Tu phat hi gelkhoh in

Tu phat hi gel khoh in
Miss Hai Nei HoiMihem hinkho a dinga, nikhat jou nikhat i-natoh ho a hung tohnop a, chule ahung hoi ja ahi leh, i-lung thim akipa sah banga i-natoh na ahung hoi louva ahi leh i-lung thim akipah louna leh lung gentheina ho aum doh ji e. Hiche lung nop louna ho chu avel vel a i-gel leh i-lung thim agenthei sah jin ahi.

Thengsel a um twi chim sat ki koi khon sunga chun twitheng lou mal khat hung khe lha ta leh, hiche khon sunga um twi theng chu twi theng lou soh gam ding ahi. Hiche banga mihem lung thim jong chu i-tobang in lung theng jong leh lung khamna, i-lung han na ho phu le helouva ato teng leh lung thim chu a theng ji ta poi.

Lungkham na hahsahna ho avel vel in gel jong le chun lung then na lung nopna a, pang lou ding ahi. Lung khamna ho i-gel jeh in i-lung thim anom mo cheh cheh e. Hijeh chun mihem hinkho a dia aki chai sa thil ho chu tuphatna hin nung gel doh da tauvin. Tuphat i-hinkho man dan ho eima dinga ahoipen ahi na ding in kithem chuh angai je.

Jing nikho a i-pi hung lhung ding i-pi thil soh ding ho hi ma gel da ding in milen milal hon asei uve. Lang khat na i-gel leh tu i-hinkho man dan ho hi eima dinga, ahoi pen leh apha pen ahi na dinga i-pot tho ding u hi apha pen tah ahi.

Lung khamna ho hi avel vel a i-gel a, a hi leh avel vel in aki lung gim in, them khat cha bou i-gel jong them khat cha bou aki lung gime. Lung khamna ho hi gel lou hel a i-um a ahi leh akilung kham thei poi. Mi hem hinkho a dinga i-gel leh lung gim lung khamna ho kitoh kha thei ahi nai.

Sum le pai hona a jong, i-jat i-nam ma kon na jong chule i-cha i-nao va kon a jong lung gim lung khamna tamtah kitoh kha thei ahi. Ahi vang in hiche lung khamna ho chung a hin alhom sanga lhom jo aum pha jo e.

I-lung a kham a hi leh i-mel jong, avet hoi pon, lung gim lung khamna hin i-mel u jong atehset sah e. I-lung thim a then leh i-mel jong atheng in avet hoi je. I-lung thim akipa leh i-mel jong akipah e. Hijeh chun na lung thim then sah in lang, kipa jing le chun namel jong hoi ding ahi.

Hijeh a chu na mel jong nahoisah noma, na lungthim na kipasah nom leh phat chesa ho chu nung gel doh hih in. Chuleh ahung lhung ding thil ho jong gel hih in, tu i-phat man dan ho joh hi gel angai je.

Translator Miss Hat Nei Hoi (Grade 8)
Hope Boarding School, Yangon
Source: The New Light of Myanmar (Burmese) on January 31, 2013.

4 comments to Tu phat hi gelkhoh in

  • George T Haokip

    Eipao a lekhajih athemsel tai, kipapi aume. Alekhajih thusim jong thilphatah chingden dinga phatah ahi. Pathen in nabon un na umpi jing taohen.

  • khupmang

    Dear Hatnei

    Kanao translate nahin bol chu kakipah mong mong jenging ahi. Thil jouse a nakhan tou jing thei na dingin Pathen koma nang le na insung mite chule Burma gama simlai chapangho dingin kahin taokop min ahi.

    Kakipah ie.
    Damsot hen Hope Boarding Shool, Yangon

  • bruce k thangkhal

    a sim nop val e.

  • Amos Chongloi

    Dear Hoi

    Na thiem lheh jieng in, kipapi um ka hin sa lheh e. I pao u hi koima a sundih thei jong a kium tapoi. Hetna sangtah tah neiho’n jong a sundih thei puoi, i pao uh a lhahsap jieh ahi.

    Hinla khangdongcha a tobanga na hin sut thei le, hatah a pan na hin lahbe a hiche sanga dihjo thiemjo nalai dia na hin sutdoh ding ka kinem e.

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>