel vang uvin,
Aman angah jinge lung neng tah in,
Avel vel in damheu chan a kou jinge,
Tahsan pouleu a ngaidam ding ahi.

3. Mihem te lungsung set nan alo dimtai,
Hijeh chun Pakai leiyah ahunge,
Lungset khut in atham in asukhang in,
Athisa jong ahin sah kit jitai.

4. Amang kon huhdoh in nangma kin ahi,
Pakaiyin nangma thahat pennate,
Lhagao mang ding mi sangja aum uve,
Huhhing pan a lungset nau thu hil in.


117. HUNG UN CHRISTIAN TE

1. Hung un Christian te lungkhat hiu hitin,
Seiphong leute sochatna Thupha,
Thinglhang gamsung a mi acheng jouse,
Satan bulpuvin akum tu’ve.

Hung un Christian te itha gom tou tin,
Sumang dingin idou satan hat,
Hung un Christian te tha gom tou hitin,
I thahat pen nau Jesu umna.

2. Mi sangja hijat hinna thu mulou,
Vetem tauvin akihen nau bul;
Bulpu ngaiton lang i-nop pai lhauvin,
Gasut lham ute bulpute chu.

3. Hung un sopite lung thah semu tin,
Chal sahna din Pakai Jesu gam;
Kiha bol cheh un tantih neilouvin,
Ni loupi nia pam chan louna din.


118. VANNOIYA HIN LENG SANGJA

1. Vannoiya hin Leng sangja ana peng nan jong,
Leng Christa bang hi khat cha ana peng khalou,
Lhandampu ahung peng Bethlehem bong in’a,
Van Lengpa lem ding in noi le van mi kikhom.

Kipah in lem ute Van Lal Leng pah ute,
Aso ni hin vannoi kipa nan losoh hen,
Van Lengpa ahung peng Lallukhuh hom ding in,
Van Mitheng te jousen jong eihung lem hu hen.

2. Van Mitheng ten alem nan kipa la sauvin,
Hichu kelngoi ching hon ajauvin gam noiya,
Lhandampu umna chu kichen tah in hil un,
A kelngoiyu dalhan chibai aga boh ui.

3. Solam miching ten thao namtui choiyun hungun,
Van’a valpa amauva ahung lamkaiyin,
Gan ankong a anu Mary’n apom muvin,
Agoubom u hong un chibai aga boh ui.

4. Leng Herod in ahet in ana lung jin pin,
Chibai boh in kilep in miching te dong in,
A sepai jouse khom in Juda gamsung a,
Naosen Leng chu Pathen in ana huhdoh e.

5. Vo Jesu tuni hin kalung sung bong in’a,
Hung kisem thah kit in lang ka tonsot Lengdin,
Ka khut theng lou hi Mary khut in ngaiton lang,
Tonsot in kipah in Nang lem kum lhung tange.


119. HOSANA SAM JING UN

1. Hosana sam jing un o Hallelujah Amen,
Leng Christa ahung penge Bethlehem a chun,
Atongso dam lungset thu namtin damna ahi,
Kipah in sau hite Hosana ti in.

O Bethlehem lhang chung a,
Tonsot kho ahug vah e hilkim vel uvin,
Koi hile chu hinna vah thanom’a tahsan in,
Lunghem ka le gim na thoh kit talou ding.

2. Akidang in aloupi e chamna Lengpa chu,
Ngailut na alonsah e leiset chung a hin,
Setna kon eilhat doh theina diuva hung ahi,
Lungset gam Leng ahi I Pakai Jesu.

3. Pa thutep ahung lhungtai Idamthei nau ahi,
Ngailut na along let e Calvary a chun,
Adanje koiham seithei lei mihem te lah a,
Alungset gam nom chu eilhut tauvin te.

4. Zion loupina Pakai mangsa eihol pau chu,
Van khopi ten it jong leu nang jou dehlou diu,
Ijakai ka Ijakai ya Lal pen hen Amen,
Eingailut nau hi koiman nelthei louding.


120. LHUM LAM GAM’A KON IN

1. Lhum lam gam’a kon in,
Thu ahung thang lhung e,
Hichu Christa lam’a tah panna thu ahi,
Ahung kitol tol in, thinglhang in lan asai,
Christa lam’a dettah a tah panna thu ahi.

Gal jona ding in (2) Pakai in kho asam e,
A thun chon u hite, gam lo loitau hite,
Christa lam’a dettah a tah panna thu ahi.

2. Ngai uvin aw gin chu,
Leiset hotling soh a,
Hichu Christa lam’a pah panna thu ahi,
Hang tah in tong pan un, kigin nan kho sam un,
Christa lam,’a dettah a tah panna thu ahi.

3. Khangdong tha kapan ui,
Tunin Jesu ang ah,
Hichu Christa lam’a tah panna thu ahi,
A thupha phong leu te, vannoi mi gam jousea,
Christa lam’a dettah a tah panna thu ahi.


121. CHRISTIAN SEPAI KON UN

1. Christian sepai kon un galsat in cheuvin,
Jesu lamjeng veuvin I lamkai pau chu;
Leng Christa akontai satan galsat din,
Ama alamkai tai ponlap che veuvin.

Christian sepai kon un, satan galsat din;
Jesu lam jeng veuvin, I lamkai pau chu.

2. Galmi janel banga Pathen mite kon,
Mi theng ho chena nungjui ah ihiuve,
Achom chom iumpoi iboncha pumkhat,
I kinep nau jong khat ikai nau khat bou.

3. Leiset leng ho gam le alalnau mang ding,
Christa Houbung vang chu mantih neilou ding,
Gim hesoh lungdonna kiseikit lou ding,
Atonsot tonsot a Christa vaihom ding.


122. LEISET PON IN KIPHE LHAJONG LE

1. Leiset pon in kiphe lhajong le,
Khopi hoitah chu keiman kanei nai,
Pakai in asem Zion chate lenna,
Hichu ka tonsot in.

Zion chate jalen na ding ni chu anaitai,
Na jaona dem aw sopi,
Geisang le chun tonsot kot kihon hom lou ding,
Hinkho damlai Pakaiya din peuvin.

2. Lei lung ngainan puimang khan nate,
Damlai nikho ngaichat thil atam’e,
Pahbang I hinkho mollep ding kon cha hi,
Pakai natong ute.

3. Nilhum kon vaiche phat ahitai,
Vantil te le mitheng chemasa hon,
Khongpi le Baza thon eina ngah jingui, Van’a kilam todin.

4. Pakai Christa Lalna gam’a chun,
Leng le lal chaga genthei umta lou,
Lhunkal ka ngah lel Zion chate lenna, hichu ka tonsot in.


123. JAN LUNGJIN UM ZION INDAN

1. Jan lungjin um Zion indan sunga,
Pakaiyin athisan ahom’e,
Hiti chun lungdon meipi ajinge,
Ka Pakai lungset um akap e.

O nangho Jerusalem mite,
Alungset na chan chu he jingun,
Nanat nau jouse adamsah jeh chun,
Along donna chu hailou jen un.

2. Jerusalem kulpi kul pam lam’a,
Themgao thidan ahipoi tiuvin,
O hinve tem tan Calvary lhang chu,
Mipi lah a ka Pakai kamui.

3. Vetan Calvary lhang alhut maidiu,
Ahitai i-kalo diu hitam?
O ka Pakai nahung kit lou ding ham,
Namun ding chu Calvary hitam?

4. Hin sumil ponge ka Pakai Jesu,
Calvary lam hinve jing nange,
Ka dinga nathoh na kalung sunga,
Ka laicha geijin he jing nange.


124. GAL SAM UN SATAN GAL AHUNG NAITAI

1. Gal sam un satan gal ahung naitai,
Christa din ponlap domsang un,
Galvon kivon un ding det cheh uvin,
A thutheng chu lum le phon sung in.

Kon un galmi loi kisem toh un lang,
Pang det cheh un thu hi bantol un,
Malam nou vin Hosana tin ao vun,
Christa gal lamkai pipen ahi.

2. Gal hahsa hen lang itobang jong leh,
I jo tei diu ahi thon mo a,
Khovah lum sung un Lhagao chem pan un,
Jona chu eiho chan ding ahi.

3. Vo Vannoi Pathen ka kounau ngai in,
Nei huvin na milungset chun,
Galsat kichai a gal kijo teng le,
Lallukhuh kasan theina ding un.


125. DAMSEL CHAN KATONG LHUM UI

1. Damsel chan ka tong lhum ui,
Hiche nigup sung a hin,
Kaki khom tauve tunin,
Pathen lhai la ka sauve,
Hiche Pathen nipha hi,
Van tonsot ol kihet na.

2. Mi lungset them a Jesu,
Ka set nau soptheng soh in,
Chonse ho taona ngai in,
Ka khel nau ngaidam soh in,
Beihen leiset lung ngaina,
Ka lung u Nang ah kaihen.

3. Nangma ka lhaipet chau hin,
Ka lungu sunem soh in,
Hiche Hou in theng ahin,
Hung kiphong in Pathen Nang,
Van’a kon an kemlou chu,
Keiho neihin pe cheh un.


126. VO KHANGDONG HO

1. Vo khangdong ho nakhang hoilai,
Pakaiya din peuvin,
Na khanghoi lai Pakaiyin amangcha nom’e,
Na huhhingpa nachu tong in,
Sana khang hoi laiyin.

Na….. khangdon hoilai yin,
Nasempa Pathen geldoh in,
Na khanghoi lai Pakai dingin,
Tong in thanom tah in.

2. Phat le nikho akem jinge,
Khankho jong akem jing,
Phat tampi chejou ta nile lha kiheita,
Vo khangdong ho napah hoilai in,
Pakai na tong in.

3. Pakaiyin ati na khangdong,
Hoilai yin na tong in,
Ajou le nakhang hoilai molpang lep inte,
Tu hinkho hoilai in tongin,
Tong in tohphat ahi.

4. Nangho cheuvin namtin heng ah,
Sochat na thu hil un,
Koi hile atahsan jousen hinna mu ding,
Na khanghoi lai kilet kah in,
Pakai nachu tong i


127. HINKHO DEILAI KAHIN NAU LE PHAT HOI

1. Hinkho deilai kahin nau le phat hoi,
Hi ana kem loi jitai,
Imajouse kage le lunghel aum ngeiye.

Na pamai, na pamai
O phat le kumlui mol in,
Na lungset vanga namtin nomsa a cheng,
I hinlai damsung kimpet chau hin.

2. Phat kipa um akem o mi tamtah,
I hin pahlai achul tai,
Khankho akem jinge lunghel aum ngeiye.

3. Hithei hihen kavon ding kipa um,
Muthei kit ding chu hileng,
Nunlui ngaiyin kahol kumlui bou katiuve.

4. Kumlui to ikikhen koukit theilou,
Golngai kikhen pi jong chu,
Ahinkho alhing in kumlui to alhon tai.


128. HUNG KIHEI IN VAH MANGSA

1. Hung kihei in vahmangsa lung genthei,
Ven Jesu Christan na ching jinge nang,
Na hol in na ngah e huhhing ding in,
Geisang louvin Ama tahsan loi in.

Lungdam sel in na kouve nang Jesun,
Phaten ngai in Jesun na kou chu,
Lung lhaisel in na kouve nang Jesun,
“Hung un” tin lungset in eikou ui.

2. Na man louna ding in na ngah jinge,
Hitih chan nangma vahmang a nahi,
Nangma chu nan thi genthei athoh tai,
Ami ngailut kidang chu seithei lou.

3. Athu ngaijin lang alungset na hen,
Cross chunga na chonset a pomang tai,
Tonsot hinkem lou chu namu sah tai,
Na chonset jouse a ngaidam soh tai.

4. Hungin lamlui lamdih hung jot kit in,
Hinna kotpi Jesua hung lut loi in,
Lung lhaisel in na kouve nang Jesun,
Lhachom kit talou ding nang a kom’a.


129. NAGA CHE NAM NANGMA

1. Naga che nam nangma Jesu henga chu,
A thisan in na kisop theng nam?
Ami lungset na chun nakinem nam nang,
Athisan in naki soptheng nam?

A thisan …….theng a chu,
Na chonset nasop theng soh nah em?
Navon nen chu kicheh a ngimsel soh nam?
A thisan chun naki soptheng nam?

2. Niseh in Jesu kom’a na um jing nam?
Thisan a na kisop theng hinam?
Ama chu lungmon na nanei nam nangma,
A thisan in naki soptheng nam?

3. Hung toh nan tem ahung nile Moulang chun,
A thisan a navon athen soh,
Phasa dem nan tem nalha van’a kaldin,
A thisan in naki soptheng nam?

4. Na chonset nen bena navon chu pailhan,
A thisan in kisil thengin tun,
Nang ding in hinna twidung khat along e,
Hia chun na chonset soptheng tan.


130. KA KHOLJIN NA SAPSET NA

1. Ka kholjin na sapset namun,
Lungdon twisanglen kinong,
Panpi kangai ka Lhandampu,
Neihin huh in.

Jesu nagam nalhung tengle neihe jing in,
Leiset chonset asang taloi,
Ka doujou poi Pakai nunnem,
Jesu nagam nalhun tengle neihe jing in.

2. Ka damsung ni chom cha ahi,
Hetlou kah in jan mollep,
Setna meipi jing noiya hin,
Nei huhhing in.

3. Ka damsung nikho manding dan,
Neihil jing in Lhandampu,
Ka phat hoilai hi Nang ding in,
Mang tang kate.

4. Leiset loupi naho sang in,
Na hoiye kalung sunga,
Sapsetna ling lukhuh jong chu,
Khuh jong le chun.


131. I DAMLAI NI PHAT CHOM CHA

1. I damlai ni phat chom cha hi,
Beivah ding ahitai,
Sopi kingaiton phat aum tapoi,
Na lung heijin van gam ahung naitai.

Phat aboitai, phat avbeitai,
Lungsetna khang alem jinge,
I Pakai chu hung loi jingte,
Nalung heiyun vangam ahung naitai.

2. O hinna thu mulou hokhu,
Vetem un sopi te,
Tonsot thini na mun lam chu jon in,
Akitol ui mitlhi long pum pum in.

3. Phat kipa um chomcha sunghin,
Pakai na tong ute,
Ageisang tai o phat aum tapoi,
Kipan ute Pakai na tong ding in.


132. CHONSE SUHGENTHEI LHAGAO HO

1. Chonse suhgenthei Lhagao ho,
Jesu tahsan leu chun,
Aman olsah tauvin nate,
Athu tahsan leu chun.

Tahsan jeng un, tahsan jengun,
Tahsan jeng un tun,
Huhhing teiding, Huhhing teiding
Nang na huhhing ding.

2. Jesun athisan lu ason,
Hinna nom eipeuve,
Thisan lui ah chun kiphum un,
Buh bang a sop bang ding.

3. Jesu lampi dihtah ahi,
Olna gam nom jotna,
Geisang louvin tahsan loi jin,
Phatthei nachan kim ding.

4. Ahile gam loupi jon in,
Hung lhauvin loi theng a,
Gam loupia in nom’a cheng din,
Nop kemlou van in ah.


133. PATHEN SUMKON A GIN’A

1. Pathen sumkon agin’a lei hi aum lou teng
chuleh,
Tonsot hinna khovah a niso tengle,
Akhopteng alung tohte luipi pang gal lang khat lam’a, Chu a min kikouna sunga ka um ding.

Chu a min kikouna sung a (3)
Chua min kikou na sunga ka um ding.

2. Chuni jingkah vah hoi a Christan mithi athosoh
a,
Athokit loupi achan ni diu chule,
A lhenchom te kikhop nile a in u van chung gam’a, Chu a min kikou na sunga ka um ding.

3. Pathen natong ing kate niso apat nilhum gei in,
A mi ngailut kidang chu seichoi lenge,
Chule inatoh ijo a ihin nikho bulhin tengle,
Chu a min kikou na sunga ka um ding.


134. VO GOSPEL KHOLJIN

1. Vo Gospel kholjin hoilang cheding nahim?
Nangma ngaiya dangchah sang tampi aumtai,
Mujing a mulou le jajing a jalou hon,
Nathilbol thei lhatdamna angah ui.

Mol le lhang sang jong le cheding kahi,
Pakai thupeh juilou thei kahipoi,
Angailut nan eisol kacham louvin,
Pakai natoh kakin ahi.

2. Setna soh in mi sangja thim noiya aum,
Calvary sochat na niso lam helou vin,
Gotmun’a ding in lhem lungmong in satan in,
Ache jing ui o Gospel kou loiyin.

3. Gospel kouna sang nomlou jouse te hochu,
Kale hagel na thoh unte tonsot geiyin,
Chua kisih jong le ngaidam chang talou ding,
Achung uva tonsot themmo chuta.

4. Aw sopite Gospel kouna sangloi uvin,
Gospel lah touna din Rapture ni anaitai,
Tahsan chate jouse chugam’a leng unte,
Choldo vin te Hallelujah tiuvin.


135. AW KIPANA CHRISTMAS KA VAHCHOI

1. Aw kipana Christmas ka vahchoi laihin,
Kum hung lhung lha ding hi yui go-a,
Aban a tuh a nunglam heikit ding in,
Ka ngai na laiyui.

Khongaiyin (2) ka ngaiyui khongaiyin,
Khannou go na lem le hallai bang joulou,
Kipana Christmas.

2. Kum hunglhung ding hi juilou thei kahipoi,
Nikhat jong umthei ding kahipoi,
Na kipanau tun ache ding kahitai,
Damsel un chibai.

3. Pakai lungset jal a kimu kit ding in,
Ngah jing unlang kum hung lhun ding chu,
Vangbohna thah hinchoi yin hung kit nange,
Damsel chan chibai.

4. Na hungkit lamteng kimu kit tei ding in,
Kipah thanom tah in hung kit in,
Na sei Vangbohna gapha hinchoi yin lang,
Kipana Christmas.


136. KIPA MAN HOM DINGA PAKAI HUNG TENG

1. Kipa man hom dinga Pakai hung teng,
I sandiu hinpo nan tem?
I tahsan jing u ahung toh nadem?
I nga jing Pakai Jesu.

Tinau hitem phasa dem cheh a um
Kahi van chunga kaldia,
I kigin jingu ahung toh na dem?
Ama lam jeng chu isan jing a.

2. Jingpi phalvah in hung kum khat tou hen,
Eiho eihin kou tau le,
Pakai anga inatoh ikum teng,
A pha lheh e ti nan tem?

3. Aman eidalhah peh u tahsan chu,
Phatah a ching jing dinga,
Lungtheng sel a ichin cheh nah uvem,
Van’a nom chenna dinga.

4. Jan khangkim in I Pakaiyu hung leh,
I nga jing hung toh nan tem?
Kiging jing a um chu anun nom ding,
Van’a tonsot a nom ding.


137. GAM LOUPI TAH HUNG LHUNG DING

1. Gam loupi tah hung lhung ding
Kanga jing chu van chunga um,
A kum tin a Mitheng te puikhom na chu;
Ni kem in chu gam loupi hunglhun ding chu
Asunai-e Pathen gam hung lhun ding chu anai ta-e.

He! Pathen gam hung lhun ding anai ta-e,
Pathen gam hung lhun ding chu anai ta-e,
Kigo dem in vo kalung sumkon a eihin kouding
Pakai Jesun hung lang ding Loupi tah a.

2. Pathen gam loupi le aloupi gotsa chu kinem in,
Chule Pakai hung na ding lam kat jingin,
Hichun vannoi leiset chonset nan
Eihen eihung lhading,
Pathen gam hung lhun ding chu anai ta-e.

3. Pathen gam hung lhun nile
Pakai ngaitah chu imu diu,
Gam hung lhunma Pakai chu hung kilang ding,
Halleluijah athisan a eilhatpau chu vahchoi in,
Pathen gam hung lhun ding chu anai ta-e.

4. Vannoi leiset mi’n angah sottan
A lung lhadel tauve,
Tijat in mihem te lung adong heltai,
Pathen gam Thupha chu hilleu hitin suhal u hite,
Pathem gam hung lhun ding anai tah jeh hin.


138. NGAIYUN AW GIN ITI NGEITAM

1. Ngaiyun aw gin iti ngeitam, ni Loupi hung lhung ding chu, Leiset chonset le thina hi,
Cham leng hen tin asauve.

Chungnung pen’a loupi pen hen (2)
Tin selangdah gin ngei thon,
Cham leng hen tin asauve.

2. Til’a Aigupta gam bang chun, Jubilee ahung
lhung tai, Chungnung pen a loupi pen hen, Salem thah kot hongpa chu.

3. Mel hetlou mi ahi lasa, Lhandampu lemla sa ho,
Tonsot cham lal loupi lemnan,
Cham leng hen tin asauve.

4. Ahoi ngeiye apon loupi, amel u nibang a em,
Ponbang vamleh loupi sil un,
Cham leng hen tin asauve.

5. Neihil uvin vantil Thengten, Van lal Immanuel
chu, Laltouna theng loupi dalhan,
Michonse din ahung tai.

6. Hungvah kit in ka chung uva, melchih na valpa
ahsi, Chamna lenghen mun tin’a hin,
Cham leng hen tin asauve.


139. ALHANOI DAILIM NOM’A

1. Alhanoi dailim nom’a chun,
Lhatdam te kicholdo tan te,
Amauva tonsot hinna amuteng ule,
Kipah tauvin te.

Cheng unte chengden tauvin te,
Lungset na Pakai vahchoi yun,
Atonsot in haljing tauvin te,
Alhanoi dailim nom’a chun.

2. Alhanoi dailim nom’a chun.
Genthei na jouse beita ding,
Hinna twikhuh a kisil unte,
Buhbang sang in bang jouvinte.

3. Alhanoi dailim nom’a chun,
Ka le lungdon na um ta lou,
Setna huipi le lhepna gallen,
Abeitai khopi nom’a chun.

4. O chu mun a leng teho chun,
Leiset genthei na thoh talou,
Van selangdah gin ngei tum unte,
Van kulpi chu vel tauvin te.


140. I DIN DINGU LENG ANGA

1. I din dingu Leng anga,
Vantil toh la isah ding;
Olle van gam noma, lui pang ema ilen diu,
Pathen vachoi la sa ding, olle van gam noma.

I din dingu Leng anga
Vantil toh la isah diu;
Loupi hen Leng chungnung chu,
Halleluiyah! Halleluiyah !
I din diu Len ang sunga.

2. Van a jo la kisa ding,
I din diu Leng ang sunga;
Olle van gam noma, gim genthei bei sohta ding;
I gimnau ichai soh teng, olle van gam noma.

3. Chen kalha thillu choi-in,
Leng chungnung lamto dingin,
Olle van gam noma, A khopi muh a kun in,
Alha lim noi-a umin, olle van gam noma.


141. NGAIYUN MI CHONSE TEN

1. Ngaiyun mi chonse ten, Leiset man ni thu ding,
Leng hatchungnung tah khat Laltouna a touve.

Hung kum tei ding Jesu Christa (2)
Vantil theng asang aja toh.

2. Leiset gam kimvel a, a vantil asol a,
Molle twija cheuva, mi chomkhom soh keidiu.

Jesun mi chonse te jouse (2)
A lelut ding meidil sung ah.

3. Chuteng le mi chonpha, Ama lung toh jouse,
Van’a apui touding, Pathen lhai la sa ding.

Gou kemlou hin kemou pentin,
Ol kemlou nop kemlou pentin,
Kem louva nomsa jing jeng ding.

4. Mi chonse te vang chu, a go ding meidil a,
A thu ngai louse chu, Leiset na um lai-a.

Gimtan neilou na mei konga (2)
Tonsot a gim thoh jing jeng ding.


142. MANG JENG TAHEN

1. Mangjeng tahen lei lungdonna,
Golngai kikhen na jouse jong,
Nat nale lungdonna jouse,
Tonsot nopna ding in kile hen.

Lungdon lungjin umta louding,
Lhandampu lenna Van gam’a
Leiset gimna thoh ta louding,
O ka Lhagao choldo din chetan.

2. Geljing in ka hung kitna ding,
Phat le ni hi ahung naitai,
Leithil jouse kidang sohta,
Joun in Pakai yin nahol na gam.

3. Goldei tetoh lunglhai sel in,
Zion Pakai chu vahchoiyun,
Pakai kei jing neilhat jal in,.
Neipui lut in o Na van gam’a.

4. Leiset chung a lung hesoh hon,
Zion Pakai chu vahchoiyun,
Ama thisan jal a miten,
Kakipah e tin vahchoi ute.


143. KALE MAO UMNGAI LOU

1. Kale mao umngailou lungdona jousoh in,
Van Salem khopi a leng te ho chun,
Setna gal jousoh un thina ging talouvin,
O vahchoi nala sauvin.

2. Hi leiet kavet le lungdon meiyin akhui,
Lungdon lungjin na noiya umte ho,
Ikipa lai niu hi hung mang loi ding ahi,
Aw olgam ka ngai ngeiye.

3. O thisan jal in khopi nom chu neilhut in,
Luigal gam golngai te kimna gam’a,
Nei puilut in Van Mitheng te lenna gam’a,
O len kanom ta ngeiye.

4. Salem thah nom’a chun len kanom ta ngeiye,
Van Mitheng te hole lhatsa te chun,
Laltouna kimvel’un pachat la asauve,
O Hallelujah tiuvin.


144. JING NISO EMSEL A KAJING THO TENG

1. Jing niso emsel a kajing tho teng,
Nisa hoi chun lhumtih neita louding,
Tonsot a avah emhoi chullou ding,
Chonse keima kalung lhaisel tading.

Kalung lhaisel ta ding (2)
Jing niso emsel a kajing tho teng,
Kalung lhaisel ta ding (2)
Jing niso emsel a kajing tho teng.

2. Na loupi mailhai mel chu kamu teng,
Lhatsa nacha deite na ngong koi ding,
Lungset thilpeh in kot chu nahon teng,
Chonse keima kalung lhaisel tading.

3. Chemasa kangai cheng mel kamu teng,
I ti kipa ngem ken ngong koi cheh ding,
Ka dinga na phat ken simjou lou ding,
Chonse keima kalung lhaisel tading.

4. Eihuhhingpa Christa mel kamu teng,
Kei jal a athi ken sumil lou ding,
Tonsot chullou lan ken vahchoi tange,
Chonse keima kalung lhaisel tading.


145. PATHEN HENGA TAO DING A

1. Pathen henga tao dinga, lungnem a kunpet hi,
I ti noptam huhhingpu anga taopet hi,
Tahsan a bel ihiu le, Aman eihuhhing diu,
Chol dinga olna ahi, tao hi i-ti nop tam !

Tao hi lung olpet (2)
Chol dinga olna ahi,
Tao hi i-ti nop tam !

2. Pathen henga tao dinga, lungnem a kunpet hi,
“Na lungkham na jouseu ka anga seplhau vin”
Tia lungset khoto tah a eiseipeh teng ule,
Chol dinga olna ahi, tao hi i-ti nop tam !

3. Pathen henga tao dinga, lungnem a kunpet hi,
Ama lung toh te genthei na amusoh in,
A lungset lhaving noi-ah, nitin in eihoi e,
Chol dinga olna ahi, tao hi i-ti nop tam !


146. KALUNG LENGVAI KOM LE

1. Kalung lengvai kom le,
Pakai hung lengin kalung sunga,
Lengvai chate choldo namun na lenna chu,
Neihil in aum chan,
Lei genthei na a kalen laihin.

Aloupi je thu hi, kasei jou theipoi,
Van selangdah gin ngei,
Vahchoi na dah keidia gin ngei chu.

2. Lei genthei na ahin,
Lengvaiyin kap in mao jeng jong leng,
Thina luigal kakai phat le lungset ka Pan,
Aw eina lamton tin,
Lungdon mitlhi sona beitan te.

3. O chu mun’a leng chun,
Khenna thu him him a seipouve,
Khotheng nom le kelngoi nou chun tongso le lan, Mitheng le Seraphim hotoh vahchoina chim ta louding.

4. O chu mun lhun ding chu,
Lei genthei na hin eidal jitai,
O kangah lel Nagam thengnom neimu sah in,
Jona tumkao choiya, Aw Salem thah mukal ka ngah lel.


147. I LENNAU LEI MUNTHIP A

1. I lennau lei munthip a kon in,
Ingai ui gamtheng chu,
Ache masa I golten eingah jing-ui,
Twipi nong gal gammon a chun.

Gol in ven ponlap na masang a,
Kouna aw nem chu ngaiphan juon jing in,
Kicha hih in Van lamthom’a,
Goldei ten na ngah na in.

2. Na masanga nalhem lha dingin,
Lhepna twi long jong le,
Kichalou vin ven ponlap chu juon jingin,
Hung kile kit thei nahi tapoi.

3. Van muntheng nom’a lengte ho chun,
Lei kana hin veuvin,
Lungdon puldouva umte chu amu ve,
Ahin sang ui akhut jet in.

4. Vo goldei chu mun chu najon tai,
Nunglam hin ngai louvin,
Ache masa igol laiya leng ding in,
Pakai Christan pui lhung teiyin.


148. ITI NOP HITAM PAKAI A

1. Iti nop hitam Pakai a, ki ngaija cholnga ding,
Na thahat chun neitung dingin,
Ka lung lhah na chan’a.

Na lunggel lungkham na jouse,
Seplhan abonchan Achunga,
Na lunggel lungkham na jouse,
Aman na khankho ding agel nai.

2. Ka lunggel jouse na chunga,
Nga leng na lung ahi,
Ka lung hesoh genthei jouse,
Nangman nahe soh nai.

3. Nami lungset khoto ging chan,
Nangma lam jeng kavei,
Ka lungdon hesoh na channa,
Nangman lungmon neipen.

4. I bol a kalung kham ding ham,
Khonung thu ding gelna,
I pi kakichat pi ding ham,
Pakai a kingai leng.


149. CROSS PHUNG JON IN KAHUNG E

1. Cross phung jon in ka hunge,
Mi genthei hesoh lengvai,
Keima mi chonse chungnung,
Tun vang lhatdam ka changtai.

Pakai Nang ka tahsan’e,
Calvary van Kelngoi nou,
Ka kun’e na Cross noi ah,
Nei lungset in neihuh in.

2. Chonset in eihen sottai,
Lung in Nang kalha ngaijin,
Nem heo cha eikou kajai,
Ka hung tai Nang lim jon in.

3. Ka lung le kanei jouse,
A bonchan Nang kape tai,
Ka lhagao le ka tahsa,
A bonchan Nang a hihen.

4. Jesu hung keima hinna,
A man kei eisop theng tai,
A tonsot a tonsot in,
Loupi jing hen Kelngoi nou.


150. LUNGSET NA AKIHOM’E

1. Lungset na akihom’e, chitin le namtin ding in,
Phatthei phung chu pah uvin, Lal loupi chungnung ahi.

Chonse lung genthei lengvai,
Lungset na gam nom chang un,
Thisan theng tah a eilhat jal un,
Adei jouse hung uvin.

2. Vang phat kihom pet ahi,
Lut uvin gam nom’a chun,
Na chonset jouse pouvin,
Ngaidam inte lungset in.

3. Tepna gam chang dia gotsa,
Sopi gammang kit dan lang,
Kouna aw chu ngai jing in,
Canaan Pakai chu ahi.

4. Kipa aw ngei kajatai,
Vah loupi kamu phat in,
Dettah in lung ol eipei,
Lhatna thisan kachang tai.


151. KA GALVON KATOL KOI NGAMPOI

1. Ka galvon katol koi ngampoi,
O kachen na gal gin na mun,
Nitin lhepna chun eijui jing,
O ka Lhandampu seilep ding in.

O neivon in Immanuel,
Na Lhagao vin neivon inlang,
Hi leiset set thim kulpi hi,
Nang dingin dou kit nange.

2. Lhasam le geuchau vin ka um,
Na din sonlel mel pu jong leng,
Gal hatte dinga Lallukhuh,
O nasem chu neimu sah kit in.

3. O hinve tan ka Lhandampu,
Na thisan a na lhatsa te,
Hi leiset set thim kulsung a,
Akihen ui Pakai simjou lou.

4. Nang in neipui le melma te,
Ken dou ding Na thisan jal a,
Na tonsot gou lopi ding in,
O set soh a kon ken puidoh ding.

5. Olle kho ahung vah tengle,
Ka Lhandampu chu kamu ding,
Chua kagal von sut lhang ting,
O ponbang loupi eisil peh ding.


152. NEIKOU AWGIN KAJAI

1. Neikou awgin kajai, Nangma kom’a dingin,
Nei soptheng dingin Calvary a
Na thisan long lha chun.

Pakai kahunge
Tun Nang kom jon in
Thisan chun neisop theng in,
Calvary a long lha chun.

2. Chonse kahi vangin, na heng kahin jon’e,
Tha neipen neisop theng sel in,
Ka thensel masang sen.

3. Jesun eikouve kei, tahsan det kichen din,
Lungset tahsan nop kichen din,
Lei le van chung a din.

4. Chonset hatgam sunga, thahat neipen Jesun,
Lungset tah in kei eilamtoi,
Phatthei na eiboh e.


153. CHONSET LUNGDON GIM POMANG DING

1. Chonset lungdon gim pomang ding,
I neijui golpha Jesu,
I jakai ipohlut thei diu,
Pathen henga taona a.
Lungdong lung mong mo hesoh a,
I ding gim ithoh jiu ham?
I lhut lou jeh jiu Pathen heng,
I taonau va i-jakai.

2. I neijum thunoh le lhep na,
Lungjin lungdon na um em?
Lunglha louvin um jing ute,
Pathen heng lhut in taona.
Munau hitem Golpha adang,
Eithoh khompia ginchat thei,
I hatmo nau Jesun ahei,
Taovin aheng lhut soh un.

3. Hatmo le pohgih po ihim,
I lel um pohgih poh na,
I beldiu Jesu a um nai,
Taonan aheng lhut soh un.
Gol in nadei moa napai em?
Taovin Pakai heng lhut in,
A ban tenia nang huhhing a,
Nangman nom sata ding chu.


154. KALUNG SUNG SET BOH

1. Kalung sung set boh nensa chu,
Na Hou in hin semthah in,
Asung a hin o ka Pakai,
Tonsot in Nang hung cheng in.

Na um na chu (2)
Tonsot kipanan aloi.

2. O khatvei beh muthei hileng,
Khatvei beh Nang namu leng,
Leiset pahhoi jouse sang in,
Ajat jan Nang nahoi joi.

Kipeng kate (2)
Nangma toh cheng khom ding in.

3. O semhoh in kaset na hi,
Ka Lhagao huhhing in lang,
Ka chimtauve thim’a um hi,
Hungvah in van vah loupi.

Nahung vah teng (2)
Kalung sung kipa’n adim.


155. KUM LE LHA AKEM JINGE

1. Kum le lha akem jinge,
Kanop lai nikho jong hi,
Na emhoi le hi leiset pah hi,
Ka dingin lungdon le kana gam ahi.

O ka tonsot khopi le gal mun’a,
Lhatdam te lenna gamchu kangai ngeiye,
Lungdon na le lha lengvai na,
A um tapoi kana aw ging talou.

2. Ka noplai nikho akem,
Noi leiset pahhoi jong hi,
Lei nopna ponbang in chulkit jin,
Pahbang pahna tonsot gam kangai ngeiye.

3. Hi leiset lungdon na le,
Muthim in eikhang kimvel,
Ka lenna gamthip le kamao na,
Pel’a lungset tetoh lenkhom kanome.

4. Einem in lang o Pakai,
Genthei lengvai cha kahi,
Neipui yin Nangma lenna gam’a,
Lungjin na leiset hi ken ngaita louding.


156. JESU SEINAN KAJAI

1. Jesu seinan kajai,
“Thalhom nahi ngut nai,
Thalhom chaten thum un,
Pekim inge keiman”.

Ka bat jouse chu Jesun asalhai,
Ka chonset na jouse jong
Aman asop lheng tai.

2. I macha kanei poi,
Nalungset ngeh na din,
Nangman neisop theng in,
Calvary thisan chun.

3. Keima kathi teng a,
Ka lhagao van kalteng,
Jesun eilhat jal’in,
Kei van gam lhung ta ding.

4. Laltouna ka din teng,
Ama angsung a chun,
Ka galvon pailhang ting,
Jesu ang sung a chun.


157. LHAN THIM’A LUM AHI

1. Lhan thim’a lum ahi,
Lhandampu Jesu
Ni hung lhung ding ngah in Pakai Jesu.

Lhan ‘a kon in athoutai,
A thahat in agalte jouvin,
Thina muthim gam jouvin ahung thoutai,
Tonsot loupi Laltouna a tou dingin,
Athoutai, Athoutai,
Halleluyah athoutai

2. A lhan ngau moh ahi,
Lhandampu Jesu,
Khulsin song moh ahin, Pakai Jesu.

3. Thinan ahenjou poi,
Lhandampu Jesu,
Lhan sin song phujal ta, Pakai Jesu.


158. LHANDAMPU LUNG DONG IN

1. Lhandampu lung dong in achei,
A galten akaiyun,
Achena ding lam kavetle, thina mun chu ahi.

Chu lhang a chun akhai sang un,
Sapsetna thing chung a
Lengvai kana aw kajah chu,
Lhandampu aw ahi.

2. Alengvai na cross chu apun, Pakai chu akaiyun,
Lhandampu hoikom alhut um?
Ka Pu chu ga hunge.

3. Pon loupi le ling lukhuh to, I pu chu akaiyun,
Ka chonset jouse hi apon,
Genthei na lhang juon in.

4. Chua mipi akikhom un, Pakai taitom teho,
Lungdon na ten ana bom un,
Thingpel adom sang un.

5. Akhut le akeng thingkil in,
Thing to akhen beh un,
Hichun kajou sohtai atin, Pakaiyin asam’e.

6. Thina lungjin lungdon jouse,
Lung hesoh na jouse,
Ipun abon in ajouve, lhan’a kon athou tai.


159. LHANG KUMKHO AKIHEI TAI

1. Lhang kumkho akihei tai,
Phai tidam hung leng in gol hinpui yin.

O kavahchoiye Pakai,
O Na lemnan la kasai,
Lungset in tha neipeuvin,
Genthei cha kahi.

2. Thing le louna apultai,
Lungset in tha neipen solang neikhun.

3. Thi le lungdon beina gam,
Thisan’a lhatsa te neihol nau gam.

4. Chu thisan jal chun Pakai,
Nei puilut in chung van mun lalna gam.

160. NITHUM NIN ATHOUVE JESU

1. Nithum nin athouve Jesu
Thi nasatah chai in (2)
A thoukit tai aloupi toh,
Seijui ten amu ve. (3)

2. Chujou in Jesun angai cheng,
Lungset na thu sei in (2)
Tunia pat in abeisoh tai,
Na chonset nau jouse. (3)

3. Ama vang lungneng tah cheh in,
Nei ngaiyun nei ngah un (2)
Lhagao Theng chu hin sol lhange,
Na lung uva cheng din. (3)

4. Chujou teng le seichoi lenge,
Lung olmo lou hel in (2)
Gamtin a cheuvin hil leuvin,
Hinna Pathen Thupha. (3)

5. Koi hijong le nasei ngai a,
Kei eihea tahsan pa (2)
Ama chu leiset beini leh,
Tonsot hinna penge. (3)


161. HALLELUYAH ATHOUDOH TAI

1. Halleluyah athoudoh tai, chunga akaltai Jesu,
A phujal tai thina daltan, Vantil aw in ajom’e,

Athoudoh tai ! Athoudoh tai !
A hinge thikit lou din (2)

2. Halleluyah athoudoh tai, Pakai chu loupi hidin,
Hetsah Lhagao ahin sol’e, I hinna diu bol ahi.

3. Halleluyah athoudoh tai, thinan ajou jou tapoi,
Christa chu thokit na ahi, lhan’a amite thou ding.


162. KINEP NA GAM

1. Kinepna gam kagel chimpoi,
Lei lungdon na gal lam,
Hinlai lungdon meipi noiya,
Pel tange kana gam.

Lei lungdon na mitlhi hulding,
Kana nikho mang tante,
Pakai mel mukal kangah lel,
O mangta hen leiset hi.

2. Calvary ka ngai loupi pen,
Van gam kot ahong e,
Gachen chu a aw ka lhagao,
Alang e Van gam nom.

3. Kana janthim hi mang tahen,
Jordan luigal lam’a,
Leiset genthei na kakhel teng,
Ngai ponge kana gam.

4. Kei jong itih le kalhung dem,
Jordan luigal lam chu,
O kangaiye ka gol ngai te,
Che tange chu gam’a.


163. AW CALVARY LHANG GIM NEITAH

1. O Calvaru… Lhang gimnei tah,
Pakai thina… Calvary lhang,
Cross chunga chun… Athisan long,
Chonse keima… Eilhatdoh tai.

O Calvary… Calvary thim,
Keidia Christa thisan lonna
O Calvary! … Calvary hoi,
Chu a Pakai … kadin athi.

2. O he! Pakai… keima jal’a,
Hibang hesoh… nathoh hitam!
Calvary lhang… gimnei tah chu,
Vannoi chonset… po’n na jontai.

3. Song chimsoh in… mu athimtai,
Hichun tanta… Lhandampu chu,
Hou in ponjal… lai a lhang ta,
Van kot kihong… namtin dingin.


164. JERUSALEM ZION KHOPI

1. Jerusalem Zion khopi chu geltem un,
O mi atam kelngoi nou Lal lenna ding mun umlou,
O lungkham le kipana Calvary lhang ahung lange.

O nam jouse le chitin paotin in,
Van Lal nao banga kana Calvary’a
Kidang chom louve.

2. Jerusalem Zion khopi chu geltem un,
O mi janel kelngoi nou Lal lenna mun hoiya chun,
O Calvary a Pathen ngailut na, ngaitoa kul ahi.

3. Hallelujah hilthem leu hen Hallelujah,
O ngailutna daichom ngailou kipa nopna pahhoi,
Asei them le hil them umin tem o,
Angailut na hi.


165. TU ATHAH KILUNGSET NA

1. Tu athah kilungset na nom em’a,
Ka Pakai mun loupi,
Kipana pahcha namtui apahtai,
Chulkit talou ding in.

Olle ikikhop diu nom tah a,
Van Mithengte ho jouse khutoh,
Lungdon na gam’a ikanau hi,
I Pakai anga kipa la ding.

2. Kahin lai nihi akem masangsen,
Ka dinga mei jing jing,
Ajou le chug am kalhun teng chule,
Lei hi ngai ta lou ding.

3. Chu gam khopi emhoi tah chu juon in,
Lei hi dalha tang ting,
Tun agim namtui chu katep kha tai,
O anom na ding e.

4. Eihuhhingpa meldei um kamu teng,
Alaltouna chung a,
Thu atan ding lhatsa te kipana,
Hallelujah Amen.


166. VANNOI KIPAH HEN PAKAI HUNG

1. Vannoi kipah hen Pakai hung,
Leiyin sang hen a Leng,
A um na ding mun mi jousen,
Lung sung gotsan koi hen.

2. Vannoi kipah Pakai vaihom,
Sauvin a vahchoi la,
Mol le lhang phaicham twilen in,
A vahchoi la sauvin.

3. Thutah lungset nan vai apoi,
Heu hen leiset miten,
A chonphat le a loupina,
Seiphong hen lei chung ah.


167. CHAMNA LE LUNGMON KADIN

1. Chamna le lungmon kadin lui in along,
Lungdon twisang len bang jongle,
Kahet ding dolse Nangma neihil chan chu,
Aphata! Aphata! Ka ding in.

Aphata! Ka ding in,
Aphata! Aphata! Ka ding in.

2. Thupha chun ka chonset pumpi aseltai,
Cross chunga akhenbeh soh tai,
Keiman tukal chonset pokit talou ding,
Vahchoi in vahchoi in ka lung in.

3. Christa chu hi jing hen ka hinna bulpi,
Jordan in eiso khum jong le,
Keima dinga olmona ding umdeh lou,
Chamna Thupha chu nei hil jing in.

4. Pakai nahung kit ding ni kangah jinge,
Vangam nom kahung lhun kahsen,
Van sumkon gin le Nang awgin ngah kahi,
Ka lha dia iti kinep umtam.


168. LENGVAI GENTHEI KOM LE

1. Lengvai genthei komle kei mong theilou,
Chung toni jong nilhum joulou Pakai,
Einem ding dang umlou Pakai tailou,
Pahbang mol hen leiset kahin kho hi.

Lungdon kana gim gentheina mun hi,
Pel tange tun Pakai na van in’a,
Chuteng genthei gimna ken mil tange,
Leiset pel a lhunkal ngahlel kahi.

2. Leiset chung hi golngai kikhen na mun,
Insung mi jong kikhenna mun ahi,
Chungleng vabang gamtin’a ka lenglen,
Monna umlou Pakai Nangma tailou.

3. Van khopi tol laiya leng teho chun,
Lungdon kana asei ngai tapouve,
Ponbang sil un Van khotol aleng in,
Itih tah le kei jing ka lhung tadem.

4. Lengthei hileng keiman dalha tading,
Ka van tonsot pahbang pahna mun’a,
Ken mil tange genthei puldou kana,
Che masa ngaicheng toh tolleng tange.


169. KEN NA IN DING SANGE

1. Ken na in ding sange, hoitah le nomtah in,
Nalha chenna ding van chunga,
Gilkel dangchah umlou Na vangam nom’a,
Tonsot kemthei lou gam nom’a. (2)

2. Chu gam nom tah chu ken kamang bang in kamui, Nop le ol kemkit talou ding,
Agamla tapoi tun chu gam nom kangai chu,
Kei ding a innom asem chu. (2)

3. Chu gam chu keichang In ding hilou nang ding jong, Nazareth Jesu chenna chu,
Chu gam’a chengte iti noptam tonsot a,
Aman eihepi jeh u chun. (2)

4. Hungun ka sopite hung kipat un hung un,
Chu a lung genthei gim beita,
O ngei tah le kipah a la ngei sading,
Gamtin kimu to soh tading. (2)

Thikit louna nat kit louna,
Lungdon kichat tijat,
Lunhghel umta louding,
Bei ta ding lhiso le kana.


170. KAKUL PI NAHI AW EILHANDAMPU

1. Ka kulpi nahi aw Eilhandampu,
Ka kulpi nahi kaki selna,
Ka kulpi nahi kahinna nahi,
Nang kom jeng a bou um jing inge.

Ka kulpi nahi O Eilhandampu,
Ka gol nahi ka lamkai nahi,
Nang kahinpi Eilhandampu nahi,
Ka lungmonpi Nang kakisel na.

2. Ka kulpi nahi set in eijol teng,
Ka kulpi nahi Nang kahoina,
Ka kulpi nahi kalung hesoh teng,
Ka kulpi nahi gin kanei lou.

3. Ka kulpi nahi set hoidal nahi,
Ka golngai nahi kikhel lou ding,
Ka lung pumpi nachung a kangai e,
Tahsan le Mitheng in neikoi in.

4. Ka kulpi nahi O Eilhandampu,
Namtin chitin le leng lal jouse,
Manghen leivui in leng mangjou jongle,
Ka tonsot Kulpi Nang hi jing ding.


171. KA LHAGAO HINNA DIN JESU

1. Ka lhagao hinna din Jesu,
Cross chunga kiphal in athi,
Nat athoh e kei damna din,
Sei sang ei eilungset.

A sei sangun eilungset joi (2)
Nasa tah in kei eilungset e,
Jesun eilungset e.

2. A lungdonna athoh thei jin,
Kineo sah in gim athoh e,
Hinkemlou inei theina diu,
Sei sang in eilungset.

3. Jesun I lungmon na dingun,
Pathen henga eitao peh ui,
Athisan in eilhat tauve,
Sei sangin eilungset.

4. Einai komle kalung kipah,
Olna kichat louna eipei,
Ama a kinepna thon lou,
Sei sang in eilungset.


172. HINLAI SUNG IN

1. Hinlai sung in kiging phaute,
Set le manna lah a hin,
Ajou le cannan gam nom’a.
Goldei te toh lengkhom taute.

O leiset a lalte chu,
Tonsot gam lhung thei lou ding,
Luigal’a hinna lallukhuh chu
O tonggim chaten khuh tauvin te.

2. Ka ngai ngeiye Immanuel,
Lei lungdon gam thip ahin,
Meilah a na hung kit nile
Ka lei lungdon na beitan te.

3. Tonggim te leh pohgih te chu,
Luigal’a achol ngauve,
Olle Canaan gam nom’a chun.
Goldei te toh lengkhom taute.

4. Tonna Eden hontheng a chun,
Adam le Eve chu o,
Seingai louvin aum lhon in,
Set genthei na alha lhontai.


173. KA HINKHO HI PAHCHA BANG A

1. Ka hinkho hi pahcha bang a, Chomkah a hung mang loi ding, Jana mang kho ahung vah a,
Aman kit tobang ahi.

O Ka Lhagao van’a leng tan,
Lei hi ilou na ngai ham,
Na tonsot khopi nom jon in,
Van mitheng te khopi chu.

2. Leiset hinkho hi epi ham? Nat na le lungdon na bou, Kipa thanop jouse jong hi,
Hampa pah bang bou ahi.

3. Ache masa egolngai hou, Nop le kipan aleng ui, Laltouna kim in asauve,
Tonsot Pathen vahchoiyin.

4. Aloupi na emhoi tah chu, Nisa sang in a-emjoi,
Chu a aloupi masang a,
Pakai Jesu i-mudiu.

5. Ka aw ngei nei chasun sun in, Vahchoi jing e ka lhun teng, Vakhu banga leng thei hileng,
Leng tang e golngai mudin.

O ka Lhagao tunin leng tan,
Leiset hi dalha tan lang,
Tonsot khopi nom lam jon in,
Khopi nom Pathen chen na.


174. JAUVIN JESU MIN CHOI-AN UN

1. Jauvin Jesu min choi-an un,
Van min achoi-an e;
Leng jouse leng Lal jouse Lal,
Lemun Leng jouse Leng.

2. Lem uvin Patheen Martyr ten,
Alhatsa Mitheng ten;
Jesu loupi na choi-an un,
Lemun Leng jouse Leng.

3. Israel chate aum sun in,
Lhomcha hi jong leu chun;
Lungsetna na huhhing pau chu,
Lemun Leng jouse Leng.

4. Sumil lou jen un Gentile ten,
Thisan’a na lhat pau;
A khomuh a kun cheh un lang,
Lemun Leng jouse Leng.

5. Chitin namtin le phung tin in,
Pao tin in choi-an un;
Chung le noi Pakai Leng chungnung,
Lemun Leng jouse Leng.


175. ATEH AKHANG I BONCHAUVIN

1. Ateh akhang I bonchauvin,
Jesu vahchoi la sauté,
Eihuhhing I sochat jalun,
Jesu vahchoi la sauté

Lunglhai sel in la ngei tah in,
Jesu vahchoi la sauté,
Lunglhai sel in la ngei sauté,
Jesu vahchoi la sauté.

2. In a i-nom um kom jongle,
Jesu vahchoi la sauté,
Lamlhah khomol khol le tol a,
Jesu vahchoi la sauté.

3. Intheng kipah a ikai teng,
Jesu vahchoi la sauté,
Kikhop pi le chang lhatna jong,
Jesu vahchoi la sauté.

4. Set tona le phatthei na jong,
Jesu vahchoi la sauté,
Ahao avai genthei ten jong,
Jesu vahchoi la sauté.


176. LEI LAL PON LOUPI CHU KEM INTE

1. Leilal pon loupi chu kem inte,
Molhoi pahcha jong chu kem inte,
I-hinkhou jong hi hung mang loi jengthei ahi,
Hijong le Pakai Jesu kei’a.

Molhoi pah bang Lal Jesu keiya,
Keiding a pah tonsot gam nom’a,
Genthei na a jong Aman eiumpi ding,
Molhoi pah bang Lal Jesu keiya.

2. Eihuhhingpau gamnon em’a chun,
Ama chu tonsot valpa ahi,
Genthei thoh jeng jong leng hinoi leiset ahin,
Agam’a chun eipuilut inte.

3. Tuhin kap in peng peng jeng jong leng,
Thina in kamit asin tengle,
Kicha louvin lhanthim’a kon eikai thou ding,
Ka mitlhi jouse theh hul inte.

4. Kagol ngaiten hinoi leiset a,
Eidalhau vin ka lung ahel’e,
Hijeng jong le kalung ngai bangin kaum nai,
Molhoi pahbang Lal Jesu keija.


177. HICHE LEIYA KALEN LAI HIN

1. Hiche leiya kalen lai hin,
Lung donna jeng bou kamui,
Thina Jordan lui kagal kaiteng,
Pakai deina ang a kaum ding.

O neimu sah-in nasem Salem,
Goldei mitheng te lenna;
Kikhen louna gam,
Lei lungjinna hin dalhah a;
O etih le kahung lhung tadem

2. Gentheiya na um te ho jong,
Mun loupi chu alhun teng,
Che masate le Van mitheng ten,
Salem Pakai chu avahchoiyui.

3. Tonsot hinna la sate chu,
Eikouve che-masaten,
Ama ho aw gin kajah phat in,
Chu mun ngaina-in keima ka kap,

4. Ka ngaiye Nang Immanuel,
Nasem Salem thah hoi chu;
Genthei muna cheng kahi Pakai,
O nangin kei nei hung puidoh in.


178. PAKAI NANA TOH HI

1. Pakai nana toh hi, hin suhal kit in lang,
Nana tong te thahat hinpen,
Na hatna kilang hen.

Pakai nana toh hi
Hin suhal kit in lang,
Hung kumlhan lang tha nei peuvin,
Phatthei nah hin bung lhan.

2. Pakai nana tong te, seithem na tha pen lang,
Gamtin lhagao huhhing nau hen,
Na Mintheng loupi hen.

3. Pakai mi jouse lung, hin suhal soh keiyin,
Nangma mi lungset na heuhen,
Lungset na meikong hen.

4. Pakai halna hinlhan, Pentecost ni hin lhan,
Nangma Mintheng chu loupi hen,
Vahchoi in um jing hen.


179. AW PAKAI NEI NGAILUTNA

1. Aw Pakai nei ngailutna,
Twipi bangin ahung long,
Eina chup jinge michonse lamvai kei,
Pakai chu eihuhhingpu,
Kakipana seijou lou,
Chonset a thiding hinna ei hung pei.

O eingailua Ka Pakai,
Kapum in kahung kipei,
Kei mi chonse neiman nom pou le,
Katahsa ka hinna le,
Ka hatna kalung thim toh,
Thichan geiya ding det din ka hung kipei.

2. Leiset a kadam sunghin, umdan je kahe thempoi,
Nitin a kalson ding dan kahe them poi,
Ka ngailut ka Lal nunnem,
Na khut in neituh jingin,
Ka lamthom tin’a Nang hung ding jing in.

3. O Pakai ka damsung ni, hi kola alep teng le,
Mi hangsan Martyr bangin mollep kanom,
Hansan nale hatna din,
Lhagao vin neivon in lang,
Neiching jingin thichan’a gin umdin.


180. KALHAGAO NGAILUA JESU

1. Kalhagao ngailua Jesu,
Na anga um ka nome,
Kavel a twiso laisen,
Khopi hui ahat laisen.
Neisel in Pakai Jesun,
Kakichat tijat beiman;
Neila galkai in Pakai,
Lan kalha akhon nileh.

2. Kaina ding dang ken neilou,
Ka lhagao Nang jenga kai,
Kei neichang lha lou jen in,
Neivah jing in nei ngah phan.
Ka tahsan Nang jenga um,
Nangma jeng eihuhhing thei,
Neilungset in neive phan,
Na lhaving in neihin khun.

3. Imajousea Nang kangai,
Nang a kon a bou kamu,
Alhu jong phong dingin lang,
Ana jong damsah soh in.
Hinna twinah Nang nahi,
Nang a kon hintwi neipen,
Kalung sunga lonsah in,
Neipen hinkemlou twi chu.


181. HINTWI PUTNA CROSS PHUNGA

1. Hintwi putna Cross phung ah,
Nei koi in Jesun kei,
Manbei a peh hinna le,
Damna lui along e.

Cross phunga , Cross phunga
Ka loupina hihen,
Ka thokit kakal touma’n
Luigal vangam nom’ah.

2. Ka toh e Cross phunga chun,
Lungset le sochatna;
Chua um Jing valpa chun,
Keima eisal vah e.

3. Tun ka ume Cross phung ah,
Phatthei na kim neipen,
Nei kaihoi in nitin in,
Nei koi in nalim’ah.

4. Ka kat jinge Cross phungah,
Eilungset kinem in,
Ka galkai ka kal touman,
Nopna van gam nom ah.


182. LHAGAO HUNG LENG IN EDEN A THILLUI

1. Lhagao hung lengin Eden a thillui,
Hung mangin tin nagam hoi kavet ding,
Chuteng kamu ding loupina jouse,
Vahchoina gin hui bangin nungin te.

Immanuel na lungset kul sunga,
Gimna gal alen’e hung nai kit in,
Hung kile kit in kahin nau Nahi,
Nalungset kul sunga, O gimna gal alen e.

2. O kipana vangboh na ni loupi,
Nahinna lampi noma nei puiyin,
Jordan twipi len chu kinong jongle,
Canaan gammon luipi kagal kaiding.

3. Lengthei jin vakhu bangin leng le leng,
Kahinna Calvary mol kalhun ding,
Chuteng chu mun chu kadalhah kit teng,
Lalna gam nilhum louna kajot ding.

4. O kadamlai ni hi abei tengle,
Nopna khopi tollai ya kalen ding,
Calvary thina pachat la sa ho,
Kipana chulthei louva lengkhom diu.


183. KASET JAL IN

1. Kaset jal in O Pakaiyin alem loi,
Athohna seithei lou agimna seijou lou;
O Amel dei um thisan asoh joutai.

Van Lal Leng aleme (2)
Amite chuna in kilna thih hem le;
Nah a hemma chu thoh in,
Lhanmol ngui ajuontai.

2. Pakai hesohna aw ngei lungset ngui chun,
Setlei athongsoh in lhagao mangsa thouvin;
O setna kulsunga henkol kaite jong.

3. Paki lemna chu kolkim vel’a phong un,
Sim le mal’a minjong athohna chu heu hen;
O Pakai ti in ka lan hung lemu hen.

4. Genthei tintang thoh in eilhatdoh tauve,
Thisan man ihiuve setna kon lhatdamsa;
O Pan eiholnau gammon eilhut tauve.

5. Kahinna thing phungle Nang kakipana,
Na milungset jal in da lhangting lei lungjin;
O Salem thah a sun navang nei nouvin.


184. NGAI IN KAHUNG TAONA PAKAI JESU

1. Ngaiyin kahung taona Pakai Jesu,
Ka ngai cheh na dingin lung neihin pen,
Nang kangai cheh na din,
Jesun lung neihin pen,
Ha ngaitah a ka ngai na din.

2. Leiset nopna jouse kamusoh tan,
Ahin nopna olna hin kichen lou,
Nangma jeng bou hinna,
Nopna le lung monna,
Ha ngaitah a ka ngai na din.

3. Tu vangin Nang jeng bou ngailut na ding,
Lung thengtah kathum’e kei neihin pen,
Nang kangai cheh na din,
Lungtheng lungnem neipen,
Ha ngaitah a ka ngai na din.


185. NEI DALHA LOU JENO JESU

1. Nei dalha lou jen’o Jesu, kataona ngai in,
Midang Nangman nakou tengle,
Nei dalha hih in.

Jesu Jesu kataonau ngai in,
Nangman midang ho nakou teng,
Nei dalha hih in.

2. Na touna limdam noiya chun, keima ol neipen,
Chua na vahchoi la sange,
Lungset in neilan.

3. Ka lungmonna twinah nahi, kahinna jong Nang,
Nang lou keiman adang neilou,
Nang bou ka hinna.

4. Ka chonsetna subei soh in, neisil theng sel in,
Na deilam tah in nei puilen,
Na vangam geiyin.


186. AW VAN HUILHI KANGAIYE

1. Aw van huilhi kangaiye hung lengin,
Kalung sunga meipi jing semhoh in;
Thim le lungjin nan kei eikhang jitai,
Kajot laiyin alei tonsot kholmun.

O Pakai kadin ijakai Nahi,
Hinna twikhuh Nahi ken kangaiye,
Loupina le Van mun kangeh chomlou,
Van chu Nangma nahi e nei umpin.

2. Til’a leiya eden pahhoi leng sa,
Kahol in vannoi setthim jing noiya;
Hin Calvary lhanga aleng kit tai,
Apah e eden thah hinthing phunga.

3. Leiset pah mihemte hi chulkit ding,
Anop laiju le aw ngei gin jong thip;
O Pakai Namel hoi vang chul ngailou,
Tonsot a pah jinga einem jing ding.

4. Nangma ka kouvin thim akihoh jin,
Gamthip lunghel na hi jaiyin ka-oi;
Kakipana athah ken seijou lou,
Na em chun keidin kho avah sah e.


187. CHI GENTHEI LUNGDON NA GAM

1. Chi genthei lungdonna gama hin,
Lungdon mitlhi pum in kangah e;
Tang louvin Pakai nei umpin lang,
Nam genthei lengvai pah banga pah ding.

O hung lengin Pakai kangaiye,
Calvary nalung set na chu;
Pon bangin jah in kachung uva,
Nam genthei lengvai pah banga pah ding.

2. Na gam nom jot dalha jeng jong leng,
Mong pong kate Pakai Nang tailou;
Senlai nao banga kaka pet hin,
Namtin lungmol lah a Nang hung vah in.

3. Chonset in eihin nai jeng jong le,
Thina thimpi noiya um jong leng;
Pakai neipen hinna Lhagao hi,
Na lungsetna chu pah banga pah ding.

4. Genthei jal a aw van Lal lukhuh,
Chonset genthei mun na a hungun;
Nagam le chi kah a genthei na,
Kapa anga pah namtui in a pah.


188. SOCHAT NA KONG

1. Sochat na kong nikhat kaltou ding,
Jesu sochatna kong tol ahi,
Kong sunga chu namtin kimsoh ding,
Apuilut ding van chung gam nom’a.

Chugam a lut dingin (2)
Kong a chun hung kal un ule nao

2. Jesun lungset tah in nakouve,
Kong a hungkal un mi chonse te,
Zion gam jon ding kong dang umlou,
Phat hom’in hunglut in kong sunga.

3. Kaina sochatna kong chu che leh,
Hung kile lou ding kou jongle chun,
Zion gam nom em lam kai tading,
Nang na ka ding twikhanglen gal’a.


189. THISAN LUIPI KHAT ALONG E

1. Thisan luipi khat alonge,
Christa thajung a kon,
Mi chonse ten chu lui a chun,
Chonset asop lhauve.

Chonset asoplhauve (2)
Michonse ten chu lui a chun,
Chonset asop lhauve.

2. Cross chunga um thiding sa chun,
Thisan lui chu amui,
Kei jong ama bang a chonse,
Ka chonset soptheng in.

3. Na thisan lui nah chu keiman,
Tahsan in kamutai,
Aw ngeijin nang vahchoina la,
Kathi kahsen sange.

4. Ka leiset hinkho abei a,
Lhan’a kon katho teng,
Van’a aw ngei cheh in sange,
Na vahchoi tang louvin.


190. KAMON MO KALUNG HEL NI HIN

1. Kamon mo kalung hel ni hin,
Tong donna abanna ahi;
Ka leiset lonlhi long pum in,
Naban jet kahin sange tun,
Kisan in chibai o sopi .(gol lhangpa)

2. Goldei nungteng huiva mao ding,
Khoto nan navang ka kap e;
Ban jal in lonlhi huiyin lang,
Tong don in thimthu lel tem o;
Lai gila geltwi bang dap ding.

3. Nalong damsa tong donthei lou,
Keiman lhiso pi jeng jong leng;
Ichung thangvan sang najon tai,
Pakai Jesu Christan lhonpin;
Kalhauve goldei ngai chim theilou.

4. Hinoi leiset gim muna hin,
Golte ngaiyin mongjou ponge;
Vanchung gam nom nalhun tengle,
Che masa chin ngaite heng a;
Khankho thimthu cheng nalel tan.


191. LUNGHEL IN LHANGTIN

1. Lunghel in lhangtin kagal dot le,
Lhum mei akaiyin lungdon na gam a hin;

O toni kalhum joupoi leiset a hin,
O itih lunghel na gam ka dalhah a,
Goldei tetoh nom tah in in kaleng dem?

2. Ka ngah lel goldei te mel mukal,
Einem jinge kimu to ding luigal a.

3. Van Khopi tollai kagal dot le,
Lathah ngei le baja khongpi athong e.

4. Ngai chim pong kate van lathah ngei,
A choinau la ngeiyin kalung aleng e.

5. Leiset a gentheina a-ngah na bei,
O iti lunghel lungdon pul kadou dem?

6. Ka leltai Pakai set genthei na,
O nei lhamon in na-kam dam aw ngei chun.

7. Leiset kum lhun ding ka ngah lel e,
Kum lhuna Pakai Christa lem khom ding chu.


192. PAKAI HESOH THOH JAN CHU KANGAI TOLE

1. Pakai hesoh thoh jan chu kangai tole,
Kalung sunga thimpi ajinge,
Mihem dinga asem ni a sophat in,
Kalung sung thim jing avah sohtai.

Keima jeh in Calvary jon in achei,
Keima jeh in, keima jeh in,
Keima jeh in Calvary jon in achei,
Eilhat doh nan athi.

2. Mi chonse a anga kakithing thinge,
Kakun’e lungset ngaidam thumnan,
“Na chonset ka ngaidamtai” tin aw kajai,
“Kasatai nabat jouse” eiti.

3. Huhhing pan eingailut akidang lheh e,
Van a laltouna ahin dalhan,
I hinna dingun Calvary a ahung thi,
Vahchoi un Amintheng phong leuvin.


193. LEISET NOP MANG JONGLE

1. Leiset nop mang jongle, Christa kanei,
Leiset hi chim jongle, Christa kanei,
Hi leiset gam muthim, Olna munla umlou,
Christa kei kingaina, Christa kanei.

2. Kalhagao lhem hih in, Christa kanei,
Leiya hin um jong leng, Christa kanei,
Leiset phe mang kit ding,
Nichom khat dinga peng,
Kalunga mang jeng hen, Christa kanei.

3. Hinkho jan mang tobang, Christa kanei,
Chomkah a beita ding, Leiset hinkho,
Ka lunga kagel chu, Manghen mil tange ken,
Jesu bou kahin na, Christa kanei.

4. Ka hinkho lhing jongle, Christa kanei,
Sang in tonsot hinna, Christa kanei,
Sang in nop le phatthei, Olna mun chu jon in,
Sang in Jesu ang sung, Christa kanei.


194. LUNG MONGMON LHANG TIN

1. Lung mongmon lhang tin kachon e,
Lung monna aumpoi leiset a,
O ka chennau gam dalhang ting che tange,
Kap kit talou ding.

O kagam ngai chullou,
Pahcha hoiyin abome;
Mi genthei keima lenna ding chu,
Lal na pahhoi Gam ngai kaki nepna.

2. Huiva banging a leng thei leng,
Leng tange thangvan sang lam jon in;
Calvary lhang thing cross chunga ga change,
Ga tou jing tange.

3. Kho mun’a lengleng gol kim in,
Lhunghel lungdon jong hi bang tantem?
Ahipoi gol kim in lunghel abang chompoi,
Ka abang chompoi.

4. Heng thoh cheh ute lunghel jong,
Chung Pathen vangboh in damsel chan;
Lhagao kho mun’a chun eijong iga len diu,
Lei hi dalhau tin.


195. AW PAKAIYIN CHENNA DING MUN

1. O Pakaiyin chenna ding mun,
Aga semna a chun;
Vahchoina la sa galeng khom ding,
Goldei kikhen kitna jong um ta lou.

O ka- ngah lel lenkhom ni ding chu,
Leiset ngailouva Zion Pakai lem le;
Goldei te kimni ding chu.

2. Chua lungdon ka-na beita,
Khopi thah nom’a chun;
Thina lui gal kai teng kachenna,
Ding gel’in ka-lai kabang thei jipoi.

3. Ajou le kho avah teng le,
Goldei te leng’un te;
Chu a Pakai neilhah sah-in lang,
Leiset ngai louva dalhah ka-nom’e.


196. AW ITI NOP TAM CHRISAT KANEI

1. Aw iti noptam Christa kanei,
Vangam loupi le anop eihiltai,
Van gou lo dinga lhat kahitai,
Thisan le lhagaova peng kahi.

Hiche kathusim hiche ka laa,
Keiman vahchoi ding kahin laisea,
Hiche kathusim hiche ka laa,
Ken vahchoi jing ding kahin laisea.

2. A henga lut chu nop cham kimsoh,
Thokit loupi nia loupina chang ding,
Vantil hung kumlha eipui tou ding,
A kom’a chenga ol jing jeng ding.

3. A henga lut chu olcham kimsoh,
Genthei lengvai chol jong beisoh ta ding,
Kiging in ahung ngah jing inge,
Aphatna cheng vahchoi lan sange.


197. JESUN EILUNGSET KAHEI

1. Jesun eilungset kahei,
Bible in kei eihil e,
Chapang hi Acha ahi,
Ama hatchungnung ahi.

Jesun eilungset (2)
Heng-e eilungset,
Bible in eihil e.

2. Jesun kei eilungset e,
Keima huhhing nan athi,
Van kotpi ahong len e,
Chapang te lutna dingin.

3. Jesun kei eilungset e,
Keiman Ama thu ngaileng,
Kalut ding kathi nungle,
Vanchung Innom hoi sung ah.

198. HINLAI YIN LHANDAMPU JAL IN

1. Hinlai yin Lhandampu jal in,
Kipah in lengkhom jong leu hen;
Kap in ikikhen kit jitai,
O kangai kikhen louna gam.

Lhandampu mun ga sema chun,
Hi leiya kikhen pisa te;
Tonsot laltouna anga chun,
O itih ikikhom diuvem.

2. Alange Calvary lhang ah,
Galdot ute khen louna gam;
I lennau lhang kikhen jong le,
Tahsan in leng khom jingu te.

3. Sam jingu te I Pakai bou,
Genthei lengvaina a ei nem;
Ama lou ei nem dang umlou,
Achul jitai lei kipana.

4. Hi leiset a jong hin Aman,
Allungset na lha lim noiya;
Kipan eipui khom kit un te,
Kap in kikhen jeng jong leu hen.


199. KHATVEI DAVID LENGPA KHOPIA

1. Khatvei David Lengpa khopia,
Bong in a gan Ankong a,
Minu khat in achasen theng,
Ponse’n jel in alupsah,
Minu chu Mariam ahi,
Acha chu Christa ahi.

2. Van a konin ahung kumlhai,
Vannoi Pakai Pathen chu;
Loupi pen lhunna ding onglou,
Bong in a ahung lhungtai;
Mi vaicha genthei ho toh,
Leiyah ahung cheng khom e.

3. Achapan lai khankho kidang,
Nunnem le jana neijin,
Lungset in khoton anu ngai,
Lungset them Pakai theng chun;
Eiho Ama nungjui le
Ama chontheng bang hiute.

4. Khatvei Amai imu kit diu,
Lungsetna eilhat jal a,
I-Pakaiyu nunnom theng chu,
Chungnung pen Pakai ahi,
Amite hung pui tou ding,
Avan Inn nom a cheng dia.


200. CHANG AT NADING PHAT

1. Chang at na ding phat anai tai,
Kiging jing un nidan tin in;
Thina lhankhuh na lep kah in,
Pakaiya ding in na tong un.

Khodah uvin Loujao ho khu veuvin,
Chang amin in akoi gam tai;
Na tong ding ahin sol na din,
Lou neipu hengah tao jing un.

2. Chang’at phat a hung lhun teng le,
Pakaiyin chang a at khom ding;
Aw sopi lung mong ta hih in,
Lhagao manghon na kou jing e.

3. Loujao ho khu ve tem uvin,
Ana tong ding mi aum poi;
Tunin chen lang pakai ding in,
Kipah tah in na tong pan tan.


201. CHUNGNUNGA PATHEN ALOUPI

1. Chungnunga pathen aloupi,
Kum lhung keiyin eina chingun;
Ama mi lungset najalin,
I tohgao cheh i-mu tauve.

Hin toh doh-un (2)
Nanei jouseu hin toh doh-un;
Pakai jesu vahchoi khomna din, Amen.

2. Christa lengpen ni loupi nin,
Kipapi chapangte kei-hon;
Tunin na kotpi phunga hin,
Ka hunguve nanei ngeh-in.

3. Pakai min’a nahin to doh,
Pai-ni jeng cha hi jeng jong le;
Chapang te lung lhaina jal’in,
Vana nasan ding umin te.


202. KHANGKIM LAIYIN VANA KON IN

1. Khangkim laiyin vana kon in,
Van la loupi chu ahin sauve,
Asa vantil thengte janel,
A choinau ngeitah hiche ahi.

“Chungnung penna Pa loupi hen,
Leiyah lungmon le chamna leng hen,
Atonsot gei in thangsoh hen,
Lei chunga kipa leng hen”.

2. Kelngoi ching gam geh hon amui,
Avah loupi emhoi chungnung chu,
Chungnung pen lemna la ngei chun,
Gan kong sung chu alodim sohtai.

3. Pathen kelngoi nou hung peng chu,
Mihem chonset apomang sohtai,
Vahchoi na le kipana la’n,
Leng Christa chu vahchoiyute.


203. HUNGUN PATHEN MITE

1. Hungun Pathen mite, kipa nop la sauvin,
Bethlehem’a cheu hite, hung loi uvin,
Hungun gaveute, Vantil te Lengpa pen.

Hungun gahou u hite (3)
Leng Christa.

2. Sauvin van mi jousen, kipah in la sauvin,
Sauvin chungnung penna cheng, Vantil japin,
Chung gam theng a chun,
Pathen mintheng len hen.

3. Lei a cheng asemsa, hing jousen la sauvin,
Vahchoi un mihem’a peng, Christa Pathen,
Van le lei Pakai, Leng hatchungnung Jesu.

4. Christa Namin, lei a Nahung pengtai,
Tonsot tonsot geijin, Namin ja umhen!
Pathen thu gou chu, tahsa phe’n apengtai.


204. LEISET LOUPI NA KAHOL LAIYIN

1. Leiset loupi na kahol laiyin,
Kalung sunga kon thu hinsei chu;
Lamvai nang hung kile tan,eiti.

Ka-Pakai tailou ken monpi neilou,
Kalam vaina a kon eihun tem!
Pakai Nang tailou monna umlou.

2. Gentheiyin lamvai jeng ta jong leng,
Nang ngailutna kon ol kahi tai;
Leiset lung ngaina ken mil tange.

3. Oh! Lhandampu tun kahin kouve,
Kahin na a bonchan nang kapei;
Neimang chan Pakai na kina din.

4. Tun vang leiset thil nuse tang ting,
Ka –Pakai na hinna thu jeng bou;
Jailan sachoi le tange kum-khon.


205. PATHEN’IN EILUNGSET JAL’UN

1. Pathen’in eilungset jal’un,
Phat chomkhat din ileng khom’un
Tun kikhenna ni alhung tai,
Ka lhauve damsel cheh-uvin.

Phat chomkhat kikhen jong leuhen
Khat vei iki mu to kitdiu,
Pathen’in eiching jingu hen
I kimu to kit kah seuvin.

2. Sopi ngaite kikhen nung teng,
Molle lhangin eikhen jong leu
Iki lungset nau mil pou te,
Lungset jing valpa’n vah jing hen.

3. O sopi deite kilhah nan,
Ban jal’in chibai ka bol-ui,
I mo- nau ki ngaidam’ute,
Pathen vang peh ichanna diu.

4. Sopite kikhen jong leu hen,
Ngailut nan eikan khom jing hen
Leiya kimu hih jong leu hen
Van gam’a din kinem’u te.


206. KELNGOI CHINGHON JANKHANG LAIYIN

1. Kelngoi ching hon jankhang laiyin,
A kelngoi nga pet un
Pakai vantil ahung kumlhan,
A salvah soh jenge

2. Vantil chun kicha hih uvin
Keima neimu jeh un,
Kipana Thupha kahinpoi,
Nang le mi jouse din.

3. David Lengphung ah apenge,
Vannoi huhhing ding chu,
Vannoi Pakai ahung kumlhai,
Nungah cha’n a pengtai.

4. “Cheleu chun gan ankong sung ah,
Van a kon naosen chu,
Ponsea kijel mu vin nate,
Hichu Christa ahi”.

5. Asei jouvin Vantil ho chun,
Van a la asau ve,
“Vannoi Pathen chungnung nom hen,
Mihem lung mong soh hen”.

6. “Chungnung a Pathen loupi hen,
Leiyah chamna leng hen,
Van le leiset kijom patna,
Hihen atonsot in”.


207. NGAIJUN VANTIL HO LASAH

1. Ngaijun vantil ho lasah ,
‘Leng pengthah chu loupi hen,
Leiyah cham le nem leng hen;
Pathen le mi chonse ho; A kihou cham kit tauve,
Vannoi namtin kipah un,
Van lasa ho chu jom-un,Bethlehem kho sunga chun, Christa chu ahung pengtai,
“Leng pengthah chu loupi hen!”

2. Chungnung pen in avahchoi,
Christa tonsot Pakai chu,
Ahung pen ding kiseisa,
Nungah thengtah oisung ah,
Tahsa phe’n ahung pengtai,
Leiset mihem naosen in,Leiset mitoh cheng khom din, Jesu Immanuel chu;
Mihem in ahung pengtai,
“Leng pengthah chu loupi hen!”

3. Chamna leng chu vahchoi-un,
Vahchoi un nisoh thah chu,
Hinna khovah ahinpoi,
Alhaving japdam thiena,
Aloupina hin dalha’n, Mihem te sochat na din,
Leiset mite tung doh din, Penthah kit thu ahinpoi, Mihem in ahung peng-e,
“Leng pengthah chu loupi hen!”


208. LENG NATONG HO

1. Leng natong ho kingaito phau hite,
Igam lungdon na adim tai,
Igam-uva lhagao mang ding tamtah,
Aum-uve satan songkul ah.

O Pakai jesua ding a,
Sepai hangsan umlou hitam?
Idia sopi nang tu chan’a,
Lung monga um nalai nahim?

2. Leng natong ho kingaito phau hite,
Pakai man ding sepia hangsan,
Umlou ihiu-vem satan galsat ding,
Ven igam amachal thei tapoi.

3. Lhagaova kipana le haldohna,
Ahung lhunkit theina ding in,
I-lungthim apumpin Pakai kom’a,
Mitlhi long in tao jing uhite.

4. Leng natong ho kingaito phau hite,
Igam lungdon na adimtai,
Pakai ngailut na adailha gamtai,
Hung kipan tan Pakai natong din.


209. VETAN LEISET KHOPI

1. Vetan leiset khopi ho ahoi ngeije,
Chenna In ning tinho ahoi tangei je,
Hinla Inhoi tamtah chu kidouna in ahi,
Inhoi tamtah ho chu lung donna dimta.

Insung Maicham a vahchoi la sauté,
Insung Maicham a Pakai hou ute,
Insung Maicham chunga Vangam kigal muthei, A loupi dan seijin Insung Maicham chung ah.

2. Eisem Pathen jalou Nu le Pa tamta,
Nu le Pa jabollou chate adimtai,
Insung mi kitoh lou igam sung jong boi jouta,
Vang bohna tamtah chu nalung don diu ham.

3. Set na leh lungdon nalung jin na pel in,
Insung Maicham sem in Pakai kou ute,
I thoh gim nao ho chu athon ahilou nadin,
Insung Maicham sem in Pakai hou ute.


210. ITI NOP TAM PATHEN LHAIPET

1. Iti noptam Pathen lhaipet,
Leiset lungngai lung a beita,
I-ngai jouse kim in eipei,
Van’a Pa Laltouna konin,
Satan gal’in lam eipel tai,
Ka taopetna Nang nahung le,
Ka lungdon lungjin pet jongle,
Kalung mon le kipa’n aloi.

2. Iti noptam Pathen lhaipet,
Vantil kei dinga hungpa chun,
Ka taona Pathen ang- sungah,
Na lhaving in potou in lang,
Pan eilungsetna thu kajai,
A thupha dihtah chu kahei,
Kalung apumpin kapetai,
Hung kumlhan tun ka taopet hin.

3. Iti noptam Pathen lhaipet,
Nanga kona lungmon na thu,
Kalung sunga hin khum dim in,
Van innom kahung lhun kahsen,
Ka leiset vou kapai lhah a,
Kemlou van vou chu kachan teng;
Ka len thoa vanjol kagei teng,
Kalhai kalhai leiset tinge.


211. PATHEN NANGMA LHAIDIN

1. Pathen Nangma lhaidin,
Kakai khom kit tauve,
Nei nungsun lou jen un Pathen,
Ka chonset jeng vangun.

2. Ka chonset apum pin,
Kahinpoi na heng ah,
Na ngaidam dingle soptheng din,
Nakom kahin bel’e.

3. Ka chonset simthei lou,
Sapset thei kahiuve,
Hi jongle Nangma milungset,
Hatjon sumang soh-in.

4. Hijeh chun katao nau,
Ngai in lungtheng hom in,
Leiset lung ngai sumang soh-in,
Chonphat lung nei peuvin.

5. Pathen hou thanom chu,
Vangpha le nom chungnung,
Athi teng van’a cheng jing ding,
Van Mitheng nom laiya.


212. PAKAI CHU KALUM LE KAPHO

1. Pakai chu kalum le kapho ahi setgal kajona,
Lhasam louvin che jing jeng uhite tahsan chate ho,
Calvary ngailutna athisan long chun,
I-chonset jouseu angaidam sohtai.

Keima neisol in keima cheng kate,
Lan sachoi leng e, phat kanei sun in,
Dou ding melma I jat in tam jongle,
Che jing ding kahi nagam kalhun man.

2. Pakai chu eiho lam’a apan le i-ham igin diu,
Jona ponlap chu domsang uhite lhagao chemjam chu,
Kipaman san ding nikho anai anaitai
Chuche nikho chu nikho loupi pen.

3. I hinkho hoilai Pakaija dingin kiphal theng ute,
Dettah in pang uhite Pakaiya machalna dingin,
I insung damlai nikho chomcha bou,
I neitai sopi hung kipan loiyin.


213. TAHSAN CHATE PAKAI JIN EIKOU VUI

1. Tahsan chate Pakai jin eikou vui,
Kouna aw chu ngai phau hitin,
Christa Lenggam tung doh ding in,
Thina thimnoiya touho puidin,
Kon uhite ana tong din.

Hung uvin kipan ute galsat dingin,
Lhagao chemjam pan in malam noute,
Christa sepia nung chon louvin,
Thina thimnoiya tou ho puidin,
Kon uhite ana tong din.

2. Vo khangdong ho Pakai in eikou ui,
Lung kitoh in pang khom u tin,
Kipana Thupha lhang sam din,
Nang jong Pakaiyin na kou jinge,
Ana tong din hung kipan tan.

3. Kei kaum’e ka Pakai neisol in,
Kei cheng kate nana tong din,
A niseh a cross kaput in,
Hinjui nang e Pakai na lampi,
Na gam ka hung lhun masang sen.


214. PATHEN NANGMA HOUBUNG MITE

1. Pathen nangma Houbung mite,
Lungset in phatthei na pen,
Namai vah chun salvah soh in,
Ka lah u va kilang hen.

Chutile vannoi leiset mi’n
Muntin nangma Thupha theng hi,
Vannoi namtin le phung tin in,
Gam jousen hinna tante.

2. Vo Pathen Nangma vahchoi la,
A mihem jousen sauhen,
Mi asangja aw gin thong chun,
Vannoi leiset losoh hen.

Mi sutheng thei na hi nangma,
Nagam loupi chu hinlah in,
Vannoi leiset gam kimvella
Chonsetna son mang soh in.

3. Vo Pathen kataona sangin,
Van Lhagao theng hinsol in,
Nagam kachalsah nadiuvin,
Houbung mite tha hinpen.

Pathen phattheina neipeuvin,
Niseh in nei kithopiuvin,
Chuteng vannoi leiset miten,
Na loupi hetau vinte


215. TONSOT SONGPI KADINGA

1. Tonsot songpi kadinga,
Khi’a chun Nanga neisel in,
Nanah thenga hung long doh,
Longlha thisan le twi chun,
Ka chonset neisop thengin,
Nei huhhing in keima tun.

2. Kakhut in natong jong leng,
Ka mitlhi long jeng jongleh,
Lung nunin gunchu jong leng,
Nangma chondan thupeh chu,
Keiman jui kim jou lou ding,
Ka chonset theng theilou ding.

3. Ima kahin choipoi ken,
Cross jenga chu kingaija,
Ponsil lou ponsil dinga,
Nangma kom hinbel kahi,
Nei hihhingin lengvai kei,
Chonset a thi ding kahi.

4. Hiche lung kagel laihin,
Thinan kamit asin a,
Hi leiset kagal kaija,
Na thupi tan kamu teng,
Tonsot songpi’n neihuh in,
Neisel in nei huhhingin.


216. THILSEM JULE VA JENG IN BON

1. Thilsem jule va jeng in bon,
Avahchoi yule Pakai keiman,
Iti vahchoi louva ka um ding ham?
Ka aw neisun mang chang kate.

Pakai naloupi e Lhandampu,
Nasemsa lei mihem te hi,
Iti vahchoi louva ka um ding ham?
Pakai ka hinna Nang nahi.

2. Thilsem khaokho khongbai ju le va jengin bon,
A vahchoi yule Pakai keiman,
Iti vahchoi louva ka um ding ham?
Pakai ka hinna Nang nahi.

3. Thilsem thing le go twi jeng in bon,
A vahchoi yule Pakai keiman,
Iti vahchoi louva ka um ding ham,
Pakai ka hinna Nang nahi.


217. JESU NEI HINNA NOM

1. Jesu nei hinna nom, kipa na thuguh chu,
Ka Lhagao monna eipei, Jesu neibou kipana.

Jesu nei chihna bulpi,
Jesu nei haona bukim,
Jesu chu vannoi toh kikhen na.

2. Jesu ka neihi seichoi lenge vannoi yah,
Tahsan nan kamu chentai, athina mel cross chunga.

3. Jesu nei hinna nom, mihao ten neijou lou,
Miching hon ahe thempoi, koijeh a dangchah hintem.

4. Van Canaan ka In ding, leiset kakhol jin na,
Aigupta ahah taloi, ka Lal Jesu neipui yin.


218. CHENA VANA HOIMA JOUSEA

1. Chena vana hoima jousea,
Pathen in eipui le jing nai,
Lunggel le natohna jouse a,
Pathen in eipui le jing nai,

Pathen in eipui le jing nai,
Ama khut tah in eikai lei,
Aseijui tahsan kichen tah
Hi’nge eipui le jing jeh in.

2. Lungjin lungdon nat thoh lelna,
Genthei nan eibom jeng jongle,
A van thupha hinna thu chun,
Eipui len eilhem lung monge.

3. Hahsa toh ing nom toh jong leng,
Twihat le twinem pal jong leng,
Eden hon nom a leng jong leng,
Pathen in eipui le jing nai.

4. Kathi teng keima Pathen in,
Jordan lui eipui galkai ding,
Van innom’a cheng jing tange,
Olmo lou Aman eipuinai.


219. KA PATHEN NANGMA KOM

1. Ka Pathen nangma kom kahung naije,
Gim genthei lungdonna toh jeng jong leng,
Navahchoi la sange,na kom kahung naije,
Ka Pathen nangma kom kahung naiye.

2. Kho jinghen thim jongle neilhon pin lang,
Vah hen thim jeng jong le nei puilhung in,
Katah in kamang in, na kom nai kanomme,
Na kom cheh a Pathen kahung naiye.

3. Van jotna van lampi hin lhung lhan lang,
Van kalbi hin lah in nei lungset in,
Na vantil hinsol lhan, eipui lhung pai dingin,
Ka Pathen nangma kom kahung naiye.

4. Lung jin a kon kathoa ka lung halting,
Pathen nang vahchoi la keiman sange,
Kahunge nei sangin, neilan neichul nam in,
Ka Pathen nangma kom kahung naiye.

5. Len theina ving neijing kipahtah in,
Nisa sanga sang jon leng sang jong leng,
Hiche la hi mang mon, navahchoi nan sange
Ka Pathen nangma kom kahung naiye.


220. CHUNG GAM NILHUM LOUNA

1. Chung gam nilhum louna sun nivah ngailouna,
Pakai vaihom na a khat vei kileng khom ding,
Kanglou twi veina gam nom’a ilhun teng le,
Lhagao va ivon kikhel soh ding.

Kisem phan lang ki ging jing un,
Nungah som thulem bang louvin,
Sumkon sangsom sangja,
Hung ging ding anaitai,
Sumkon in nakouve Van laiya.

2. Pakaiyin nang dinga chen na Innom semta,
Deimo a nopchon na insung deiya nahim?
Na Pakai in hoiya umding a nadei em?
Hung in na Pakai kom Muntheng a.

3. Nopchon tohga manbei meidil a govam ding,
Mi chonpha tohga chu Intheng kilhut soh ding,
Nopchon tohga nanei sumkon in akoupoi,
Dalhan hung in na chonset jouse.


221. BIBLE THUDIH AHI

1. Bible thudih ahi (2)
Lungset na kot kihon sung hin;
Hunglut in gam thenga (3) D.C

2. Dan suse mi sugam
Pa thu kipe ahi,
Ahung lhungtai lhenchom te lah;
Genthei lhiso ka na (3) D.C

3. Phat ni tin in akem
Hinkho jong nitin kem;
Christa to nom’a lenna din,
Ka hinkho lhing loi hen (3) D.C


222. KAKIPAH E VAN’A KAPA AUM

1. Kakipah e van’a ka- Pa aum,
Athupha lungmonna thu eihil e,
Athupha bua thu kidang tah kamui;
Hibang thupha Jesun eilungsetna.

Kakipah e Jesun eilungset,
Kei eilungset, kei eilungset,
Kakipah e Jesun eilungset,
Kei jong eilungset e.

2. Ken Ama sumil ing lamvai jong leng,
Mangta jong leng Aman eilungset e,
Aman eilungset ken kageldoh teng,
Kalut kit jitai ama khut sunga.

3. Keiman langei khat ana sathei leng,
Leng loupi chungnung mel kamu nile,
Hichu hi ding katonsot chulmo la,
Jesun eilungset akidange.

4. Kichen tah a lung monga kahitai,
Jesu tahsan a nomsa kahitai,
Kalunga kon satan ajam jitai,
Jesun eilungset keiman kasei teng


223. KIPAH UN PATHENA NOMUN

1. Kipah un Pathena nomun,
Lung thengsel Mithengte jouse;
Pathen chu gingun tahsan un,
Genthei gim lungdon pailhau vin.

Nomun …… Nomun,
Kipah un Pathen’a nomun;
Nomun …… Nomun,
Kipah un Pathena nomun.

2. Nomun Ama Pakai ahi,
Vannoi leiset le van chunga;
Aman gam thum vaipi apoi,
Eihuhhing hatchungnung ahi.

3. Muthim in nang khu jong le chun,
Jan a vanpi nim bang jong le;
Ima lungdonna nei lou in,
Pathen jenga tahsan jingun.

4. Kipah un Pathen a nomun,
A vahchoina la ngei sauvin;
Sauvin na aw sansah un lang,
Ao un Hallelujah tiuvin.


224. LAL LUNGLHAI KUM KIPA

1. Lal lunglhai kum kipa phat chu,
Tu hin a lhung kit tai,
Gache hen Bethlehem kho pam’a,
Van mite In sah na.

O nang Bethlehem iti kangai hitam?
Na lhang chunga lamkai ahsi em chu,
Kap in kahin hol peh e,
Pakai penna mi isah lou gam.

2. Ngailou um intem chu mun chu,
Pakai penna mun chu,
Caesar lengchan lai ni phalouva chun,
Ka Lal nao bang akap.

3. Gave tem un Vantil Thengten,
Na deiyu Lal Jesu;
A hung penge genthei chate dingin,
Pah banga ilem diu.

4. Cham ta diuvin kelngoi ching ho,
Lungset mun’a um un,
Lungdon louna ahsi kal gam nom’a,
Chu a ichen khom diu.


225. HICHE LEIYA KALEN LAI HIN

1. Hiche leiya kalen lai hin,
Lungdonna jeng bou kamui,
Thina Jordan lui kagal kaiteng,
Pakai deina ang a kaum ding.

O neimu sah in nasem Salem,
Goldei mithengte lenna;
Kikhen lou na gam,
Lei lungjinna hin dalhah a;
O itih leh kahung lhung tedem!

2. Gentheiya naum te hojong,
Mun loupi chu alhun teng;
Chemasa te van mitheng ten,
Salem Pakai chu avahchoiyui.

3. Tonsot hinna lasa te chun,
Eikouve che masa ten;
Ama ho awgin kajah phat in,
Chumun ngaina in keima kakap.

4. Ka ngaiye Nang Emmanuel,
Nasem Salem thah hoichu;
Genthei mun a cheng kahi Pakai,
O Nang in kei neihung pui doh in.


226. VO PATHEN CHUNGNUNG

1. Vo Pathen chungnung pen kahinvah choiye,
Hingjing Pathen le imajouse bolthei,
Lungdong soh genthei te mi chonse te jol,
Chaga te genthei te (3)
Pakai le Pathen.

2. Mite taona sang Pathen nahijeh in,
Namiten asinmo athum nau pejing,
Nachate ka le ham nangai lhi jinge,
Thudih a thilpha bol (3)
Na nungsun ngaipoi.

3. Hiche hi milen le mineo hetsah in,
Mipite le nangma thu dou jing ho hi,
Tua huhhing a aum theina dinguva,
“Ipi kati diu ham?” (3)
Tiuhen lang Amen.

4. Namtin thim’a kon soh a kon kipah hen,
“Chungnung penna Pathen loupina hihen;
Leichunga kipah te chunga chamleng hen,
Hosanna (6)
Sam in lan sauvin.


227. EISEM’A EIHUHHING PAU

1. Eisem’a eihuhhingpau chu vahchoiyun,
Lhan le thina konin eilhattauve.
Alet aloupi jabol un vahchoiyun,
Huhhing hat loupi chungnung tah ahi.

Vahchoi jingun,
Chungnung pena loupi,
Chungnung chu vahchoiyun,
Vahchoi jingun,
Pakai le Leng chu vahchoi jingun.

2. Eilungset eihonguva chu vahchoiyun,
I-kisel nau songpi le ikulpiu,
Eichinguva eikaihoi uva ahi,
Twidap lonna vahom phaicham lhunga.

3. Eisempau phat konna ch vahchoi cheh un,
Alet le aloupina vahchoiyun,
Athu ging chauvin alungset kinemun,
Angailut na eituh jing diuva chu.


228. LEISET LUNGNGAI NA JOUSE HI

1. Leiset lungngai na jouse hi,
Pel tang e tonsot gam noma;
Alungset na lhalim nui ah,
Pakai ngaiyin eikou ve.

Umkit lou ding kikhen kit na,
Lung gentheina mitlhi lonna;
Eilhandampu Pakai Jesun,
Natheh hulpeh inge ati.

2. Lhandampu chun ana gotsa,
Kipana khopi emnom chu;
Chu loupi mun emtah a chun,
Tonsot a emding kahi.

3. Kipah tah in vantil te le,
Lhatdam changte iki khop diu;
Tonsot hinkem lou ichan diu,
Kikhen kit na umlou ding.

4. Calvary lhang kaga vet le,
Kachen na gam ding alnage;
Van kelngoinou lal na ahi,
Sana khopi em sunga.

5. Lhandampu lungsetna jalin,
Aloupina chu ichan diu;
Chu gam emmnom chu kalhun teng,
Vahchoi na chim talou ding.


229. GAMMIN THANG KISEI CHUL NGEILOU

1. Gammin thang kisei chul ngeilou
Pakai in asem gamnom chu
Sun leh jaan um talou hel ding
Zion khopi nom tah achun

Van Jerusalem khopi chu
Gil kel dangchah kisei kit lou hel ding;
Nileh lha leh Ahsi vah ngai lou
Kelngoi chu avah jing jeng e

2. Pakai nagam theng nom achun
Thina hui pi nung talou ding;
Mitlhi long a kikhen kit na
Umtalou ding nagam a chun

3. Hiche vannoi genthei mun a
Thina gam kano jing lai hin
Lungdong a kagenthei kum leh
Pakai nang in nei lhamuon in.


230. LUNGSET THEM PAKAI NEIHUNG VIL IN

1. Lungset them Pakai nei hung vil in
Lhamon na aw kanei jou tapoi
Nang lou ken lungmon na ken nei jou lou
Nei hung vil in aw kaPakai deitah

Kavan in nom ah (2)
Neihung pui in eilhandam pu
Ka van in nom ah
Genthei lengvai kaka na aw hi

2. Nangai lut na thun nei hung lhem in
Kapet kahei a nang kamu teng
Hinna thing lim nui ah kicholdong nge.

3. Chemasa ngaite toh kimu ding
Einem jing jeng e, kalung ahin
Golngai te kim del in leng unte
Neilhut loi in Aw kaPakai deitah


PAKAI TAONA

Van’a um ka-Pau, namin kija hen;
Nagam hung lhung hen,
Van’a nalung chan akim bangin
Leiya jong nalung chan kim hen,
Tunia kaneh khop diu
An neh neipeuvin,
Kalei bateu kangaidam bang un
Keiho bat jong ngaidam in;
Chule lhepna-a, neipui hih un,
Agilouva kon in nei huhdoh jouvin,
Ajehchu gam thahat,
Thunei nale loupina,
Tonsot tonsot’a, nanga ahi.

AMEN


KEIMA TAHSAN

Keiman Pa-Pathen Hatchungnung
Van le leiset sempa katahsan in,
Achapa chang khatseh,
I-Pakaiyu Jesu Christa,
Lhagao-Theng a kon’a hung kijil ‘a
Nungah thengsel Mary sunga peng,
Pontius Pilate khut’a
Genthei hesoh thohpa,
Thingpel’a kikhenbeh a,
Nithum lhin nia
Thinna a kon’a thoudoh kitpa,
Van’a kaltouva,
Pa Pathen Hatchungnung jetlam’a toupa
Van’a kon’a mihing le mithi
Thutan‘a hung kit dingpa chu katahsan’e,
Keiman Lhagao-Theng katahsan in
Vannoi losoh Houbung Theng khatseh
Mitheng te kiloikhom nachu katahsan’e
Keiman chonset kingai damna,
Katahsan in,
Tahsa pumpi thodoh’a
Tonsot kemlouva hinna,
Katahsan’e.
AMEN

6 comments to Hymns and New Songs in Kuki

  • Onkho Haokip

    La ho na hin tadoh u hi kipa a um lheh jeng e. Hithei hen lang houbung la le ladeihen, lathah abu a ineipau toh khun a number kibang thei na lai leh.

    Hung hapan un

  • Palal

    Electronic version a tachai sa um ho ka hin tah doh nah lai ahije. Na hinsei banga HB, Lathah, Ladeilhen abona abu sunga umbanga tachai sa ki nga thei leh pha lheh in te.

  • Ki pa a um lheh e hi ti a la ho website a na hin tah doh u hi, La bou hilou a Bible jong eipao va ahung kitah doh ding hi kenep leh nga lel ahi e. Pathein in phat thei na boh tau hen

  • mamang

    La ho hitia ingai chat pet na dia gah man jeng theidia hin bol doh ho chunga kipa thua ahin kiseije

  • Thangminlen Khongsai

    Kipa aum lheh’e nang ho jal’a kana tohna munna jong bailam tah a vahchoi la ho vetna kasah thei jeh’in Pathen kathang vah’e.Enam piu hi nang ho jal’a Pathen nin phat thei eiboh jom diu jong kaki nem’e.

  • Alal Haokip

    Pathien min lou pi jing hen. Hitobang hin boldoh lamkai hojouse jong Pathien in vang big jing tau hen. Nang ho tompan najal in hoilai mun ah ki um jong leh boilou hel a eipao a Pathien vahchoi la nailam tah in aki mu thei tai.

Leave a Reply

 

 

 

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>