YANGON-DALAH MISSION

YANGON-DALAH MISSION
IMG_0978Pastor Thang Len Khup leh insung mite hon Yangon khopi lui (Yangon River) gal lama Burmese Buddhists ho laha ache sa kum 2003 laiya pat a chun Kipana Thupha muchi ol ol in ana the pan un, kum 2006 a pat in Dalah khopi sunga acheng lut un, tahsan chate ho ngailu tah in ahui tup un, phat te chan houbung din mun in Pathen na ahin tong pan un ahi.

Dalah khopi sunga Pastor Thang Len Khup leh insung mite hon Pathen na, atoh kal u tun kum 8 sung alut tan ahi. Hiche khopi muna anatohnao va cheng ho hi Burmese Buddhist leh Nepali ho ngen ahiuve.

Masanga Pathen Thu ja kha lou beh hon Pathen Thu ahin ja un, aki san un, Houbung sunga member a um mong mong hi tun mi 88 vel aphau ve. Pathen min thangvah in um jing ta hen!
February 10, 2013 Sunday nia ki khom chu (52) aphauvin, nung hapta February 17, 2013 ni chun mi (42) aki khom doh uve. Sunday niseha kikhom alhang pi (average) a aki sim leh mi 35 apha jing uve.

Chule Pastor Khup in Pathen houlou ho Pathen a-housah keu hi lou vin, Christian ten hopsom leh tokhom ki bol jing ho jong ahet them na diu vin ahil chen in, hapta seh leh hopsom leh tokhom jong anei jing uve. Achen nao khopi muna cheng mite ho hi ‘ki ah vah ngen’ ahijeh un, kitahtah a ato vang un, houbung a ding in alhing jou pon ahie.

Dalah Christian Church tin aki min vo un, ama ho leh ama ho aki lam kai uve. Ama ho hi denomination noiya um louva local a ki vai po ahiuvin, tahsan thah ngen ahi jeh un alamkai pao Pastor Thang Len Khup hin Christian hinkho pi lhin na dinga thuhilna leh kilamkai na ho a, kin jouse alan ahi.

Acha pa Mr Thang Lam Cin jong tun Pathen natong din in aki kat doh in, Yangon a Bible School khata Bible ajil in ahi. Ama jong Pathen natong dia kikat doh ahi ma bang in thujil apon thon, a on teng leh houbung sunga Khangdong ho alam kai ji e.

HOUBUNG DINMUN
Houbung sunga aki man chah dan u chu anoiya bang ahije.

1. Worship Service hi Sunday ni seh leh abol un, mipi aki khom jiuve.
2. Children Ministry hi Sunday ni seh leh aum in chapang 29 aphauve.
3. Nute kiloikhomna jong anei un houbung sunga nasatah in pan ala jing uve.
4. Youth ho jong aki loi khom un, ama ho kin chu ahi leh houbung sunga khang dong ho khat leh khat ki ngai lua, chule Pathen he pha lou khangdong ho Pathen henga pui lut ding ti ahi.
4. Home Cell hi Wednesday ni lhah seh pung 6:00 pm in abol jiuve. Home Cell hi tahsan cha te ho in na abol un, ijemtia Pathen hou lou hon ngaichatna ahin nei u leh Tahsan cha te ho ina kibol chu a khin dohuvaa, tahsan lou ho in a chu cheuva, Kipana Thupha asei phong jiu ahi.
5. Evangelism natoh na lama jong nasa tah in pan alauve. Chule houbung sunga lhagao lama halna aum thei na ding in, pan alakhom chehuve.

Hiche Dalah Mission Field hi muntina um tahsan cha te ho pan khomna a kon a, tunichan a ma chal ahiuve. Lhaseh a Valpabung Christian Church (North Side) leh Pa Let Sei te in kon in, sum le paiya pan hu na ahin peh jing u ahin, adang koi tabang Pathen natohna a pan la nom aum leh jong pan i-lah khom thei u ahije.

TEMNA
Pastor Thang Len Khup leh insung mite hi Pathen in nasatah in amang chan, mun tin gamtina um Christian te hon taopeh jing ute. Chule koi ta bang mi-mala Pathen natohna a pan la nom, ahi lou leh houbung leh kiloikhomna din mun a pan la nom aum jong leh tem ihiuve. Tahsan chate i-pan khom u leh Pathen natoh ha machal ding ahi.

Koi tabang pan la nom aum leh kihe to-u te.

Pakai leh Amite Lhacha,

 

Dr Neh Kho Lal
Email: [email protected]
Phone: 0973182289

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>