Thusim

Myanmar gamsung ministers thah ho, adeha Sagaing Division leh Naga Self-Administration Zone hon “Naga Ne-hmah, Ne-cheh Go, Taw Lhan-chin” lekha bu lui sim din achom un ahi. Hiche lekha bu hi 1977 kum a Yangon khopia bu 3000 ana ki so ahi. Hiche hi Myanmar gamsunga Publication minthang khat “Sa-pay-beik-man” ho so ahi. Hiche lekha bu sun hi Maung Gyi Zin ahi.

Hiche lekha bu hi kum 2004 lam a pat a ka na hol hol ahin, ka na mu jou poi. Yangon University library a ka kom in, ka na sim jin ka hi. Tu kum 2012 kum bul til lai chun Yangon khopi sunga lekha bu lui ki johna mun tampi ka hol hol in, anah nah in copy khat ka mu doh in ka hi. Lekha bu lui joh pan hiche lekha bu hi ministers thah hon asol le ho ahung hol sah u thu jong asei je.

Hiche lekhabu sunga hi WW I laiya sahlam gama Kuki te hon British te ana sat thu u, sim nop um taha a asut ahi. A sunga kisun ho pha te cha isim leh lekha sun pan, Kuki pao chang, “He-pa” ti ho jong amang in ahi. Hiche lekha bu hi Myanmar gamsunga cheng adeha Kukite dia man lu tah ahi. A sim nom hon HBS library a kom thei ahi.

Hiche lekha bu hi ministers thah hon lung lut taha akhol lai tah u ahin, Myanmar gamsunga cheng Kuki chate hon aman lut je leh aman chah je he leu hen, mailam a din pha chom lheh in te. Myanmar gamsunga Kuki te (Khongsai leh Thadou) khan kho ding hi gil taha gel a, ki-gona, tohpan phat ahi tai.

 

 

 

 

 

 

 

 

 

 

1 comment to Thusim

  • George T Haokip

    Kipa aume hitong website phatah nahin pat doh u. Mitam pi dinga phachuom ding ahin chule machal na lentah khat ahi. Congratulation and wishing success.

Leave a Reply to George T Haokip Cancel reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>